《其實網上好多女神真係唔可以郁架》
尋日睇左向西村上春樹套電影<<西謊極落>>，好好睇，劇情選角節奏音樂都好好，最好係遇上林敏聰謝票，現場聽佢live 講鄉下話係正嘅。套戲好睇亦唔需要我多講，向西寫得好，電影都唔會差。
今日係想講下網上女神其實唔可以郁呢個話題...
<<西謊極落>>入面搵左杜小喬做配角，我覺得個選角係適合嘅，杜小喬亦做到個角色嘅戲份。但我見到杜小喬出現喺電影入面，我明白到，其實有D 網上女神，真係唔可以郁架。杜小喬其實平時影相有filter唔郁而且張相出現喺手機咁細嘅mon 度，佢真係索；但原來冇filter拍video 比佢郁放到佢喺個咁大嘅電影畫面度，佢變得好普通，就好似tbb 求其一套古裝劇企後排其中一個 宮女咁common。
杜小喬嘅美貌喺網上的確稱王稱霸， 但係去到娛樂圈 爭妍鬥麗 ，表現又的確 強差人意。杜小喬入電影圈呢個舉動，就好似一個band 5嘅學生喺原先學校考第一，轉去band1學校考最尾一樣，原來網上紅人同明星真係有一段距離。
杜小喬喺電影呢個舞臺綻放唔到佢喺網上嘅光芒，又或者係網上嘅光芒去到電影圈，呢個人人都咁靚爆鏡，人人都咁閃爍嘅環境，顯得好暗淡。
只有IG 同FB上，女神先係零死角....
所以我其實真係好佩服一D 敢做live 嘅IG 同FB女神，佢地到底知唔知佢地一郁，就會郁走D fan 屎。有D 女神真係只可以活喺網上，而且仲要唔好郁，佢地要好似蒙羅麗莎的微笑個liza咁，唔郁擺喺度，等D 遊客自己走來走去再講句「真係行到邊佢都係笑緊架喎」.....只要女神喺網上唔郁，網民就會覺得「真係無論個scrolling bar 點郁，女神都係零死角架」。
呢D 網上女神可唔可以好似比卡超留喺精靈球入面咁，自律地留喺IG 同FB，你地唔走出來，我地仲有個幻想，覺得世上好多女神好多美人，你地走出來，幻滅左好多人嘅想像架。
＃女神DONT_MOVE
