可能上兩季嘅日劇實在太「斯巴拉施衣」👏🏼👏🏼👏🏼又有「逃恥」同「過保護加穗子」完全係丫仁心中揮之不去,今季要講邊一套好睇都真係有D壓力!!!😰😰小弟個電視長期會開住日テレ,所以佢今季三套重點劇都「聽」晒~其餘都係網上望過兩望!!
1)奥様は、取り扱い注意(太太 請小心輕放):起初對綾瀨遙呢套有少少期待,原因自佢做完螢之光之後有好多突破演出,又勁攞獎嘛!點知一睇次下都係擺脫唔到機械人女友個樣,做佢老公個西島秀俊都係木口木面樣!成日都會以為佢會唔會係女殺手/黑玫紅咁有戰衣着,暫時較為深刻就係成條鎮兩大師奶陣形大對決~個惡師奶(青木さやか)真係助攻成功,完勝廣末涼子同本田翼😂
2)CHOK到爆藤岡DEAN(即係同HOCC&EDISON拍勞斯萊斯個個)拍武井咲(EXILE主唱TAKAHIROでき婚個位)以話題炒熱,丫仁 完・全・無・興・趣
3)用香港包裝的恋する香港(戀在香港)真係要講粗口,睇完第一集就唔想再睇!!!無主題無頭無尾無內容,睇完唔知睇咁咩!!加上女角太似連詩雅~梳!!!支持唔落~留多D時間睇其他野仲好~
4)發唔發脹嘅櫻井翔我都唔係好OK,佢同蒼井優先に生まれただけ僕(只是我先出生)深刻嘅係同平時拍日劇手法唔同,比較似電影式制作。大量流行日文生字同現今校園實況!!!例如デジタル万引き(用手機影書店內容)、アクティブ・ラーニング(active learning)等等.....尋晚個集仲有個學生導出我地一齊以來嘅心聲:「點解要學微積分?對踏入社會有用咩?」蒼井優點解有少少似湯唯,外表平平無其但越搭越有味道?!
5)仲有一套係狗仔隊的深夜劇都感覺上OK,CAST唔強而充滿DARK SIDE同懸疑/人性~可惜太夜,無咩心情睇!!!
ps:中文譯名真係一門學問!!我都係跟網上直譯,譯唔到「煙花應該和誰看?」咁有意境,梳~
Search