【 《蓋世豪俠》大結局 】
二月開始大陸劇全面攻陷翡翠台：http://bit.ly/2D4mrOj
30年前經典周星馳主演的經典港劇《蓋世豪俠》剛剛播畢第30集大結局，才發現原來今集劇集絕對可以用一個字來形容 ── 癲！！故事講述，穹蒼派掌門段飛（周星馳飾）為了迎戰已學會「玉女心經第九層」的「女人型」段玉樓（吳鎮宇飾），幾經辛苦之下，在極樂老人（鮑方飾）的協助下，總算勉強學會了「不死極樂神功」。由這開始，劇情開始亂Q咁嚟！
決戰當天，阿飛的妻子阿珠（羅慧娟飾）為丈夫穿上藍色戰衣，名副其實心口得個勇字，令我想起《龍珠》孫悟空和無限一同參加「天下武林大會」那樣，但配樂竟然是《如來神掌》。其實這個時候的阿飛仍有兩個穴道未打通，所以根本不是段玉樓的對手，豈不是必死無疑？好在，還有「九天金丹」！點知，阿飛一食落肚之後反應其大：「好味呀，我從來都冇食過咁好食嘅藥㗎，藥味濃得嚟好溫和，加上有糖衣包住，好易入口，食起上嚟唔軟唔硬，好有咬口，吞落去遍體生溫……」咦，咁咪即係《伙頭智多星》x《唐伯虎點秋香》「含笑半步釘」？完全是《銀魂》Style地聯乘上述所有內容再加上《大力水手》（飲完藥變得超大力），完全扭轉過去29集的鋪排，莫怪乎有很多人都說，《蓋世豪俠》即周星馳建立個人風格的重要開端。
（31012019）
＃游大東 ＃游大東影視筆記 ＃蓋世豪俠 ＃港劇 我睇咗啲乜嘢 做乜膠睇電視 講劇時辰到 快樂的 周星馳百科 我們都愛周星馳 ＃龍珠 ＃銀魂 ＃如來神掌
