「耳仔邊一呼一吸，節奏快到差d休克…」想要
情趣d難免間中都要同你伴侶整返一兩句dirty
word先有feel。一係唔玩一玩一定要去到盡，
要做到最「Dirty」，可以參考下筲箕灣呢間
大玩歐美街頭復古風「Dirty Skillet」。餐廳
中間整左個旋轉木馬卡位打卡，再將Dirty
dish將主題完美演活，學野啦細路。👇
-
📌FEELING · HEALTHY -
▪ Beef Steak · Salad - $88
▫ 頭盤我地揀左個「燒牛肉·沙律」，沙律菜非常
清甜可口，每一啖咬落都有種清脆既口感；
而配搭大量紅蔥頭、青瓜、蕃茄、芫荽，為炎炎
夏日帶黎一點清新味道；另一亮點就係個燒牛肉，
燒得岩岩好，肉質爽彈，夠哂香濃惹味！
-
📌TASTY · BITES -
▪ Portobello Mushroom Pancetta - $108
▪ Taco, Si Chuen Chili · Shredded Chicken - $98
▫ 跟住分別試左「田螺煙肉·洋蔥芝士焗大啡菇」，
佢個大啡菇size非常巨型，面頭蓋住滿滿既芝士，
夾雜住田螺、煙肉、洋蔥一齊食，口感好豐富；
而另一款「墨西哥脆餅·四川麻辣手撕雞」用左
四川風味既麻辣手撕雞做主角，有別於傳統既
墨西哥脆餅，食落鬆化無比，幾有特色。
-
📌BREAD AND MEAT -
▪ Dirty · Burger - $130
▫ 主菜方面一定要試試人氣招牌「熔岩芝士·煎蛋
牛肉漢堡」，淨係造型都已經贏哂，一大把牛肉
刀斬係麵包之上，何其霸氣呀。而表面麵包烤得
好鬆脆，加埋裡面熔岩芝士、煎蛋、焦糖洋蔥、
煙肉連埋一齊食，層次相當豐富，作為牛魔王既
我一定愛上。
-
📌SOMETHING SPECIAL AND SOFT?
▪ Pineapple · Hat - $48
▪ Elderflower · Soda Coffee - $58
▫ 飲品雖然我無叫左dirty系列既野飲，不過一樣
唔會失望，事關前者呢杯「Pineapple·Hat」面頭
有一大舊新鮮菠蘿，配搭菠蘿汁同埋Sprite，味道
甜而不膩，相當開胃；而後者「Elderflower·Soda
Coffee」用左J.Gasco梳打混合double espresso，
味道比普通espresso tonic更加濃厚，我就幾鍾意。
-
📌LET THEM · HAVE DESSERT -
▪ Souffle · Omelette - $115
▫ 輪到最後壓軸驚喜「梳乎厘·奄列」登埸，一睇
賣相就知個班戟焗製時間岩岩好，外層鬆軟綿密，
入面保留半熟狀態，所以蛋漿做到非常濕潤既
效果；而食落蛋濃郁香甜，唔需要額外既醬汁
已經非常好食，唔錯。
-
📎 Dirty · Skillet
📍 筲箕灣筲箕灣道393號形薈地下G12號舖
蕃茄 焗大啡菇 在 Chef Diary - 番茄洋蔥焗釀大啡菇平時一般用呑拿魚或煙肉釀蘑菇 的推薦與評價
番茄洋蔥焗釀大啡菇平時一般用呑拿魚或煙肉釀蘑菇， 味道雖好但略嫌太膩。 用簡單的番茄洋蔥作內餡， 味道豐富而且口感清爽， 也能增加每天的蔬菜攝取量！ ... <看更多>