【其實我真係好鍾意《藉著雨點說愛你》】
竹內結子其實早喺《午夜凶鈴》已經有銀幕演出,當時仲未紅嘅佢,好快就俾貞子殺死咗,大家未必有印象,但講起竹內結子最深刻作品,就要數呢套令佢成功電影圈都爆紅埋嘅《藉著雨點說愛你》。講個已經離開咗嘅媽媽,喺雨天突然回到人間,過咗一段好幸福嘅日子。
喺時空穿梭片未去到《TENET天能》或《Dark》果種超級燒腦地步時,當年睇《藉著雨點說愛你》簡簡單單都冇破綻,個Twist位可以做到超驚人而感動嘅效果,喊到傻咗,完勝其時一年前爆紅嘅《在世界中心呼喚愛》,從此都令竹內結子喺銀幕上建立咗好女人嘅形象。《藉著雨點說愛你》都令佢同中村獅童撻著,可惜婚姻維持冇耐就分開咗,戲內戲外唔一定都咁幸福。
講真,南韓重拍版《藉著雨點再愛你》絕對不輸原作,都係好難得原版同重拍版都各有千秋嘅作品,但原版竹內結子個形象深入民心,另一大永恆女神孫藝珍都比了下去...
📣即訂Patreon加強版,閱讀更多精選深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://payme.hsbc/jackyhei
或使用QR code:https://bit.ly/3a9wOzy
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
藉 著雨點說愛你 小說 在 晞。觀影記事 Facebook 的精選貼文
【突發:竹內結子離世】
2020年有好多你以為係假,但又係真嘅沉重消息。據多個傳媒報道,竹內結子懷疑患有產後抑鬱,日前喺屋企中離世,享年40歲,留低有8個月大嘅BB。
喺咁多個2020年逝世藝人,個人嚟講以佢最為震撼,堅係由細睇到佢大,而且唔會低層次只覺得佢係「女神」,果啲你過一兩年就唔再「女神」嘅形象,由出道到今日你都仲覺得佢好得。當年《藉著雨點說愛你》喺我心目中,直頭會封佢做完美好老婆嘅典範……
小弟好少睇日劇,但以電影嚟講,竹內結子形象超健康正面,都俾人一種樂天嘅性格,做親都係好媽媽、好老婆、好姐姐,你話有邊個藝人做反派冇說服力,竹內結子應該榜上有名。點會諗到,銀幕上帶俾觀眾正能量嘅演員,銀幕後自己又承擔住咩壓力?
當日都好奇怪《信用欺詐師:香港浪漫篇》佢點樣做個大反派,原來最後都... 唔劇透啦,應該呢幾日好多朋友會睇返,但估都估唔到《信用欺詐師》電影版連死兩位,到底下星期《信用欺詐師JP:公主篇》見到竹內結子同三浦春馬,同時成為兩位演員遺作之一,喺一套都叫做喜劇嘅戲入面,我哋又笑唔笑得出...
相信字幕已經做好,片尾如有「永遠懷念三浦春馬」之類字幕時,大家心中都不妨加埋竹內結子。
感謝妳為我們帶來的正能量。真心說句,R.I.P.
《信用欺詐師:香港浪漫篇》觀後感可看留言連結。
📣即訂Patreon加強版,閱讀更多精選深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://payme.hsbc/jackyhei
或使用QR code:https://bit.ly/3a9wOzy
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie