《幻愛》- 我不介意，你呢？
.
【 無人係完美無瑕，所有人其實都係有缺陷嘅靈魂 】
// 而愛情就係兩個不完美嘅靈魂走在一起，互相治療大家嘅創傷，成就一段完美的愛情//
.
-以下內容含電影《幻愛》劇透，請自行斟酌閱讀。🙆🏻♂️🙆🏻♀️
.
善良戇直的小學教師志樂（劉俊謙 飾），是精神分裂症康復者，渴望愛情但從來不敢戀愛。他在街頭偶遇了清麗脫俗的「欣欣」（蔡思韵 飾），對「欣欣」一見鍾情的志樂，漸漸與她發展出愛情，正當他掙扎應否透露病情之時，才知自己原來自己在遇上「欣欣」時，已經再次病發，被幻覺纏繞；志樂知道「欣欣」只是幻覺下的戀人，當下亦發現了「欣欣」真有其人，而身分真正身份，竟然是個攻於心計的心理輔導員葉嵐（蔡思韵 飾）。兩個人更發展出一段懸疑曲折的禁戀，疑幻似真⋯⋯
————————
入場睇《幻愛》之前，因為知道電影背景，所以偏向預期會係一套探討精神病患同康復者，對於尋求愛情嘅心路歷程同經歷嘅電影，但係當睇完之後，你就會發現，正如導演所講，呢一套並不單止係探討精神病患與康復者嘅電影，而係一部藉著佢哋嘅角度去講愛情本質嘅電影。
【 請不要忘記愛情的本質 以最純粹的心與勇氣去愛 】
戲入面志樂佢哋嘅世界，愛情因為得來不易，所以更見真摯難得，為咗尋找一生一世嘅愛情，佢哋願意加倍努力咁學習點去愛，因為覺得自己不足，覺得對方願意接納自己係一件唔容易嘅事，所以更願意諒解對方，亦更清楚明白，要同另一半共同付出努力，
先可以維繫一段愛情。
或者愛情嘅本質，就只係咁簡單咁純粹，
因為好珍惜，好在乎，好愛護對方，
所以願意用盡全力嘗試去克服同面對；
嗰種呵護愛情嘅小心翼翼，珍而重之，正正就係愛情應有嘅全貌。
比起志樂佢哋，
我哋好似相對容易可以得到愛情，
但係好多時候偏偏忘記咗愛情嘅本質係乜嘢，
因為太多關乎生活同現實嘅包袱，太多落空過嘅期望，所以我哋為愛情加設咗更多限制，更多條件，更多顧慮；
咁樣去愛，令我哋更加迷失，
由怕承擔又怕付出，怕愛人又怕被愛，怕受傷又怕令對方受傷，到最後將愛嘅本質完全吞噬，令我哋漸漸喪失放膽去愛人嘅嗰份純粹同勇氣。
.
【 拆開光鮮亮麗嘅包裝紙後，我們都只是藏起了傷疤的缺陷靈魂】//喺追尋愛情嘅道路上面 其實所有人都係平等//
世界上無人係完美無瑕，
志樂唔完美，葉嵐一樣唔完美；
喺追尋愛情嘅道路上面，
其實所有人都係平等，
同樣要經歷愛情入面嘅一切掙扎，
同樣要面對內心嘅恐懼同不知所措；
志樂掙扎究竟應唔應該同對方坦白自己嘅病情，
怕自己最差嘅一面會比對方見到，
怕自己會成為對方嘅包袱，
怕對方最終都會拋棄自己；
葉嵐掙扎唔會有人可以接受一直用身體換取利益嘅自己，
怕自己唔識得點樣真正去愛人，
怕對方會因為自己嘅經歷而嫌棄自己，
怕自己其實一啲都唔值得被愛；
拆開光鮮亮麗嘅包裝紙後，
大家其實都只係藏起咗傷疤嘅缺陷靈魂；
志樂嘅缺陷係佢嘅病況，葉嵐嘅缺陷係佢不堪嘅過去。
而正因為大家都唔完美，
反而將兩顆受傷嘅心拉得更近，
愛情，或許就係兩個有缺陷嘅靈魂，走在一起，互相治療大家嘅創傷，成就一段完美的愛情；
愛情係一條無正確答案嘅選擇題，無人可以揀到100分戀人，但係因為你愛佢，你比任何人都清楚對方嘅獨特同珍貴，所以你願意記住對方嘅最好，同時體諒同包容對方嘅最壞。
真正愛一個人，唔應該片面地只喜歡佢嘅美好，而係當你揭開對方嘅底牌，知道對方面具底下住着嘅其實係一個殘缺不堪，脆弱無力嘅靈魂之後，至少你仍然會嘗試為對方嘅缺陷留守，願意同對方真誠咁行落去，互相治療大家嘅創傷。
「我不介意，你呢？」
————————
《幻愛》製作團隊【演員名單】
領銜主演：劉俊謙 蔡思韵
主演：鮑起靜 潘燦良 張滿源 黃嵐
友情客串：魏綺珊 駱振偉 蘇皓兒
導演：周冠威
出品人：董身達 曾麗芬 唐才智 甄惠梅
監制：曾麗芬 蔡廉明 曾俊榮 周冠威
執行監制： 鍾宏杰
第一副導演：詹可達
編劇：曾俊榮 周冠威
攝影指導：司徒一雷
策劃： 張遨揚
剪接： 梁汶姗 (H.K.S.E)
美術及服裝總監：潘燚森
燈光師：張玉泉
配樂： 陳玉彬 林鈞暉 @InterMusic Production
攝製：光籽電影
後期製作公司：喜鵲媒體
聲音設計及製作：聲色盒子
聲音指導: 杜篤之 吳書瑤
.
.
#幻愛 #支持香港電影 #劉俊謙 #蔡思韵 #周冠威 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動
.
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
蘇皓兒ig 在 Chloe So 蘇皓兒on Instagram: “混血肥仔帶我食好西 ... - Pinterest 的推薦與評價
Jan 12, 2020 - 3208 Likes, 14 Comments - Chloe So 蘇皓兒(@chloe_so) on Instagram: “混血肥仔帶我食好西@avtommy 我就在途中逼他幫我拍照 全片自己搜尋Arm ... ... <看更多>