梁振英指 //蘋果日報和它的支持者在過去兩天的表現很有代表性 - 低估對手、不自量力，錯判形勢，死不認錯、死不認輸，活在自己的主觀世界。
這是整個反對派包括蘋果日報在過去兩年的政治運動中慘敗的原因。
蘋果日報倒閉，有多少收過黎智英以百萬、千萬元計捐款的政黨開過金口？大難臨頭，就只有兄弟爬山。//
當中嘅批評有對有錯：
1. 言論同新聞自由從來都係天賦人權，亦寫明響基本法之內，蘋果日報只係享用本身賦予佢嘅權利；蘋果執笠責任並不在蘋果本身，而在反口覆舌嘅極權者身上；
2. 香港人從來無低估對手、亦無不自量力、錯判形勢，佢地只係經過廿幾年嘅經驗，發現飯民響建制入面「又傾又砌」結果一事無成之餘，仲要比共慘黨逐步收窄自由空間，其實最終都係慘敗收場，分別只係引刀成一快，定係最終凌遲處死。
既然都係輸，咁倒不如搏舖勁嘅，呢個就係促成咗兩年前嘅抗爭。其實就算而家睇番轉頭，呢場豪賭當初都曾經有機會贏，只不過因為某啲客觀因素（例如Deep State突然響美國冒起兼駛橫手），先至令到機會極微嘅爆冷結果並無出現而已。
3. 唔知梁振英係咪弱視，蘋果日報倒閉，幾乎所有政黨組織，只要唔係因保釋條件限制，都有出黎表態支持：事實上依今時今日國安法標準，聲援蘋果並唔犯法，一個成本咁低嘅機會，香港人又點會錯過呢？
4. 當然有樣嘢梁振英亦都無觀察錯誤，就係今次香港人買爆蘋果其實只係一項悼念活動，但唔知班黃標KOL痴左邊條筋，又將呢件事包裝成「畫面好靚」、「香港公民的柔韌與智慧，無比驚人」，搞到我以為呢班黃屍將啲報紙整哂做火魔法燒撚咗差館添；呢啲就真係「活在自己的主觀世界」勒。
5. 我明白梁振英好想嘲諷黃屍，但留響香港呢班，絕大多數都係諗住同極權抗衡到底，你講乜都唔會影響倒佢地意志，所以我建議佢不如將目光放去果班平時就聲大大講到自己「真係好撚鍾意香港」，但實際上除咗捐幾個爛鬼錢、響冷氣房做軍屍捉下鬼之外，對場抗爭毫無貢獻，然後當見形勢一唔對路就即刻走佬嘅移民撚
梁振英我教精你，移民撚個重點從來唔係二等公民，而係口講愛香港，身體卻很誠實，然後仲要自欺欺人話去外國係為咗「打國際線」，呢個先係最值得比人恥笑嘅地方
