秋風起，除咗三蛇肥之外，亦都係食大閘蟹嘅好季節！！等咗成年終於等到食大閘蟹嘅季節，真係好令人興奮～🦀
-
雖然鍾意食大閘蟹，但係次次都要出街揀蟹，之後返屋企再蒸，再預備薑茶薑醋等等，然後大家仲要食蟹食到成枱都係。雖然食嘅過程好開心，但係清潔嘅時候真係好頭痛，所以今年我哋就決定唔係屋企食，轉場至媽咪朋友推介嘅呢間酒樓到食大閘蟹放題。🥢
-
差唔多八點嚟到，仲要唔係星期六日，都幾乎全場爆滿，好彩有訂枱，如果唔係真係食唔到，睇嚟香港人真係好鍾意食大閘蟹。
-
除左大閘蟹之外，每一位顧客都必定會送一客蠔皇原隻八頭鮑魚花菇、凍蟹同螺頭燉湯。另外仲有以自助形式任取嘅薑汁糕、蜂巢糕、薑汁芝麻湯丸、百福豆腐花、生炒糯米飯、北京填鴨、楊枝甘露等等。有別於平時嘅點心放題，佢哋嘅大閘蟹放題選擇冇平時咁多，係一個專門比你focus係瘋狂食蟹嘅放題。
-
大閘蟹有三種口味，分別係清蒸、花雕蒸同油鹽焗。目測每隻大概三至四兩左右，上蟹上得幾快，我當日食嘅時候，基本上叫完10分鐘內都會送到。蟹膏說不上驚人嘅澎湃，不過d膏頗為鮮甜，蟹肉都扎實，唔係嗰種鬆泡泡冇咩肉食嘅蟹，放題黎講，質素算係match my expectation，唔錯😄。幾款口味當中個人最鍾意略帶鹹香嘅油鹽焗，🧂鹽味有令蟹膏更鮮甜嘅效果。
-
而除咗大閘蟹之外，回本之選仲有北京片皮鴨，🦆片皮鴨燒得皮脆肉嫩，鴨肉油香滿滿，要捉住個出爐嘅時間，而佢哋每一轉出爐都會出好多隻鴨，2小時嘅放題裡面，我一共攞到三轉😊，每轉個啊姐都切好多，仲搭埋鴨腿比我，不得不讚一讚個個瘋狂片鴨片都應該會懷疑人生嘅阿姐。
-
而生炒糯米飯同埋蜂巢糕都係我嘅心水之選，雖然唔係啲咩回本嘅食物，但糯米飯黏糯濕潤，臘腸潤腸味都好香，蜂巢糕就做得煙韌有彈性，兩款都唔錯。
- #利寶閣 #大閘蟹放題 #任食 #糯米飯 #片皮鴨 #花膠燉湯 #鮑魚
蛇 丸 年終 在 [問卦] 為什麼蛇丸的觀看數調這麼快- 看板Gossiping 的推薦與評價