[迷你蛋沙律漢堡]
開估喇...開估喇....今日就係整咗呢個漢堡喇......自家製嘅小餐包好處就係無添加劑，較健康及口味個人化，只要稍加創意就可炮製出可愛嘅「迷你蛋沙律漢堡 」，重點就係小包加入蕃茄嚟搓揉，好健康o架，今日去旅行時用包裝紙整理好，咁就又靚又方便啦 ~^^~
[麵包材料]
蕃茄 1個
高筋麵粉 240g
鹽 1/2茶匙
糖 10g
酵母 4g
油 20g
水 50ml
[蛋沙律醬]
雞蛋 4隻(切碎)
酸瓜醬 2湯匙
芥末籽 1湯匙
黑椒碎 半茶匙
蕃茜碎 半茶匙
沙律醬 3湯匙
[麵包做法]
1. 先將蕃茄加入水份攪拌至蓉(淨重量為160ml)。
2. 將麵包材料及蕃茄蓉放入機搓至起筋及拉出薄膜成球型，放入大碗內包上保鮮紙。
3. 麵糰放入水波爐以40度發酵至2倍大。(約40分鐘，視乎天氣而定)
4. 取出，用手按壓麵糰，將麵糰中的空氣排出，再將麵糰以每50g一個分割成小麵糰。搓圓，鬆弛15分鐘。
5. 將小麵糰再次排氣，搓圓，排入烤盆中。
6. 再放入水波爐以40度進行第二次發酵至1倍大。(約 20分鐘)
7. 預熱焗爐，以180度焗10-12分鐘即可。
8. 麵包放涼後，在中間切開為兩份備用。
9. 將蛋烚熟後，放涼，與所有[蛋沙律]材料拌勻成醬。
10. 在小包上放上一片蕃茄後，加入蛋沙律醬。
11. 再將包麵放上，用竹籤固定位置即可。
溫馨提示:
- 可按個人喜好將不同蔬菜攪拌成蓉，但總容量為160ml
- 麵糰排入muffin盆內烤焗，可使麵包固定焗時不會焗至過大，而影響高度。
#漢堡 #簡單 #green #綠在家中無難度
蛋沙律材料 在 一盒心意- 碎蛋沙律三文治還記小時候媽媽預備的碎 ... - Facebook 的推薦與評價
碎蛋沙律三文治還記小時候媽媽預備的碎蛋沙律三文治嗎？簡簡單單的帶朋友回到童年吧！ -------------------------------------------- 材料（一人份量） 全麥方包4塊 ... ... <看更多>