假期同班朋友去咗元朗國食飯，朋友特別推介的壽司店鮨文，一直都未有機會到訪，今日實在太開心啦！鮨文元朗店地方不大，兩個壽司枱共可容納12個客人，朋友同師傅相熟，當然係食Omakase 啦！
先嚟個黑松露茶碗蒸，幽幽的松露香配上滑滑的蒸蛋，滿載幸福的滋味。壽司第一件居然已經係大拖羅，心諗拖羅在一般人眼中已經係極品，第一件就食佢先，之後的肯定係驚喜連連。
接著嚟嘅有青森縣目張魚、和歌山油甘魚、天婦羅帆立貝海膽手卷（D海膽滿到瀉），螢光魷魚仔，極上甜蝦，福岡真鯛加白子、一口壽司一口白子，鮮味無窮。
接著的鯖魚用玉桂、豆蔻、生薑、薄荷等香料飼養，所以冇咗鯖魚的腥味，變得油分充足了，及比較滑身；壽司中間加咗紫菜，面頭加了紫蘇葉，壽司姜和芝麻，味道層次分明。
牡丹蝦壽司巧妙在蝦身放咗蝦膏，甘香濃郁的味道，將鮮甜爽朗的牡丹蝦變得更精采。
對三文魚壽司完全無興趣，但這個BB三文魚，約2-3kg，肉質纖維比較高、肉身嫩滑，輕輕的用炭火網燒，入口有炭香味，加上微辛的柚子胡椒，配以白蔥粒的香，絕艷！
鮨文海膽杯聞名已久，今次見到真身，三文魚子上以北海道根室海膽堆砌成小山丘，再以牡丹蝦作點綴，每一口都是甘香、軟滑、鮮甜。
仲有腦天壽司，腦天就係吞拿魚頭頂嗰兩舊肉！以原條重100Kg計，只有約1kg，僅約切得約50片的「腦天」，非常珍貴！腦天油脂非常豐盈，肉筋綿幼，口感軟滑，入口即溶！
最後嗰烤蝶魚魚邊手卷，長長的一條魚邊經火炙後，入口時魚油四濺，肥美得令人再三回味。
#復活節假期 #easter #返鄉 #日本之旅 #omakase #廚師發板 #鮨文 #壽司 #時令食材 #sushi #海膽 #Uni #拖羅 #牡丹蝦
#僞旅遊 #文青 #白日夢 #黃昏夢 #宅度假
鮨文 Sushi Man
螢 光 魚 飼養 在 魚洲水族館- 《螢光仙子》 風水魚的一種，帶來好人緣 - Facebook 的推薦與評價
Yi-cheng Peng 斑馬魚的繁殖斑馬魚為異體體外受精， 繁殖周期比較短，大概一周左右，產卵主要依靠溫度控制，溫度適宜的情況下一年四季均可產卵，卵量一般在300粒~ ... <看更多>