我的男人
大時大節別人總是一雙一對，我卻要拉著行李箱趕飛機。 已經很多年沒有在香港過中秋。今年中秋節我跟男人說「今晚我想玩燈籠呀」
男人「我立刻去買」
「我想要傳統紙燈籠仲要係兔仔造型喎」
男人「好呀知道喇」
傍晚男人小心翼翼 帶著燈籠到我家
仍然迷失於時差， 嚴重睡眠不足嘅我皮質醇突破高點 ，一見到盞燈籠就已經黑哂面
男人興高采烈拿出燈籠 「你個燈籠呀」
我第一句話 「好核突呀」
男人面有難色我繼續公主病發
「大吉利是過你咩 白曬曬 邊有人買白色嘅燈籠㗎」
不善言辭的男人「你話鍾意兔仔燈籠 我特登去深水埗買架」
其實成件事好小學雞，但係我仲要字字珠璣，句句鏗鏘， 擲地有聲 「 傳統燈籠一定要係兔仔，而兔仔燈籠一定要係彩色㗎 」
男人「我搵咗好耐 只有呢一間有兔仔燈籠 仲係最後一個」
「嘩你睇下 成個小學生勞作咁 隻眼甩嘅 個頭又歪嘅 邊有咁核突㗎」
男人伸出手粗糙的手 輕輕撫摸兔仔的頭「呢啲係人手造 每一個都係獨一無二 」
「呢啲核突嘅賣淨蔗你都買 擺明畀人呃啦」
莫名其妙嘅無名火起 ，我繼續得寸進尺
「我唔會玩㗎 ！我 今 晚 就 燒 咗 佢」
其實講完我都覺得自己好過份， 唔知點解傷人嘅每一隻字，隨著怒氣衝口而出是多麼的容易。但我愛你三個字永遠講唔出口 ！
男人仍然和藹地說
「咁我出去再買個彩色兔仔畀你啦」
然後慢慢地從口袋裏拿出一盒蠟燭、一個打火機、還有一條竹，放在枱上。
他的無微關懷無量嘅忍耐， 令我十分慚愧。 我唔知點解我會講得出咁刻薄嘅說話，因為我瞓得唔好？壓力大？好攰？ 通通都唔係！係因為我知道無論點 ，呢個男人都會對我不離不棄 呵護備至。
故事嘅尾巴我已經立刻道歉，當晚玩完嘅兔兔燈籠我並沒有燒咗佢，我放咗喺書枱上好好保存， 因為我要永遠封存 他 對 我 的 愛 。
這個我胖了會高興，瘦了會心痛， 永遠張開溫暖雙手臉帶微笑， 絕不介意我素顏冇洗頭嘅男人。他是我爸。
爸， 感謝你為我做的一切。對不起， 都幾歲了，還會偶爾發脾氣 ，我覺得好羞恥。 我不是完美的人，但我會努力做得更好， 做一個令你驕傲自豪的女兒。
＃爸爸 ＃爸爸我愛你
蠟燭打火機香港 在 燃點蠟燭的火焰魔法】... - SOGO Hong Kong (香港崇光百貨) 的推薦與評價
Wand蠟燭打火機燃點燭光，隨即讓您感受魔法時刻。 配合寧神香氛，更讓家中四周充滿温暖及香氣。 由即日起至6/9期間，SOGO Rewards會員 ... ... <看更多>