新年過後, 相信大家已經重投工作, 開工大吉。至於醫護人員, 當然年終無休, 每日不停為大家服務!
小弟初二負責在病房工作; 初四開始, 又重回老人院, 開始外展到診的服務。
今天中午, 我又來到一間私營老人院出診了。
「婆婆, 我係醫生, 嚟睇你㗎。」面前的婆婆80多歲, 坐在椅子上滿面笑容。
「咦? 啲血糖咁高嘅? 」我望着老人員職員的血壓血糖紀錄表, 表格上寫着血糖數值 hstix 為 21.4。
通常老人院會定期為院友量度血壓, 有糖尿的院友則會驗血糖, 即大家俗稱的「督手指」, 以方便醫生覆診時調校藥物。
「督手指」血糖最好在8以下為佳, 10以下我也會收貨; 若經常血糖數值在20 以上, 當然並不理想。
「鬼咩, 新年佢食咗好多朱古力呀, 啲血糖緊係高啦。」老人院職員在旁答道。
「都係呢次高啲啫。」職員又再補充。
看看上次婆婆的「督手指」紀錄, 已是幾個月前覆診那天, 數值為 10.3; 再翻查電腦記錄, 她最近的 Hba1c 長期控制血糖值為 6.8%, 算是合格的水平。Hba1c 作為長期血糖控制好壞的指標, 7%以下屬理想。
或許真的是新年吃多了東西吧。新年佳節, 老友記吃點糖果、食件糕點, 難度也不批准? 應節嘛! 若果貿然立刻加婆婆血糖藥的劑量, 似乎又不太合適。
「咁婆婆你唔好食咁甜, 督密啲手指睇吓點啦好唔好? 」我對婆婆說。
「咁唔得喎! 」老人院職員反應甚大:「督手指40蚊次, 佢個女慳到死唔肯俾錢㗎。」
你可能不知道, 在私營老人院, 有很多雜費服務費, 是你想像不到的。
在商言商嘛, 不收費私營老人院怎樣經營。。。
40元驗血糖一次, 若每月驗幾次, 的確為家人帶來一點負擔。
「咁你叫佢個女申請血糖紙個啲資助啦不如。。。」我提議: 「咪住先, 申請咗啲督手指用具資助, 你地幫佢督收唔收錢先?」
「可能20蚊啦收番人工費, 要問老細喎。」
說到底, 香港社會, 什麼都需要講錢。
「算啦, 佢個女好懶㗎, 唔會去社署攪個啲申請㗎。」職員説。
醫生從來都不只是診斷疾病, 然後盡力治療這麼簡單。 很多因素, 會影響我們處理的方法。
話說回頭, 在當今香港, 要安享晚年, 還是年青時多儲個錢, 才能確保樣樣無憂。。
血壓紀錄表香港 在 血壓紀錄表索取2023-在Facebook/IG/Youtube上的焦點新聞和 ... 的推薦與評價
血壓紀錄表 索取2023-在Facebook/IG/Youtube上的焦點新聞和熱門話題資訊，找早晚血壓紀錄表,血壓記錄本免費,血壓紀錄表app在2022年該注意什麼？血壓紀錄表索取在2023的 ... ... <看更多>