🔍Deer Kitchen (The Wave) (觀塘)
💕觀塘興業街4號The Wave 6樓 01室
-----
放完佛誕假期，星期四完全no mood返工，收工就即刻約咗朋友去行觀塘運動outlet，想買個行山鞋週末去行山。濕完平之後就黎咗the wave呢度揀野食。
-
觀塘除咗Apm同工廈之外，the wave算係最多野食，整體環境比工廈靚，座位又比apm嘅餐廳闊。呢間Deer Kitchen就係行西歐家庭式風格，幾休閒舒適。
-
烤焗有機蘋果木煙燻燒春雞伴香濃燒汁（$198）佢哋有兩款烤雞，一款係迷迭香烤雞，一款就係呢一個有機蘋果木煙熏，前者係荃灣限定，後者係觀塘限定。見佢講到限定咁把炮，就一於試一試。肥美嘅兩大塊雞腿肉，下面擺放住顏色亮麗嘅紫薯蓉，精緻嘅擺盤卻不及皮脆肉嫩嘅口感咁吸引🍗，以有機蘋果木煙燻過嘅雞肉味道甚為獨特，有少少似聖誕火雞feel。
-
軟殼蟹牛油果意大利飯（$138）
壓成尼狀嘅牛油果，混合於粒粒意大利飯當中，令飯粒有咬口得黎也不失幼滑質感，加上脆到帶酥感嘅原隻軟殼蟹，令人不自覺一口接着一口，好快就消滅左成碟飯。
-
白酒煮藍青口馬拉蜆（$128）
藍青口唔算大粒，但食得出好明顯係藍青口黎，絕無用普通青口濫竽充數，而馬拉蜆就脹卜卜，無沙又鮮甜，整體不錯，不過如果有附送埋我最愛嘅蒜蓉包就更好😆。
-
飲品：
今次叫咗兩杯飲品，一杯係接骨木花檸檬梳打（$40）意大利朱古力（$40），前者清新解膩，飲完非常爽涼，而後者則濃郁到極致，好似溶咗嘅朱古力雪糕感，雖然係凍飲但朱古力味無因而沖淡，加上表面半棉花糖質感嘅奶油層，完全係令朱古力愛好者（Me）欲罷不能，今鋪真係肥都要飲🥲（說好的減肥計劃又要泡湯了）
行山鞋outlet 在 Megafoot 大大步- #今期特價【Merrell Gore-TEX 防水行山鞋 ... 的推薦與評價
今期特價【Merrell Gore-TEX 防水行山鞋】 行山必備Gore-TEX 防水行山鞋特價發售！ ... 防水行山鞋#特價#大大步#運動用品特賣場#大減價#特賣#SALE | Facebook ... ... <看更多>