[貧窮限制我想像力]你睇,十五歲仔都買綠水鬼!唔係戴綠水鬼!係買綠水鬼!又高一個層次啦。
1. 一般唔睇頭七日報,自從我冇再坐地鐵返工(since 2006)我就唔再拎免費報紙。但,今次個報導好,我鍾意佢標題嘅綠色字,加埋下面仲有段綠勞行情,好似香港有人燒炭例牌會有埋樓盤資料原業主幾錢買咁,only in Hong Kong
2. 所以話,勞力士呢個名真係好幽默。黃子華話過的,有邊個靠勞力搵食嘅勞力士,會買得起勞力士?(*)越戴勞力士就代表佢越唔使靠勞力!
3. 又,上面呢個gag,黃子華未講時我已講過。正如「梵高理財」都係,我啲朋友可以作證。但當然韋拿踢法似我,唔係話黃子華抄我或者話自己巴閉,只係想講,我啲諗嘢思路有時係同佢差不多嘅。即係個個新界仔打籃球都學佐敦咁(**)。
4. 講返,真係堅秋,唔係老豆送,仲要自己買!當然我估都係老豆畀錢佢買。但即係,你啲友聽見劉鳴煒生日收十皮利是都嘩嘩聲嘅,我真係要講句
5. 貧窮限制你想像力呀!
6. 大佬,MOS一件15歲小朋友都自己買隻綠水鬼呀!劉鳴煒老豆係邊位呀?劉孝偉定劉鎮偉呀?
7. 又,綠水鬼呢啲嘢,我當然唔識,我只係識金寶綠水。正如我啲朋友講車講咩牛呀馬呀我都跟咗好耐先知係乜(咁至少我未使上網Google嘅),都話呢啲男人四部曲唔啱我。我啲佬朋友不停咁恥笑我用罪大滔天嘅索尼相機,佢地話索尼最西就係相機你就走去用(同時間我會食Pizza Hut嘅意粉,同意粉屋嘅Pizza).飲酒我都永遠係
8. Chardonnay 或Sauvignon blanc,更加恥笑我拎住支雪茄好似幫人hand job咁
9. 唏,都話四部曲呢啲嘢我唔曉。你見埃汾平時寫文,都係講下日本嘅郊區鐵路呀,澳洲有人去葬禮幫死者講嘢呀,日本黑社會耆英化呀咁。咩《男人四部曲》唔啱我唱的, 「不過我會唱《裙下之臣》」。如果過去十幾年你有同我唱過K,應該都會聽過我唱。係喎,去到新加坡我都照唱的—新加坡當然有K唱啦,真係Sing K
10. 最後補多兩樣
11. 第一,諗起十一萬,我都係諗到「價值十一萬美金」嘅西德隱形液晶體顯影眼鏡
12. 第二,被啲損友設局偷嘢呢,我都試過,個故事其實好可歌可泣,睇舊文(https://fbook.cc/3GFS)。TLDR嘅,當年,時為1988咁上下?小學雞埃汾,在大興村畀人呃咗部Game Doctor(至於咩係Game Doctor…….可以寫返幾篇文)。好似都要六七舊水?真係童年陰影,痛不欲生,當場喊出嚟(唔係唔喊呀?)。講緊幾舊水。但而家人地係十一萬嘅綠水鬼,通脹幾咁勁
13. 講返,當年最神奇嘅係,好似Toy story 漏低咗隻勞蘇咁,但我阿爺居然買返部畀我!仲係再新一個型號。噢耶,有祖父幹真好。幸好我部Game Doctor 冇半夜爬返屋企搵我,然後發現我玩緊部新機,”He replaced all of us!”之後入魔變咗Doctor Evil咁
14. 但呢個故事真係令我早早見到人性嘅醜惡,同埋,有祖父幹真係好。正如舊文講,冇耐我阿爺就死埋,我老豆敗晒佢副身家,我就冇得靠父幹。唔止,因為我老豆得一個仔(兩個女),但我唔生仔,所以呢個家族亦冇人可以再靠父幹。十分之咁《百年孤寂》
15. 呀仲有,呢個故事,我老母講足咁多年。絶對係二三四次傷害,每年啲咩拜年食飯都要講。絶對係我青春期陰影。佢講撚到幾時?講到我十七八歲啦,應該係有次我發火叫佢咪撚再講。(當然係用個撚字)
16. 而我估呀少年,冇咗隻綠水鬼,可能會買返隻地通拿。希望佢隻綠水鬼唔會爬返去搵佢。水鬼會掹腳的!陳友講嘅 (https://ggle.io/3Te9)
(*)不過,埃汾太祖母,舊派貴婦人,就曾經話「勞力士係地盤佬先戴」,極之霸氣。而其實地盤佬真係搵到錢買勞力士喎。又都話香港人好有錢,求其普通文員仔都用LV愛瑪士。我在英國就真係冇撚見過有呢啲事啦。
(**)但埃汾唔打籃球啦,小小都唔打。打嗰個新界仔係我朋友同學,叫做 Fisherman Lok,而家打NBA。嗰時Fisherman Lok已經好多女fans的說,由坑口排到蛇口呀
-----------------------------------------------------------------
Ivan Patreon 狼耳街華人,一星期至少三篇港美市場評點,其他免費好文推介,每日一圖,仲有FB Page post summary.一個月一舊水唔使,開張一個月已近 500人訂,仲有兩篇免費試睇:https://bit.ly/31QmYj7
同時也有1部Youtube影片,追蹤數超過6萬的網紅裝修電視 DECO-TV,也在其Youtube影片中提到,◢全屋傢俬都用得嘅西德板◤ 西德板從多個國家引入高品質嘅防火膠板,而且亦提供長達十年嘅保養,除咗可以用嚟做防火門之外,亦有唔少戶主會用西德板做廚櫃o添o架! 但大家又有冇諗過,原來西德板仲可以係全屋傢俬嘅板材呢? 今日就等Simon帶大家去一個戶主屋企,同大家睇睇西德板究竟有幾萬用啦! 立即到...
西德寶好唔好 在 君子馬蘭頭 - Ivan Li 李聲揚 Facebook 的最佳貼文
[歡場無真愛]可能係香港第一篇德國新股分析!
(建議FB讀者睇medium版,多圖)
1. 成日有人投訴我啲文太多字,今次保證多圖,少字(三千字之嘛)。
2. 香港嘅新股,我好似寫過兩隻。分別係一品雞煲(http://bit.ly/2OPprqV),同埋 新界鄉紳新股陳嘉和紅酒(http://bit.ly/31djt3R)。好似兩隻最後都上唔成市(定上咗我唔知?),明顯,我只係睇綽頭,同上唔上到市或者值唔值得投資無關。
3. 投資嘅嘢可賺可蝕,況且,屌,抽新股,炒一日都長線,絶大多數人持股時間,快過自己(或伴侶)射精。扮乜睇分析丫。其實都真係多餘。大把人9:32分已經唔係股東,真係快過 「科特迪瓦最快的男人」(可惜搵唔返原本張卡)。有啲甚至係9:30之前已沽(可以A咗佢嘛),就巴西總總羅薜夫個親戚早薜夫了。
4. 言歸正傳,呢排嘅新股市場非常好,全面翻生。說好了的外資切尼又唔知點。
5. 今次呢隻德視佳(1846)唔會撻Q啦,上到市,暗盤已經升近五成。
6. 我有興趣嘅,自然係呢間公司係乜東東。相當特別。點解唔搵士佳SIR張士佳代言?同德永佳得信佳有冇關係?
7. 睇名估到,德視佳,就真係德國嘢。香港人呢,對德國嘢有啲莫名奇妙嘅迷戀(其實我都係)。美食呀藝術呀呢啲就留畀西班牙佬,但德意志科技工藝仲係信心保證。
8. 所以你見明明係香港公司,又要有德國寶,又要有柏林牌,甚至有「德國上將」牌。等等東西,其實可能同藍妹啤,甚至丹麥曲奇差不多。更甚者,甚至係有啲用西德牌頭!大佬,你睇而家德國足球隊,其實絶大多數都係兩德統一後出世的,不知有漢 無論西德。一係就懷舊過頭,1938年已經有西德
9. 呢間德視佳,睇名都知,視光嘢掛。德國最出名嘅視光產品係乜?蔡司鏡只排第二,第一,就梗係中外馳名嘅,「隱形液晶體顯影眼鏡」,上個月西德最新產品(亦由此可以知道,賭神係1990前嘅戲)。留意英文字幕並冇寫West,但呢個應該唔係當年上嘅字幕,懶搵,搵人去找下。
10. BTW,相機撚應該知,蔡司,其實嚴格嚟講係東德公司。後來一分為二再統一。同德國好多嘢,包括機場,火車站,甚至洪堡大學一樣。但蔡司源起都係東德,因為發源地係Jena市,德東。有隊足球隊正係叫Carl Zeiss Jena
11. 好啦,睇下呢間德視佳乜東東。先睇封面。話我知你留意到乜?第一眼見到乜?
12. 我見到,洋腸咯!但女就係亞洲(應係中國)。當中嘅定型不言而喻,掉轉就不得了,中國醫生德國女護士(定乜?),仲得了?
13. 第二,中文名就德視佳,但英文名根本冇德國,係Euroeyes(當然唔可以叫Eurovision,同歌唱比賽撞名嘛)。呢個亦係公司原本嘅名,在德國就放眼Euro,但嚟到香港(或中國,首先我反對港獨)。就賣德國。正所謂香港就貼架妹,在日本就貼張栢芝(而我從冇見過有人在日本貼張栢芝)
14. 至於Cayman Island,問題不大。唔好開名,但唔好好似啲外行人嗰時見一百毛係Cayman Island就發晒癲以為開心大發現世界大陰毛咁先得架。
15. 做乜架呢?好直接。賣德國嘅眼科技術,矯視。並唔係忽然出現嘅公司,1993年成立嘅公司。不過你知,德國都好多百年老店,之前提到嘅蔡司,170年歷史,甚至早過納粹早過威瑪共和好多。1993年,已無西德,唔係「上個月西德最新產品」。廿五年歷史,同德國眾多大牌子相比,有點搞笑。不過神聖羅馬帝國年代,又何來有得做LASIK(其實神聖羅馬帝國年代有冇近視?)
16. 德國係營運大本營,不奇怪。擴展去丹麥,都好合理,「納粹德國都係咁」,「點解唔開埋捷克波蘭」。(講開又講,廿年前由漢堡坐火車去丹麥,依然係我人生中一大震憾。因為佢成架火車開咗上船,然後運過對面的,然後火車上咗船你可以落火車在船度行同買嘢)
17. 至於邊個提議開去大陸,就真係天才了。「唔緊要,當年八國聯軍都係咁」
18. 收入來源,十分簡單,九成九都係做矯視服務。其他東西可以不理。原則上係隻醫院股,或者叫診所股。
19. 收入都仲係德國為主,但明顯見到開去中國係一條財路,啲收入三年四倍咁滯。百年前嘅「中國咁多人一人買一套刀叉都發」,卒之搞掂。三年間,中國就由佔一成多啲,變到近三成。你話勁唔勁?
20. 其他眼科東西,技術關係,不一一深究。不如都係講返數。
21. 公司中間價定價,有良心噃。市值嘅係24億港紙(自己計啦仆街)。但暗盤炒高5成,即係36億港紙咁咯
22. 賺幾錢?有啲Tricky.你見2018年賺430萬歐羅,去到2019年頭三個月33萬?忽然轉差?「唔係唔會」「但真係會咁都唔會揀呢個時間上市」。肯定有啲嘢
23. 咁其實,真係分析員101(你發現我寫親文都用呢句,證明十幾年真係只係靠啲101搵食,毫無進步),新股,特別係唔大型嘅,梗係有上市開支啦。對於細公司,可以好大影響(亦係張化橋成日講嘅,買細公司呢,CEO多兩隻鮑魚就出profit warning 架啦)。梗係要勾返出嚟。公司都會同你勾
24. 希望我冇睇錯,扣除上市費用,舊年就全年賺550萬歐羅啦。即係4800萬港紙。對36億港紙市值。嘩,3.6b,3600m market cap, versus 48m net profit .75倍PE。不過增長勁嘛。
25. 進取啲嘅,睇2019年頭三個月咯(但其實好危險,梗係睇住你嚟食,唔通盈利倒退時仲嚟上市咩)(盈利倒退時上市你仲驚,證明公司等錢洗到拎低估錢都要集咗資先)。
26. 拿,non IFRS,噹現他叻辱撈費靚蘇利扑丁士釘突(廣東話係咪好偉大呢)。好似屙跌打冇簽呢部份的(冇掛?)。但,冇事嘅,招股書嘛大佬,唔通公然講大話咩。掉轉諗,屙跌打有簽又點?哦衰咗要上身,罰錢咯,你估罰好多咩。早排有單好似罰幾廿萬港紙,真係人地唱次K都唔止.
27. 今年頭三個月,1.8球歐羅,N撩賴士就係720萬歐羅。6300萬港紙純利。3600m market cap, versus 63m net profit .57倍PE。即時好似幾抵,增長勁嘛。直到增長唔勁嗰日,增長都係勁的。正如每個賤男畀人斷正之前都係暖男嘛。但你多數都係在增長由勁變唔勁中間個位踩入去,正如你亦九成係由暖男變賤男中間走咗入去。
28. 講到尾,唏,抽新股,講咁多做乜丫。個個炒幾分鐘,講乜憤打炆圖。歡場無真愛嘛。
29. BTW,德國人好講誠信。但並非每一個德國人都講誠信。不幸地,我最記得,香港有兩間同德國人有關嘅公司,都係爆煲收場,當然不代表呢間會係,但亦不代表唔會,即係冇講過
30. 第一間同德國人有關嘅香港上市公司,人人都識,思捷環球,三SPRIT。已經不用再討論。幾年前我仲去過佢地在德國嘅旗艦店。杜塞多夫是好東西,真係我其中一個最鍾意嘅德國城市。我鍾意佢嘅無為,有乜嘢睇?係乜撚都冇得睇的(可以去睇慕遜加柏主場踢歐聯,亦係我去嘅原因)。但就因為咁所以遊客唔多—而佢又唔係啲小鎮咁山卡啦,杜塞多夫係德國大城市,交通呀等等非常方便。亦唔會大鑊到夜晚冇嘢食。
31. 三SPRIT嘅故事好多人寫過。我只係想講一句,刑生可以將隻嘢搞到咁大,唔係好難(我唔係好波過美斯嘅講波佬啦,但,真係唔難)—難在乜?難在佢可以渣住咁多,一落係咁沽,都冇事,可以全身而退,呢下先真係高難度。好似真係前無古人後無來者。林青霞都死在佢手上喎,大佬,喂,驚天十二小時嘅林青霞喎(放心,而家仲未八十歲,等下啦)。
32. 第二隻,仲經典。因為係我入行冇耐。 EganaGoldpfeil,聽名都知好嘢,聯洲國際(48),Pierre Cardin,仲有做日本嗰啲書包Randoseru (ランドセル),成皮嘢港紙一個。歷史自己搵,但結局就係爆煲收場,渣都冇(至少思捷都仲存在),而個德國佬史壁加,無啦啦死咗。
西德寶好唔好 在 倫敦人妻先生手記 Facebook 的最讚貼文
是咁的,我玩左一隻手機戰略遊戲都有一年有多,基本上已經成為左整個服的一方霸主(你想像不到我原來是個超喜歡打機的死宅男吧?),每天也花不少時候處理公會事務,我們一班「公會領導」來自五湖四海,巴西、德國、香港、美國也有,共事久了也變成無所不聊的好朋友。
由於整個群組都是男人,所以討論的內容還是沒什麼底線可言,由怎樣追女仔,到交換結紮心得也是討論範圍(這個真是嚇死寶寶了,原來直仔係會出現被老婆迫結紮這回事),群組內的那隻德國大兵每隔幾天就post赤膊照展示訓練成果,然後美國的那成座山咁大份的猛男又會自拍回敬,你真係想像唔到直仔group係比同志group更加無底線亦無節操可言,有次我老公眼尾一掃我的手機,立刻拷問我那裡來這麼多的猛男赤膊照,害我跳落黃河都洗不清了(呢兩個真係我公會手下的兵,真的打仗那種兵,你信我啦)。
當然,由於我先天附帶白韻琴屬性,他們也喜歡找我問感情事,有次另一位來自美國的同志隊友也找來搵我起個卦。
「老兄,我覺得我男朋友很不成熟,怎麼辦?」聊天群組裡傳來他的訊息。
「成熟不成熟,是很主觀的,他多大了?」我嘗試收集多點資料才下判斷。
「他22歲了。」
「那你想他多成熟了?男人的成熟過程是很緩慢的,你自己也是男人,你該知道的。」
「老大說得對,男人到了三十歲後才會真正成長起來的。」已當爸爸的隊友一號補充。
「呃… 話說我還未到30耶…」我表示強烈反對。
「你死定了,繞一個圈說老大不成熟!」隊友二號唯恐天下不亂地跑了出來。
「好了好了,你兩個都給我安靜點。我要說的是,正如我一開始所說,成熟與否是很主觀的,你比他年長好幾年,他沒你成熟也很正常。你用你現在的水平去量度他,是不公平的,你問一下自己,你22歲的時候在做什麼了?」
「我22歲時已經在國家安全局工作,負責_______的項目…」
「_你,不說你,我指其他正常人類呀!」我被這個奇葩戰友吹到啤一聲。
「哈哈,老兄,我明白你的意思。」
「沒辦法的,魚與熊掌,不能兩者兼得,你鍾意佢後生有活力,就要接受佢唔夠成熟,只要佢和同齡的人沒太大差距,你也不能怪他。做人寬容一點,你唔可以好似啲人咁嫌個男人無上進心,但當佢埋首事業時又話佢唔夠顧家,你唯一可以做的是陪伴和協助他成長,僅此而已。」
「怎麼我覺得老大你好像說是養小孩似的…」隊友二號又來加一句。
「你覺得自己不像個大小孩嗎?日日湊晒你地咁多個,我都好辛苦架!成日都闖禍打錯隔離公會,又係推我出去道歉嘅~哼!」我沒好氣搶白他。
其實,我還藏了一句「但當他成長後,還愛不愛你,這才是一段關係裡最大的學問。」兩個人相處,應該是互相牽引著彼此成長。但很多年長的一方在協助對方成長時,都忘了充實自己,結果就是不進則退(更不消說歲月催人老了),到最後年紀較小的那個,要麼變成棄糟糠的陳世美,要麼就是硬食死忍,吃著碗內卻想著鍋內,也是苦了彼此。
為什麼我不提那個戰友這一點?那傢伙是頭怪物,正常人拍馬都追不到他,應該短期內不會出現這個問題吧?
西德寶好唔好 在 裝修電視 DECO-TV Youtube 的最佳貼文
◢全屋傢俬都用得嘅西德板◤ 西德板從多個國家引入高品質嘅防火膠板,而且亦提供長達十年嘅保養,除咗可以用嚟做防火門之外,亦有唔少戶主會用西德板做廚櫃o添o架! 但大家又有冇諗過,原來西德板仲可以係全屋傢俬嘅板材呢? 今日就等Simon帶大家去一個戶主屋企,同大家睇睇西德板究竟有幾萬用啦!
立即到裝修Mall選購各款西德板: http://bit.ly/2Qi4h2a
=========================
? 裝修佬 - 香港一站式網上裝修平台 ?|想知道更多裝修資訊,就記得Like我哋Facebook喇!
?【專欄文章】http://bit.ly/2LyQXno
?【Deco-TV】http://bit.ly/2ZuGIWi
?【我要裝修】http://bit.ly/2Ln9HGk
?【Mall優惠】http://bit.ly/34qchEl
⭐【裝修學院】http://bit.ly/34opKMR
?【國際網站】http://bit.ly/34rzfLb
=========================
?裝修佬現誠招各路裝修師傅、DIY達人、設計公司、專欄作家,參與裝修佬拍攝、提供裝修案例及文章撰寫工作|有興趣參與請電郵至 hkdecoman@gmail.com 並附上個人或公司簡介,我們將有專人與你聯絡。
#香港一站式網上裝修平台
#幫你揀選最適合你嘅裝修佬
#裝修 #裝修佬 #裝修案例