#橋咀島之旅 ☀️
咁靚嘅地方其實就喺香港！我哋期待咗好耐，Bat Bat嘅第一次生態遊真係好好玩 🥰 唔只放電，過程仲充滿驚喜彩蛋🌈‼️
今次我哋去嘅係橋咀島，去過嘅都會知道，嚟橋咀島，最緊要去啱時間，一定要揀潮退嘅時候，潮汐低過1.4米先可以見到呢度嘅地標：連島沙洲！
潮漲時，連島沙洲嘅天然沙石堤就會被淹沒，咁就只會見到「此路不通」嘅牌，行唔到過對面嘅小島喇～
不過同朋友傾開，原來佢哋好多都唔知道除咗連島沙洲，橋咀島仲有好多好有趣嘅海洋生態係值得去睇㗎。我哋今次跟住生態導師木葉一齊環島遊，除咗有趣嘅地質（呢度係世界地質公園）佢仲帶我哋發掘窿窿罅罅，睇到好多唔同種類嘅貝類、蟹仔、螺仔、寄居蟹，甚至珊瑚骨、海綿（唔係平時見到沖涼嗰啲，各位睇相😜）、海膽、海參..... Bat Bat 開心到不得了。
本來我雖然期待呢次生態遊，但係好怕「曬死」☀️，點知去到發現原來只要玩得開心，根本唔會覺得好熱覺得好曬，最多飲夠兩大支水，最後玩到唔日落都唔捨得走 😆
我哋真係好好彩，搵到好好嘅生態導師，臨走嘅時候突然下雨，仲見到喺海面伸延到山上好大條嘅彩虹🌈！當大家一齊指住個天讚嘆嘅時候，我就更加覺得呢個行程一啲都唔辛苦，反而係一家人真正咁過咗好relax嘅一日‼️
返到屋企，Bat Bat 仲問我拎畫紙，畫番條海參出嚟（就係黑色一條嘢😆）話我知佢好鍾意海參，覺得好可愛，雖然我真係唔明點解海參係可愛，不過知道佢咁鍾意呢個活動，媽媽都好海參💗 呀～ 係開心先啱呀😆
多謝 Hidden Gems Travel 嘅悉心照顧同安排，教我哋應該著咩防水鞋、戴咩帽去生態遊，今次係第一次，之後一定仲會參加好多次🥰
#親子活動 #親子好去處
#香港沙灘 #生態遊
#西貢好去處
西貢沙灘親子 在 2個西貢適合親子玩水海灘(斬竹灣+ 白腊灣) - YouTube 的推薦與評價
而家天氣開始熱, 今集我會一次過帶大家去, 2個比較特別的玩水熱點!1) 就係一步登灘的- 斬竹灣同埋2) 呢期打卡紅爆的– 白腊灣了呢兩個灘都符合4個轆s 4 ... ... <看更多>