【親子遊大阪2019】京都嵐山篇
有時間又更新一下,上次有講到嶠媽一家4月時去咗大阪,以前會覺得去旅行就去旅行,我唔會想出 post 介紹,但呢排睇返啲靚相,又好想同大家分享下🤭之前講過我地定咗兩日去京都玩,上次分享咗和服體驗,另一日京都行程我地就去咗【嵐山】。聽人講得最多就係去嵐山睇紅葉🍁/櫻花🌸,而家必坐「嵯峨野觀光列車」,所以今個旅程必加呢個行程👍🏼
我地一早就係大阪出發,坐 JR 去到京都站,再轉 JR 嵯峨野線,去到嵯峨嵐山站落車,之後就直接去「小火車站」入面買飛,佢有個超大屏幕,寫住最快幾點有小火車,而且仲有幾多個坐位,幾多個企位,坐位企位賣哂就冇㗎啦!我地去到時即班已經冇位,更何況條隊好長,排到你都唔知去到邊一班車,我地就決定買遲兩小時嗰班車,最後排到我地果然係坐位最快都係兩小時後。
買咗飛之後去邊?唔洗擔心,因為我地仲有另一地方去!就係【渡月橋】,去嵐山必去,影相超靚📸️我地去嗰陣都已經係4月中,但竟然仲有少少櫻花🌸睇,係行去渡月橋途中都見到,而且行去渡月橋途中,仲有好多商店行,唔怕會悶。行去都唔快,都要半個鐘,如果你行埋商店就更加唔止,但因為我地要趕搭小火車,我地就要爭取時間。
嚟到渡月橋,果然仲有櫻花🌸影,呢到影相真係好靚好靚,靚到係用電話影,都可以好靚!最重要係有一個好嘅攝影師在旁,加埋個靚景,真係點影都靚😌我就爭取時間同我嘅小情人影相🙈全家福更加係唔少得啦!即使係唔鐘意上鏡嘅嶠爸,去到呢啲咁靚嘅地方,都忍唔住話要一家人影👨👩👧👦。
好快好快,影完相我地就要走,行返我坐觀光小火車,去程同回程一樣,我地都幫襯咗一間小食店,食章魚小丸子 & 炒麵,真係好好食🤤去到小火車站,有票麵係要排隊,要收好bb車,小火車到站,就可以跟住入去,之後好快手同小火車影張相留念先,再慢慢行去搵位。車票一早已經畫咗位,所以唔洗擔心冇位坐,企位嘅真係只可以企㗎咋!
小火車全程大約25分鐘,中途會有攝影師幫大家影相留倩影,影完靚大家當然可以回購,嶠媽一家當然有買啦!係一個好好嘅紀念😌觀光小火車去龜岡,由小火車龜岡站行去JR龜崗站,大約10分鐘,我地就慢慢行過去,之後到搭JR返去京都,再轉車返去大阪!好彩我地係 JR龜岡站上車,有位坐,因為去到JR 嵯峨嵐山超多人上車,我地早兩個站上車就可以瞓一陣😴。
⭐️大家留意返,嵯峨野觀光列車可以買單程/來回,我地就買單程票!而且如果有時間,仲可以考慮去坐埋【保津川泛舟 】。
✨重溫:親子遊大阪✨
🐧大阪海遊館:https://reurl.cc/XXVdjM
👘京都和服體驗:https://reurl.cc/6g01Zk
#親子大阪遊2019 #京都之旅 #嵐山 #嵯峨野 #渡月橋 #嵯峨野觀光列車 #嵐山小火車 #hkmom #hkblogger #mamablogger #welovetravel #travel #familytravel #親子旅行好去處 #芊嶠與劻霖成長日記
親子大阪遊2019 在 芊嶠與細佬·雞蛋仔 Facebook 的最佳解答
【親子遊大阪2019】和服體驗篇
上回講到,每年我地一家都會去一次旅行🧳,話說我地一家堅係鐘情日本🇯🇵,但說實在,我地都只係去過日本西面 (3次),日本北面 (2次)🙈我地呢次關西旅行,住就只住係大阪,但都有去神戶同京都玩,其實搭 JR 都唔算太長時間。
嶠媽係 plan 行程嗰陣,已經決定要去兩日京都玩,一日去郊區睇靚景,一日就去著和服👘。今次就介紹返我地租呢間和服👘,其實我係係香港一個商場搞嘅活動入面,著過佢地嘅和服,所以就決定去京都都一定要幫襯佢地,因為佢地嘅和服真係好靚,質量好好,一分錢一分貨👍🏼
【京都和服出租店 Curun】係一間和服👘租借店,佢地有 Facebook page,而且好細心,為咗方便客人預訂,置頂 post 就有解答大家嘅問題,再有 Iink 去另一個 post,有講和服價錢,點樣去 inbox 預約。呢間和服店都 full,如果係假期旺季去,唔早啲預約,真係有機會去唔到佢地到租和服㗎啦。
講返先,男人和小孩係定咗價,無論你揀咩款,都係 fixed price,而女人👩🏻喎,當然有幾款唔同價錢啦🤭由最便宜「2700日圓」到最貴「8424日圓」都有,由於佢地網頁未必可以盡錄所有款式,所以預約時可以揀去到再揀款式,而嶠媽就對「振袖」一見鐘情,平時要8424日圓租借,嶠媽去嗰陣係做緊優惠,只需要「6264日圓」就借到,所以預約時我都一早揀定咗要「振袖」。
介紹返,振袖係日本人去飲宴時先會穿嘅服飾,比起一般和服👘,佢地嘅花係好細緻,真係好靚。連著嘅時候,都同其他和服穿著時有所不同,著咗出嚟連我都「嘩」咗一聲🤪另外,預約時如果一同「追加女士髮型」就會係1080日圓 (原價:2160日圓),即係提早約埋會有半價👍🏼
最後,由於嶠媽太想紀錄低一家四口呢次和服👘體驗,我地 book 埋佢地嘅「攝影師跟拍方案」,60分鐘跟拍,10584日圓,最緊要係,攝影師會帶你去影,唔洗你揀地方,你睇下面嘅相就知道,唔會係咁影到其他人頭,佢地會識就,亦會帶你去啲冇咩人嘅地方,影到啲好有特色嘅景。BTW,下半 Part 相係我地自己影🙈
更多關於京都和服出租店 Curun:https://m.facebook.com/kyotoCurun/
#親子大阪遊2019 #京都之旅 #和服體驗 #京都和服出租店Curun #親子旅行好去處 #芊嶠與劻霖成長日記
親子大阪遊2019 在 芊嶠與細佬·雞蛋仔 Facebook 的最讚貼文
【親子遊大阪2019】大阪海遊館篇
每年我地一家都會去旅行🧳,上年同婆婆去北海道就跟團,今年就決定再去大阪,計埋今次,已經係第三次去大阪旅行啦!可以話由最初兩個人,第二次三個人,第三次就四個人去,但係唔會有第四次五個人啦🤣
今次行程都係由嶠媽我編排,望落好似唔辛苦,但我地每日真係08:30出發,夜晚23:00先返到酒店🏨!好彩有揹帶,有BB車,唔係真係唔掂🤦🏻♀️我地第一日07:05機,去到大阪差唔多12點,太累😔之後去咗行 Outlet,再返酒店 check in,之後都係係心齋橋附近行下。
第二日我地就同契爺契媽分開玩,佢地去咗 USJ 玩,我地就出發去咗大阪海遊館。不過天公不造美,嗰日落好大雨,天好凍!我地又搭 JR,又轉地鐵,搭咗唔知幾耐終於到咗,好辛苦去到,我地就食咗嘢先!海遊館隔離有個商場,都真係好多嘢食!
食飽向海遊館進發,見到門口排隊嘅人,我真呆咗,心諗唔係要排隊下話?因為我怕麻煩唔識溝通,所以我一早就已經係 Travelababies - 親子旅遊資訊平台 到買定海遊館門票🎫,即刻拎住個 email 問人,原來可以直接去門口入場,即刻開心返哂!
我買咗門票,就會收到個 confirmed email,打開附近,有個 QR code,比門口職員 scan 就入得!我地去嗰日係星期日,真係超級多人,但芊嶠同劻霖真係好興趣,佢地全程都好投入!海遊館有企鵝🐧、鯊魚、好多唔同種類嘅魚,真係大海眼界,而且海遊館都真係好大,有8層高。我地行咗兩個鐘先行得完🤦🏻♀️
📣好消息,而家嶠媽嘅讀者,係Travelababies Shop網站訂購產品,結帳時輸入【優惠碼】即可享有95折優惠。有興趣想要優惠碼,就留言「我想要 Travelababies Shop 優惠碼」。
#親子大阪遊2019 #大阪海遊館 #親子旅行好去處 #Travelababies #TravelababiesShop #芊嶠與劻霖成長日記
親子大阪遊2019 在 大阪京都自駕親子遊2019 Day 5 環球影城玩到濕身 ... - YouTube 的推薦與評價
來到第5日的行程,我們終於決定去了 大阪 環球影城。一般我設計行程時都不會硬性規定必定要去甚麼地方,因為始終帶住小朋友,又要視乎身體狀況, ... ... <看更多>
親子大阪遊2019 在 大阪親子遊有咩玩? ! 的推薦與評價
▶️ 大阪新酒店2019>> https://handler. travel/?p=39650 ▶️ 大阪堺市懶人包>> https://handler. travel ... ... <看更多>