【#親子玩樂 ‼️最新‼️炮台山「東岸公園」 | 設兒童平衡車試驗空間】
最近知道Alfred 課外活動班附近又多個新公園，佢就係炮台山有個新起嘅東岸公園，所以趁佢完課外活動後，就帶佢過去行先。
入面有咩睇？
✅有個超大個草地，草地上有唔小座椅同遮陽設施
✅面積頗大嘅兒童平衡車試驗空間，有兩條彎彎曲曲嘅車路比小朋友玩下車。
✅ 具海濱標誌性、超吸睛同超巨型字體嘅「VICTORIA HARBOUR」打卡藝術燈牌。
✅ 類似「跳飛機」嘅小玩意
✅ 兩條小遊樂滑梯
✅ 區內最大特色：維港首條向公眾開放嘅防波堤，可超近距離360度飽覽維港景致。
✅ 防波堤末端有個大型排風口裝飾。
🔷詳文分享：bit.ly/3oqrzFL
總結：呢度地方真係好大，而且每個區域都分得好仔細同有點距離。不過如果小朋友無平衡車或無帶車嚟玩嘅話，呢度嘅兒童玩樂設施就真係比較小（只有兩條小遊樂滑梯），但勝在環境好，有足夠地方比小朋友跑跑跳跳。如果大家都係附近嘅話，都值得一去影下相嘅。個人就唔太建議專程去啦！
溫馨提示：
1️⃣保護環境，自己垃圾，自己帶走。
2️⃣地方比較空曠，請做好防曬或防蚊措施。
3️⃣疫情緩和都唔可以鬆懈，記得勤手洗/搓手，勿摸眼、口、鼻。
4️⃣公園比較新，而且我哋第一日嘅下午嚟，人流特別多。所以提提大家都要好好看顧好自己小朋友呀！
——————————————————
【#東岸公園主題區（第一期）】
地址：炮台山屈臣道以西（炮台山地鐵站A出口）
開放時間：24小時
交通：從港鐵炮台山站經油街轉入電器道，至屈臣道街尾即達，步程約7分鐘
——————————————————
親子玩樂 在 小菲親子玩樂生活 - Facebook 的推薦與評價
小菲親子玩樂生活。 1344 個讚· 174 人正在談論這個。愛拍照的黃小菲，喜歡用照片說故事最愛帶著一家四口到處走走拍拍呈現最真實的畫面，用細膩生動的文字帶領你進入 ... ... <看更多>