-
可能大家都最近見到好多旅遊Page介紹泰國有一個地方睇雲海好靚既,而依個地方位於碧差汶府(เพชรบูรณ์)一個叫Phu Tub Berk(ภูทับเบิก)既山上面.
------------------------------------------------
睇相就覺得好靚,當我想去果時發現有關[如何前往]既資料少之又少,就算有所謂既前往教學,都係極簡略,存在好多黑人問號.所以為左造褔後人,今次就分享下依方面既資料.
-------------------------------------------------
Phu Tub Berk距離曼谷大約430公里,如果由曼谷出發,我暫時有幾個方法提供俾大家:
-
方法1:由曼谷自駕揸車去
自己揸車去係最快既選擇,430公里大約揸六個鐘左右,唔塞車的話.但係揸唔慣咁長途既就可能會覺得有啲吃力.
-
方法2:曼谷撘巴士去Lomsak,再租車自駕上去.
Lomsak係碧差汶府既其中一個鎮,由租車既地方揸上去,大約一個鐘到.[[留意巴士有分去Phetchabun市同去Lomsak鎮既,去PhuTubBerk既話撘去Lomsak係最近.
-
方法3:包車
依個係最懶同時係最貴既方法.小弟曾經係啲Page到見到有人用中文賣廣告係包車上山兩日一夜,得到既報價係7000Baht一個人.傻的嗎,7000Baht我俾個官你做.另一種包車係去到碧差汶府先再搵人包車,但包車資料十分之少,在我們下車的Lomsak,只有一個女人問我們要去哪.那如果沒有那女人,又可去哪包車,黑人問號Again.
-
方法4:撘巴士去,再Join本地團.
依個方法其實係睇網上現有教學,但其實依個方法亦有黑人問號,在我們下車的地方,係見唔到有旅行社既物體.另一方面就算真係有本地圑,時間都會變得好唔彈性,冇得話想去邊就去邊.
-
由於3同4係有好多黑人問號,而我地又唔想揸咁耐車,所以我地係最後決定用方法2.
-------------------------------------------------
講返方法2先..
由Mochit巴士總站撘去Lomsak既巴士297Baht一程,車上會派發水同麵包.而大約六個幾鐘既車程入面,會有20-30分鐘既小休可以去下廁所食下野.但留意返巴士票最好出發前幾日買左先,以免去到Walk in冇位,因為班次其實唔算多.車上其實都有廁所,但如果唔係堅急都唔建議去.去到Lomsak落車,就叫租車公司搵人黎接我地去拎車,其實上網搵左好耐資料只搵到一間可以租車既地方,因為Phetchabun依個城市係冇International既租車公司既,如果要租international 既租車公司,最近要去到格黎城市彭世洛既機場.我地去既租車公司價錢1400Baht一日,都係果句,要滿油還車.
---------------------------------------------
山上住宿:
-
其實山上面既住宿主要分兩類,一係帳篷,二係屋仔.帳篷既價錢大約500-800baht一晚,可以訓4個人,另外仲可以租綿被枕頭果啲.而屋仔就大約1500-2000左右.
-
分享返我既小小經歷,我地係泰國三日連假去,而我地沒有事先Book定帳篷,加上我地上到山已接近晚上六點,問了好多家住宿的地方都滿了,我地當時最壞既打算係係車到訓.好彩最後有泰國人幫忙溝通,先格硬搵到個位俾我地.所以唔洗訓車.
-
所以如果你地身邊咁岩有泰國朋友,真係最好叫佢地幫你Book左先,以免去到冇地方訓.因為住宿既資料網上係好少同埋全部係泰文,所以根本睇唔明同對方都未必識英文.
---------------------------------------------
山上餐飲:
其實山上面係有好多餐廳同小食,尤其係燒肉(Mu Ka ta)同打邊爐好多,因為山上溫度會較低,唔少泰國人都會食依啲去暖暖身.所以完全唔洗驚話冇野食.
---------------------------------------------
山上溫度:
由於Phu Tub Berk位於海拔一千七百多,所以淩晨溫度會降到十三四度.我要著一件厚衛衣再加外套先頂得順,但中午有太陽就會熱返,所以溫差係幾大的.
---------------------------------------------
