[無綫][2130劇線][欺詐劇團][刑偵日記]
2030劇線嘅《逆天奇案》即將播完，下星期首播嘅係由《BB來了》發展出嚟嘅《寶寶大過天》（前名《BB大晒》）。主角由 李佳芯+黎諾懿 換咗做 岑麗香+馬國明，而劇情主軸就由陀B生B，變咗做湊小朋友。幕前唔同咗，但幕後依然係《BB來了》嘅監製廖晉碩同編審黃秉怡。佢哋之前一套合作嘅劇，係由田蕊妮主演嘅《她她她的少女時代》。
2130線方面，6月21日會推出外判7集迷你劇《欺詐劇團》，潘嘉德監製，總導演係拍過《詭探》、《詭探前傳》、《太平紋身店》嘅湯皓浚，有旦哥坐鎮、蔣家旻首次做劇集女主角，亦都有潘嘉德常用嘅林秀怡、後生仔派系嘅Enson劉頌鵬。周一至五加周日連續兩小時播完之後，就會有我期待嘅《刑偵日記》。
無綫同優酷嘅首部合拍片《刑偵日記》，台前幕後都有《鐵探》嘅影子：幕後方面故事創作有《鐵探》嘅編審朱鏡祺、劉小群，監製由蘇萬聰換成關樹明；幕前方面，繼續有惠英紅、姜皓文、袁偉豪，另加王浩信、黃智雯、黎諾懿、王敏奕、陳煒，非常重量級。Promo話套劇係「年度心寒之作」，王浩信今次挑戰演繹多重人格障礙（人格分裂），唔知可唔可以憑呢套劇蟬聯視帝寶座，三奪無綫最佳男主角獎？
#刑偵日記一開始話係刑事偵緝檔案系列第五部
#潘嘉德係刑事偵緝檔案第1至4輯監製
📺《寶寶大過天》81台翡翠台 6月14日起逢周一至周五 2030-2130
📺《欺詐劇團》81台翡翠台 6月21日起周一至周五 2130-2230及周日2030-2230
📺《刑偵日記》81台翡翠台 6月28日起逢周一至周五 2130-2230
#無綫 #TVB #逆天奇案 #寶寶大過天 #BB來了 #BB大晒 #廖晉碩 #黃秉怡 #岑麗香 #馬國明 #刑偵日記 #刑事偵緝檔案 #朱鏡祺 #劉小群 #關樹明 #惠英紅 #王浩信 #欺詐劇團 #潘嘉德 #湯皓浚 #鄭丹瑞 #蔣家旻 #林秀怡 #劉頌鵬
詭探3 在 講劇時辰到- 《詭探前傳》進入三師弟劇情... - Facebook 的推薦與評價
致於第七行動組隊長John Carter，憑似Ironman主角成名，演技上真是似著齊機甲的Ironman，不論捉鬼同查案，都是一個表情，見唔到變化，果然係超級英雄。 ... <看更多>