【龔成問答信箱】(Q22321-Q22340)
Q22321:
龔Sir,一直猶豫到底買唔買名錶,因為本人做銀行嘅,牌頭對予工作黎講都有一定影響,但名錶都起碼6位數字上落,加上有限量
所以有一定價值,而且可以為我工作帶黎額外嘅收入,算唔算資產一項?
龔成老師︰
如果隻錶本身限量,你相信有升值潛力,其實都可以投資。但由於金額都唔平,你真係資金較充裕,才好考慮。
至於工作方面,一個人穿著,的確會影響客人第一印象,這點我明白。
但相信客人最終選擇你,你的穿戴影響可能只佔好少比重,主要係睇你有無實力,唔好放錯重點。
------------------------------------------------
Q22322:
老師,上緊進階班,想問香港寬頻(1310) 是一隻適合投資的收息股嗎?問題如下:
1.派息比率超過100%,將盈利以外的資金,派發給股東,長遠是否有影響?
2.見企業的資產淨值出現負數及負債比率都十分高,但經營活動現金流量保持正數,仍值得投資作為收息,我廿幾歲?
謝謝
龔成老師︰
1) 香港寬頻(1310)派息比率>40%,股息率>4%,而派息政策穏定,和有一定派息紀錄,因此佢已可定性為收息股。
你見佢好多時派息比率高於100%,甚至近年去到1000%,唔係佢拿左盈利以外的資金去派發,而純粹係"折舊"拖低左個盈利所致。
實際上,佢都只係派緊當年賺的錢,你再仔細睇翻,佢經營現金流,就會明白。
2) 佢流動資產,係少於流動負債,一般情況我地會視為短期還款,可能會有較大壓力,甚至會出問題。
但我地都要考慮埋,企業本身狀況。以一間全年收入近100億企業,現金流都算強勁,短期17億缺口,唔算係好大問題。
當然,佢負債偏高,係會扣少少分,但依然係一隻有投資價值的收息股。
但香港寬頻(1310)就係用來收下息,唔會有太大增長力,以你2X歲年紀,此類股票唔係太適合你。
------------------------------------------------
Q22323:
老師你好,我想請教一下,聯易融9959@19和攜程9961@280有貨,這兩股,屢創新低
應繼續嗎?
龔成老師︰
我地唔好用個股價,去判斷一隻股票的持有價值。我地應該睇翻佢本身質素,有質素就算中短期有波動,你照持有都無問題。
聯易融科技(9959)屬有潛力有風險類別。
佢係一家中國供應鏈金融科技解決方案提供商,佢旗下的雲原生解決方案可優化供應鏈交易的支付週期,實現供應鏈金融全工作流程的數字化。
幫金融機構客戶提供供應鏈金融科技解決方案,提升整個供應鏈金融生態系統中的透明度和連通性。
根據數據,佢處理的供應鏈金融交易金額達人民幣近2000億元,係中國供應鏈金融科技解決方案提供商中排名第一,市場份額約2成。
佢已經連接左供應鏈金融生態系統中幾百間核心企業、金融機構、超過十萬間中小企業。
佢的主要收入模式為基於交易量收取科技解決方案的服務費用。佢的客戶主要包括核心企業及金融機構。服務的大部分核心企業於房地產、能源、建築、醫藥、製造等行業運營,亦為銀行、券商、信託公司理公司等各類金融機構提供服務。
過往生意快速增長,不過現時仍虧損中。
長遠發展力,有,不過估值好難,只可以話,小注投資,長線持有都可,耐心等更大的收成,但預佢中短期可以好波動。
攜程集團(9961)有質素。
佢係全球領先的一站式旅行平台,可提供一套完整的旅行產品、服務及差異化的旅行內容。
用戶可以通過平台進行任何類型的旅行預訂,從目的地內活動、週末短假及短途旅行,到跨境旅遊及商務旅遊。
產品及服務組合涵蓋經濟、高端、定制化及精品產品。集團經營一系列品牌,包括攜程(Ctrip)、去哪兒(Qunar)、Trip.com及天巡(Skyscanner)。
根據報告,以商品交易總額(或 GMV)口徑統計,佢係過去10年內一直為中國最大的在線旅行平台,近年更為全球最大的在線旅行平台。
財務數據方面,收入都有不差的增長,但盈利就比較波動,有時會出現虧損,反映企業仍處於投資期。
這企業有獨特性,長遠有投資價值,但估值難,未能確定這刻的平貴度。只可以話,潛力度是有的,但預期股價都會波動,因此投資要控制注碼。這股宜長線,等企業成長。
這2間企業,都有長線投資價值。若你持貨不多,可以守。但持貨較多的話,建議你沽出部份,去平衡風險。
------------------------------------------------
Q22324:
龔sir,我買咗呢一隻股票10000股,0.411,之後見到佢出咗呢d,我唔係幾明白點操作,請問依家我係應該繼續持有還是沽售?
如果繼續持有的話,是否需要再投入資金?
龔成老師︰
COOL LINK-NEW(8491)主要於新加坡從事食品供應業務,見佢多年虧損,無明顯投資價值。
佢會進行20合1,和合併後二供一。這都係一些典型財技股的做法。
我對這類股票較有保留,建議你沽出會較好。
------------------------------------------------
Q22325:
上嵐用來投資收租如何?
龔成老師︰
屯門上嵐位置上,尚算可以。
但我一直都唔係好建議讀者,買1手新盤,因為好多時都會有溢價,變相買貴左,影響回報。
而且,佢單位主要係26X-29X呎,唔算話好大。勉強算可以容下一個家庭,投資價值不算高。
------------------------------------------------
Q22326:
Sir,我份工作做咗10年,但強積金得28個,係咪太少?
請問有冇咩好建議呢?我18歲開始返工,今年28。
龔成老師︰
多與少,唔係最重點,因為每個人生活水平都唔同。最重要係你這筆資金,是否用得其所。
強積金的配置其實唔複雜,你只要按你的年齡階段,去進行分配就得,年輕時較進取,中年平穩,退休前就保守。基本上你按年齡,慢慢跟這樣比調整就得。
強積金是一個超長線投資,中短期當然會有上落,但就唔需要轉來轉去。只要按你的年齡,長線配置就得。我自踏入社會工作後,一直都是100%恆指,無變過。
除了強積金,你要繼續保持你月供習慣,去努力增值和增力投資相關知識,相信長線你財富一定會有理想增長。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
------------------------------------------------
Q22327:
Hi 龔成老師,很久沒有聯絡了。我現在有個煩惱,因為在$2.54買入了8083, 現在跌了50%, 自己之前看到業績每年增長不錯,可是高位入了。
看不懂它私有化,分拆科技上市的新聞對業績有什麼影響,8083的投入金額佔整體倉位大約5%,現在虧損一半,是否應該守下去呢? 定忍痛止損。
希望你能夠抽空回覆,謝謝
我另外也持有5%的2013, $17買的
现在持有40000股8083
龔成老師︰
簡單講,中國有贊(8083)首先佢會分派有贊科技,然後以主板模式上市,原有的就是以私有化模式,退市。
佢以每1股的8083,換取約0.05股新派的有贊科技,另外仲會加少少現金,約每股$0.13。
中國有贊(8083)業務變化較大,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高。你現時持股佔組合,唔算好多,可以守,但你要明白佢有一定風險。
微盟集團(2013)集團主要在中國從事提供軟件即服務產品及營銷服務。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這些都是將來發展的大趨勢,從業務潛力上,的確是有的,見佢財務數據的增長都強勁。但此股都係較大不確定性,但你持股唔算多,可以守住先,再觀察。
------------------------------------------------
Q22328:
老師,請教你,我現金有三成,其他股票。唔需要應急錢。港交所佔資產組合4%,但已嫌了75%,那應該放嗎?感謝解答
龔成老師︰
港交所(0388)有長線投資價值,而且佢組你組合好少,我建議長線持有較好。
但如果你係個好保守架投資者,你可以用"升一倍,沽一半"架策略,去先收入成本,都係可以。
------------------------------------------------
Q22329:
Hello 龔sir。有時情想了解一下,我現在手上有 03988 中國銀行,共18000股,均價為 3.0944 。
仲有現金為約5萬左右,請問現時部署,應該先每月持續購入?還是先截倉,尋找其他更有潛力的股票?
龔成老師︰
我地投資會運用「先增值,後現金流」作方法,初期應投資較多增值類資產,較後期則應投資較多保守類項目。所以係分配投資項目時,會因應番你的人生階段。
如果你年青,可以「平穩增值股」+「潛力股」。中年人士,可以較集中翻係"平穏增長股"。當你已近退休之年,就應集中在「收息股」,去創造平穏現金流。你可以睇翻自已年紀,去作出配置。
因此,我地先要睇翻,到底中行(3988)適唔適合你年紀。中行(3988)有質素,但只是收息股,如果你係中年至退休人士,這股都可以。若你係偏年青,由於佢增長力不高,就不太適宜持有太多。
另外,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
所以,你唔應該再加注在中行(3988),反而要慢慢加入其他合適股票,去令個組合風險更分散。
以下是一些不同類型優質股,你可以因應自已年紀,去作出配置。
潛力股︰中生(1177)、福壽園(1448)、安碩恒生科技(3067)、港交所(0388)、阿里(9988)、騰訊(0700)、舜宇光學(2382)、小米(1810)、GX中國電車基金(2845)、三星FANG ETF(2814)
平穏增值股︰指數基金、港鐵(0066)、金沙(1928)、煤氣(0003)、恆基(0012)、中銀香港(2388)、長建(1038)、粵海(0270)、領展(0823)、希慎(0014)、太古地產(1972)
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
------------------------------------------------
Q22330:
龔老師,你好,我有睇開你嘅fb同埋有睇你寫嘅書,我今年24歲,收入大約~15000多啲,家用$5000,草$7000,目前持有以下股票︰
小米($26,2200股)
中國移動($53.125,4000股)
中芯國際($28.15,5000股)
碧桂園($8.66,10000股)
金蝶國際($27.1 ,1000股)
仲有少量美股
Coinbase ($350 ,2股)
Futu ($188.5 ,20股)
TSM ($132.45, 2股)
我從上年4月開始投資,但都係一名新手,想請問我港股既投資組合有啲咩需要注意,因為我本身好睇好芯片股,覺得芯片既需求不斷增加,
近期見到港股差唔多每日都跌,波動較大,以及初時玩美股,咁岩都係買左高位 我依家仲等緊返家鄉。
另外想問如果報讀你既課程要幾多錢?
龔成老師︰
首先你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
所以,你不論持有那個市場的股票,持有與否,最重要都係睇企業質素。中短期波動係正常事,再優質股票,都有出現。只要好優質股,你一直持有就可以。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
以你24歲計,應先做好財富增值。中國移動(0941)係收息股,增長力唔會明顯,不建議你持有太多。你最好沽部份,換至其他有增長力股票。
碧桂園(2007),業務都算不差,但負債高,風險略高,雖然都可持有,但不宜持有太多。
Coinbase Global Inc(COIN)雖然有獨特性,但真正的長期價值有多少,根本好難估。
佢係加密經濟技術供應商,佢從平臺上的交易中產生大量交易費用的凈收入,以區域來講,佢大部分收入來自美國,其次是世界其他地區。
要分析佢的價值,就要睇翻虛擬貨幣長遠發展。以本質來說,虛擬貨幣是人為創造出來的,絕對不是「資產」,有沒有真正的價值,如何定義真正的價值,未知,亦令COIN的價值,變成未知數。
長遠的價值,取決於「有多少人用」,如果長遠好多人用,的確可能有高價值。但如果無人用虛擬貨幣,這公司都無價值。
因為分析長遠是否好多人用,是非常困難,因此,當中存有相當的風險,當然,潛力同樣都大。
除左以上3隻,想你特別留意之外。其他持股,都係有質素,你長線持有就可以。
另外,若你睇好芯片業發展,中芯國際(0981)和TSM都係合適選擇。質素上,TSM會較高。
而中芯國際(0981)業務有增長力,質素係有,但未到最高質素。
睇翻佢過往的業務情況,雖然仍每年的生意都有增長,但盈利就有波動,反映雖然大環境的市場在增長中,但佢的成本與售價,就未必在佢掌握的範圍,最後造成盈利波動的結果。
雖然這股都有前景,但以佢面對的情況,但好難將佢定義為最優質的股票。
加上此股近年升了不少,就算有所回落都唔算平,加上之前熱炒過,股價大上大落,投資要注意風險。
你現時無投資知識和經驗,對企業估值,點去定平貴未必會太了解。所以你先利用月供模式,去做增值,可以減低買貴貨風險,對你而言會較理想。
現在你每月先用5成儲蓄,即$3500做月供。其餘先儲起,用一邊月供一邊儲蓄的策略。
由於「潛力股」係需要一定經驗和有一定波動性,你經驗較淺,可以先小注,大約佔組合3成左右。到你有一定經驗,你可以投資到約5成比重。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q22331:
我是一個45歲女士有一個仔11歲。我早前買咗隻708 $69買一直好似撞鬼咁都唔放過直到$13放咗放咗
現有十萬現金想問老師買什麼股票可以有得增值
龔成老師︰
其實恒大汽車(0708)都唔算全無投資價值,只係風險偏高,佢資金投入的確強,大力發展新能源車,但這些仍未有賣產品真正的實力,長遠能帶動多少收入,未知。
由於仍有好多未知數,而股價已經大升左好多(比半年前),因此,這刻要自己衡量風險。
可能佢真的有潛力,但連基本的銷售銷售都未有,我地作為投資者,就好難分析,只可以話佢股價會大上大落。
當佢一有較不利消息,好易就會好似現在咁,出現大跌。這類股票唔係不能投資,但只能好小注,去平衡佢個不確定性風險。
以你45歲,可以選擇一些「平穩增值股」+「潛力股」作投資目標,並以「平穩增值股」作為主力。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
現時大市只是合理區,你現有10萬資金可以先投入一半,以分注形式入貨。餘下一半就等大市出現一定程度的下跌,才大力度掃貨,然後長線投資。
------------------------------------------------
Q22332:
龔成老師你好,最近睇咗你幾本書。本人33歲 ,已婚有兩個小朋友 同先生收入加埋有四萬。家庭開支都需要二萬五
之前同屋企人住,打算嚟緊下年自己租樓住,租金大約一萬蚊
而家手持280-300萬現金,睇過而家嘅樓價 如果喺新界區買入一個400至500尺嘅單位要600萬,如果供樓嘅話就會 $16000-$18000,如果咁樣供樓嘅話就會儲唔到錢
我希望你用呢300萬,4-5年後 希望達至500萬有冇可能?
買入600-700萬樓,想有500呎,到時俾首期 400萬再做按掲200幾萬,無咁吃力。預留100萬現金,for小朋友讀野或不時之需。
請問老師
1)由於樓價不斷上升 有機會係呢四至五年期間投資股票 未必追得切樓價既上升,定係應該而家及早買樓 ?
買個500萬以下單位算,但因為有兩個小朋友 ,如果俾晒首期,就無現金流。
2)希望回報大點,如組合以下股票會增較理想
9988
1810
1177
另外留80 萬買入電燈作收息
老師,應該買入邊啲增長較快?同時亦會月供2800,或一些潛力股
3) 如果到3-4年後,現金少過200 萬,都仍然希望買入一個細單位作收租。因為想買樓 所以股票想5年後取反出後 或留20%長線投資。
謝謝老師百忙抽空
龔成老師︰
1) 其實投資任何項目,都係會有不確定性,無人知5年後,優質股增幅會否跑嬴樓市。但從投資角度,現時租金回報率不高,優質股值博率會較好。
另外,我地投資會講求平衡性,如果你買樓後就資金盡用,不能投資其他資產(如優質股)。這樣你財富組合,就會太集中係物業類,唔係咁理想。
因此,你先用優質股去增值,5年後再去置業,相信會係較穏當的做法。
2) 這5年,你可以用一些有質素的增長股,去做增值。你所講的3隻股票,都係適合。但佢地都係潛力股,風險會較高。如果全數只投資這類股票,會令你組合的不確定性風險太大。
建議你用「平穏增長股」 + 「潛力股」作組合,去創造一個增值平台。港燈(2638)只係收息股,增長力唔高,唔建議你投資。
現在你每月先用5成儲蓄做月供。其餘先儲起,用一邊月供一邊儲蓄的策略。
平穏增長股︰指數基金、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學(2382)、阿里(9988)、騰訊(0700)、GX中國電車基金(2845)、三星FANG ETF(2814)。
大市現處於合理水平,那300萬現金(扣除等同半年開支的應急錢後),你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
3) 我假設投資回報有10%(連股息再投資),你每月投資$5000 + 280萬現金,5年後大約會增值至490萬,故這樣安排相信很大機會達至你的財務目標。
但若果到時金額,跟你目標物業,都尚有一定距離。你可以先買入一個細單位,再用餘下股票增值,之後才細屋換大屋。
但緊記,買樓同時要留有一定優質股,去保持增值,以維持財富組合平衡性,這才算得上係理想。
最後要提醒翻,如果你的投資股票能力不強,成續不好,投資知識不高,你有可能現時買樓,好過你將資金投資股票。
因為上述的策略,建基於你能將股票增值,而增長是大過物業增長的。但如果你過往投資經常虧損,投資股票只會得不償失,那麼,將資金直接投資物業,可能更好。
------------------------------------------------
Q22333:
老師,我是去年入股市開始投資的,現在處於虧損,我怕自己的情緒會影響判斷,所以很希望老師能夠幫助解答我的問題,讓我可以逼自己理性決定。
1.成實外教育。前期教育新規出台,現時股價已下跌一半,不知道是不是該股的基本面已經改變,還應該繼續保留該股嗎?
2.聯易融。因為騰訊的加持,上市的時候其實就有抽,後面下跌的時候毫不猶豫就買了,知直到今天停牌,讓我開始反省自己思維的簡單。想請教老師如何看待這隻?
另外也想問問老師對新股的態度是如何的?會選擇抽新股嗎還是寧願等有些數據做過分析後再買?
謝謝!祝生活愉快
龔成老師︰
1) 成實外教育(1565)主要透過結構性合約,於中國從事民辦教育服務。佢係四川經營十多所學校,提供學前教育至十二年級及高等教育服務。
佢的學校除提供必修英語課程外,也為具興趣的學生提供第二外語班,包括德語、法語及日語等。
睇翻過往的財務數據,其實不差的,業務基本上穩定,盈利都不算差,不過增長力就唔算強。
但近年中央對教育板塊,推出不少政策,都係不利於民辦教育發展。雖然暫時影響未算好大,但不確定性風險增加唔少。
若你持貨佔組合比重不多,可以守。但若佔較多,建議沽出部份,去平衡風險。
2) 有大企業加持,可以係加分位,但絕對唔可以因為這個單一因素,但決定這企業是否值得投資。
聯易融科技(9959)屬有潛力有風險類別。
佢係一家中國供應鏈金融科技解決方案提供商,佢旗下的雲原生解決方案可優化供應鏈交易的支付週期,實現供應鏈金融全工作流程的數字化。
幫金融機構客戶提供供應鏈金融科技解決方案,提升整個供應鏈金融生態系統中的透明度和連通性。
根據數據,佢處理的供應鏈金融交易金額達人民幣近2000億元,係中國供應鏈金融科技解決方案提供商中排名第一,市場份額約2成。
佢已經連接左供應鏈金融生態系統中幾百間核心企業、金融機構、超過十萬間中小企業。
佢的主要收入模式為基於交易量收取科技解決方案的服務費用。佢的客戶主要包括核心企業及金融機構。服務的大部分核心企業於房地產、能源、建築、醫藥、製造等行業運營,亦為銀行、券商、信託公司理公司等各類金融機構提供服務。
過往生意快速增長,不過現時仍虧損中。
長遠發展力係有,不過估值好難,只可以話,小注投資,長線持有都可,耐心等更大的收成,但預佢中短期可以好波動。
至於停牌,係屬於短暫性質,純粹係有重要內幕消息要公布。
其實我一直都唔係好建議抽新股,因為好多時新股定價都係較貴。而且,提供的數據參考性都較弱,好難做個較準估值。
好多時佢真正表現,要過1,2年先可以睇到,故有一定風險。
當然,唔係話新股全部唔好抽。但由於有一定不確定性,同埋多數唔平。因此,較理想做法係最多先小注,再觀察。
------------------------------------------------
Q22334:
阿sir 嗰陣時你每月存1萬咁你月供股幾多錢?
龔成老師:
我無做月供股票的,月供股票是適合初階者,如果有企業估值的能力,就不一定要月供。
我當時的策略,是每月儲$1萬,然後儲到一定數量後,以及當該股處便宜價,或合理區較下部,就會出手。
------------------------------------------------
Q22335:
老師,我依家儲多啲本 想問一個白癡問題 「分注」嘅定義 係每月自訂月供amount 定 一手一手滿滿入貨?
龔成老師:
分注有好多方法的,原理即是分開去買入,我地投資,先要定計劃,例如你某隻股,你想佔股票組合比例多少,如$10萬。
分注就是將$10萬,分開多次去入,例如每次$2萬,分5次。或以月供,每月$3000進行,長期進行,直至到你適合的比例。
------------------------------------------------
Q22336:
中國移動呢隻點?如果而家呢個價買唔買得過?
龔成老師︰
中移動(0941)不是無質素的,5G雖然對佢有正面影響,不過,中國政府希望相關費用不會太貴,令資訊流通更好便利,所以,對佢的賺錢能力方面,未必能帶來突破性的增長。
你可視佢為收息股,增長力不算強,這股有長線投資價值。現價合理。
若你係中年至退休人士,或者你投資取態好保守,這股係可以考慮。相反,你係偏年青的話,由於佢增長力不高,作為投資目標,就唔係咁適合。
------------------------------------------------
Q22337:
龔成老師:本人現持有以下股票,因有些已經跌了很多,也不太肯定這些企業現時是否還有發展的空間,希望龔Sir可以幫我分析一下究竟我應該止蝕,繼續持有還是再增持,謝謝。
136恆騰網絡8000股 平均買入價12.42
520呷哺呷哺1000股 買入價21.86
2158醫渡科技100股 買入價26.3
由我認識股票開始就一直follow龔成老師你,我其實很認同龔Sir你講的買股票應該係睇企業的質素,睇佢長遠發展潛力。但自從我罹癌之後,
因沒有工作收入,只有每月有三千幾政府補貼,所以希望由股票短炒賺一兩千補貼生活開支,但就一時衝動就買左以上股票,希望龔Sir可以賜教,
我呢種情況其實係咪唔應該買股票,謝謝
龔成老師︰
我地投資股票,其實等同投資一間企業。希望透過其自然增長,以達至財富增值的目的。
所以,我地投資一定係長線,你比時間企業去成長,而唔係短期炒賣,去賺差價。
你唔好預投資增值,可以解決你短期財務問題。你現時持有投票,都有長線投資價值,但佢地風險和波動性都較高,不宜持有太多。
以你現時情況,應優先留有一定較多現金,去支援你日常生活和醫療開支。
若佢地佔你資產比重較高,你可以沽出部份去套現一些現金,以備不時之需。若只係佔好少部份,你照持有都可以,但預係長線持有,才會有較理想回報。
恆騰網絡(0136)及醫渡科技(2158)都是較高風險的股,反映你在選股出問題,如果持貨多,宜減。
至於呷哺呷哺(0520),其實有質素的,但之前貴,現時才合理翻D,這股都有得守的。
------------------------------------------------
Q22338:
老師你好,我受到你既影響就已經成功買樓,不過因為工作關係就冇得租出去,咁其實層樓係咪都仲係支出而不是財富增值?
同埋依家要賣大部分股票去裝修,唔知吉利 (@16入) 同比亞迪 係咪都應該依家賣?有啲其實低過買入價 (e.g 領展,港鐵) 係咪都賣咗先?
(諗緊埋咗蝕緊嘅先定係吉利或者比亞迪呢啲潛力嘅先)
補充返,我27歲,買咗樓後計哂所有支出(including fund investment) 有~3000 淨。。。所以要build 返現有股票portfolio 要啲時間
吉利同比亞迪都各只有一手
龔成老師︰
雖然你買樓後,要供樓,好似只係得支出,無收入。但我地做財富增值,唔好用現金角度去諗一陣事,要用資產角度去做出發點。
你每月供樓還款,當中一部份係還本金,其實就係幫你累積緊資產。
只要你個物業係有質素,長遠有升值潛力,就算無租金收入(即係現金流),都一樣符合財富增值的目的。
當然,你物業有利息支出,這都是一個負現金流狀態,如果可以的話,將物業出租始終是最好的做法。
至於沽邊隻股票先,你可以睇先睇質素,再睇平貴,去作決定。若這些股票都係優質,你就睇下邊隻現價較貴,現價值博率較低,就可以優先沽出。
現時比亞迪(1211)和吉利(0175),相對領展(0823)、港鐵(0066)這類舊經濟股為貴,值博率會較低,可以優先沽出。
在買完樓之後,財富組合會偏向左物業類個邊。因此,你將來再有新資金,要優先投入優質股類,令財富組合回復平衡。
------------------------------------------------
Q22339:
1373可以月供嗎?
有條件做下一隻1830?
注碼可以15%?
龔成老師︰
國際家居零售(1373)係一間於香港、新加坡、馬來西亞西部、中國內地及澳門均擁有業務的家品零售連鎖商,提供超過2萬款家品。
集團的店舖及特許店以「日本城」等品牌經營。
過往財務數據不差,生意盈利保持增長,有長線投資的價值。現價合理區中上部,仍是可投資的。
但佢業務和產品性質,跟完美醫療(1830)不同,較難出現同樣突破性增長。
而且,你睇翻這住多年,佢派息比率都偏高,可見管理層發展野心都唔大,你預此股長線係平穏增長型。此股都有質素,佔組合10%左右會較理想。
------------------------------------------------
Q22340:
Sir,如果目標是五年後有平穩的增長力,每月買入三至四手3067,持續進行五年,是否可行?
龔成老師︰
安碩恒生科技(3067)雖然係一籃子優質科技股,有別於投資單一企業,會較具分散風險能力。
但由於佢始終只係集中在科技股,難免會造成行業過度集中的風險。
我一般會建議讀者,個別企業和行業,不要佔組合15%和30%以上,銀行業更加不要高於組合20%,以避免出現過度集中性風險問題。
而且,3067本身都有一定波動性,如果你目標係平穏增長,盈富(2800)會係較合適選股。
由於你都係偏年青,未到30歲。你可以考慮用5成盈富(2800) + 5成安碩恒生科技(3067)作為組合,這個配置的增長潛力和風險度,相信會較適合你年紀。
另外,想提多你一件事。現時大市只在合理區,資金唔好盡用。最好留有部份,等大跌市出現時,可以用來掃平貨。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
「該商品同一時間下單人數過多2021」的推薦目錄:
- 關於該商品同一時間下單人數過多2021 在 龔成 Facebook 的最讚貼文
- 關於該商品同一時間下單人數過多2021 在 龔成 Facebook 的最讚貼文
- 關於該商品同一時間下單人數過多2021 在 看板e-shopping - [問題] 掏寶:同一時間購買人數過多 的評價
- 關於該商品同一時間下單人數過多2021 在 陳小妞。買淘寶。 - 這題被問到怕,昨天試了一下VPN到日本也 ... 的評價
- 關於該商品同一時間下單人數過多2021 在 同一時間下單人數過多破解2022-精選在臉書/Facebook/Dcard ... 的評價
- 關於該商品同一時間下單人數過多2021 在 同一時間下單人數過多破解2022-精選在臉書/Facebook/Dcard ... 的評價
- 關於該商品同一時間下單人數過多2021 在 一介資男- 淘寶為了「因應政策」,真的是很會~... | Facebook 的評價
- 關於該商品同一時間下單人數過多2021 在 淘寶天貓商品不能結帳同一時間下單人數過多- 網路購物板 - Dcard 的評價
- 關於該商品同一時間下單人數過多2021 在 淘寶同一時間下單人數過多的費用及心得,PTT 的評價
- 關於該商品同一時間下單人數過多2021 在 [問題] 淘寶"同一時間下單人數過多,建議您稍後" - e-shopping 的評價
- 關於該商品同一時間下單人數過多2021 在 [問題] 淘寶同一時間下單人數過多- 看板e-shopping - PTT消費區 的評價
- 關於該商品同一時間下單人數過多2021 在 [問題] 掏寶:同一時間購買人數過多 - Mo PTT 的評價
- 關於該商品同一時間下單人數過多2021 在 e-shopping - [問題] 掏寶:同一時間購買人數過多 的評價
- 關於該商品同一時間下單人數過多2021 在 [心得] 淘寶(同一時間下單過多/無法合併支付) - PTT Uncovered 的評價
- 關於該商品同一時間下單人數過多2021 在 Re: [問題] 淘寶"同一時間下單人數過多,建議您稍後" - PTT Web 的評價
- 關於該商品同一時間下單人數過多2021 在 [問題] 掏寶:同一時間購買人數過多PTT推薦e-shopping 的評價
- 關於該商品同一時間下單人數過多2021 在 [問題] 淘寶不能發貨? - e-shopping - PTT消費區 的評價
- 關於該商品同一時間下單人數過多2021 在 [問題] 淘寶不能發貨? - PTT評價 的評價
該商品同一時間下單人數過多2021 在 龔成 Facebook 的最讚貼文
【龔成問答信箱】(Q16281-Q16300)
Q16281:
老師你好 留意左老師所分享既知識一段時間 想問少少投資意見
本人27歲 月入27K 現時儲到既流動資金係33萬 每月3k儲入儲蓄基金
上年以59.33買入005 400股
今年分別
-以218.28買入388 100股
-以8.49買入883 1000股
-以23.11買入2800 500股
我既大致上投資方向以長線投資為主 想再用多大概6-7萬投資 有留意過2018 6823 0011 0052 9988
請問呢d股票投資得過嗎?什麼價位合理?除此之外 還有什麼股票推介嗎?謝謝老師
龔成老師:
先講你的股票,匯豐(0005)只是收息股,而你的年齡應該以增值為主,因此,之後不要再增持,如果一手持有是無所謂的。
另外,盈富(2800)、港交所(0388)有質素,可長線。
中海油(0883)買入價合理,但這股只是商品企業,未去到最高質素的類別,唔建議持有得太多。
至於你打等增持的股票,基本上都無問題,不過,香港電訊(6823)、恆生(0011)、大快活(0052)都是增長力不強的股票,你要留意翻,現價合理的。
另外,你可留意,盈富(2800)、金沙(1928)、港鐵(0066)、小米(1810)、比亞迪(1211)。
你有$33萬,現時動用一半入市可以,最重要是慢慢分注入,唔好太急,買入後長線就得。
------------------------------------------------
Q16282:
龔成老師你好,我今年28歲,扣埋MPF 月入$36K, 而家儲蓄有55萬元現金,主要係擺係銀行收1%息咁大把。
2015 年跟朋友玩短炒輸過10萬元,之後一直都唔敢投資。近月開始留意你的投資方法,所以打算邊儲蓄邊學習投資知識。
目標:打算今年九月讀master,兩年學費需要大約 17萬元,亦想兩年後搬出來租樓。
請問:
1) 現時的現金應該怎樣投資?應該留多少現金呢?
2) 如果黎緊開始月供每個月1萬,呢個平穩增值組合好嗎?盈富(2800)、金沙(1928)、中銀(2388),應該怎樣分配?
3) 除了平穩增值組合,最近有留意 788,有鑒於5G將來的廣泛應用需求,而且最近逆市未受影響,以你的看法788 算是潛力股嗎? 但同時咩價位先值得入?以我的情況應該點入?謝謝!
龔成老師:
短炒不是賺錢的方法,之後唔好再做。
1)因為你要預留資金讀書,你暫時可以動用$25萬,而這筆資金,要分注投資優質股,原理是長期持有財富。
餘下的現金,就作學費、生活費、以及大跌市時才動用小部分。
2)月供$10000可以。盈富佔$5000,餘下每隻各佔$2500。
3)中國鐵塔(0788)有質素的,之前有少少炒概念,所以之前估值有少少貴。
這股本身有質素、有前景,中國的3大電訊巨頭,都是佢的主要客戶,以及大股東,當5G發展,佢一定會受惠,因此前景仍然正面。
佢現時的收入正不斷增長,盈利都保持向上,但股本回報率不高,是這股較弱的地方。若分析佢市盈率,會見到現時仍然處較高水平,反映佢雖然股價回落左唔少,但仍然未到平。
考慮到佢的質素、發展能力,這股算是合理區中上部。
由於這股有發展力,可長線。
但如這刻買入,分注慢慢入,可以的。
------------------------------------------------
Q16283:
老師你好,我18年以$1.7買入20萬股8146及以$11.7買入一萬股1800,兩者都已跌殘,請問現時應怎樣做?謝謝
龔成老師:
我地繼續持有一隻股票與否,是基於這企業的質素、前景,如果這兩股比你之前買入時,質素有好大的改變,就要賣出,但如果只是股價跌,就不用賣。
怡園酒業(8146)好細間,每年的營業額只是幾千萬,盈利更有下跌的情況,近年平均盈利只有$500萬-$800萬,加上企業獨特性不強,這類企業的估值不會太高。
現時市值$1億幾,以企業質素來說,仍不是特別平,所以,你要股價上翻你當時市值,其實已好難,賣出是大方向,你可以分幾次賣出。
至於中國交通建設(1800),增長力較弱,只是收息,你預股價上得較慢,但這股並不是無質素,所以睇你投資目標,持有收息可以,這股如持貨不多,可守住先。
------------------------------------------------
Q16284:
龔sir你好,一直有跟你嘅文章,明白價值投資嘅重要性。
今次inbox想問下選股嘅時候會比較注重優質程度同便宜度?
如果綜合優質程度同便宜度,你會推介66/ 1928 / 2018 ?
龔成老師:
會先考慮企業的質素,再考慮平貴度。
我地進行財富累積,就是要建立一個長期的組合,當中要平衡,而且大部分都要是優質股,要建立一個長期有質責的組合。
至於平貴度,就是我地決定如果建立這組合時,買入不同股票的力度、策略、現金的比例。
就上述的選股,都是有質素的,都可以考慮,你可以考慮金沙(1928)、港鐵(0066)、瑞聲科技(2018)。
------------------------------------------------
Q16285:
龔成老師,你好。 自18年頭看你的書籍、帖子及 讀者問答,穫益良多!
跟隨你的建議月供股票及儲現金等待時機買入優質股,這兩年已累積了一定財富,也體會到你提到富豪「滾雪球」的方式累積財富的方法(看書時字面上明白,但到做到某階段才確切的明白) 真的很感謝你
希望你會繼續無私的教導大眾理財知識,也希望日後有機會上你的課堂學習更多!
小弟有2個問題想請教。
1.請問你對中銀航空租賃(2588)的評價如何?
雖然上市只有三年多,但它業務簡單,看年報盈利平穩向上,現金流穩定,ROE 有12-15%,派息比率又不高,派息亦有上升
而且航空租賃行業也有不錯的護城河,似乎作為優質收息股或是優質增值股也是不錯的選擇,是嗎?
現在因為疫情很多航空公司停飛而由高位回落接近一半,我相信疫情過後航運業會很快復甦,我應該用那種策略買入?
2.香港將會有多間虛擬銀行營運,你認為對傳統銀行的衝擊和影響大嗎?
因為我持有較多比重的中銀香港(2388),雖然中銀香港也有參與營運其中一間虛擬銀行,減低影響。
但始終低息環境也會影響銀行盈利,你認為中銀香港作為境外人民幣結算銀行這條重要支柱仍撐得住嗎?
期待你的解答,謝謝
龔成老師:
1)中銀航空租賃(2588)可說是有風險有質素的股票,業務本質不差,過往生意與盈利都保持理想增長,加上賺錢能力不低,同時企業有獨特性,因此企業正面。
但要留意,佢的業務原理,是利用借貸投資飛機然後放租,由於收到的租金比借貸的利息成本高,因此賺取了中間可觀的利潤。
但如果日後加息,對佢盈利有影響,同時,佢現時的負債不少,這都是風險的來源。
加上航空業對佢點都有影響,這都是風險所在。
整體來說,這股你可以考慮,只要注碼不能過大。
2)中銀香港(2388)有獨特地位,不用擔心。
首先,虛擬銀行對傳統銀行的影響,未算大。另外,佢都有參與。因此不算太大影響。
不過,銀行業整個經營環境都無過往咁強,息差窄左,賺錢能力不及過往年代,因此,增長力算是中等。
------------------------------------------------
Q16286:
你好龔成!本人34歲,每月入息33000,持有現金30萬,持有兩隻656復星國際同3993洛陽鉬業
大概只有2萬蚊總值,年供約50000醫療保險
扣除生活開支,每月至少可儲蓄18000-20000,想係下年買層480-500萬樓,如首次置業9成按揭
離首期仍一段距離!怎樣可增加資金!
謝謝你的回覆!
龔成老師:
基本上,復星國際(0656)不算差,質素都算有,但不算好強。
但業務如醫藥、健康產品,會有較大的業務波動,同時在中國經濟轉弱下,中短期會有影響,因此業務因素令股價受壓。
洛陽鉬業(3993)業務波動比較大,但注碼就不能太大。
如果你想在1、2年內買樓,其實應該儲現金,如果你利用資金買股票,只能作出中短期投資,風險高,因此不太建議。
所以,會建議你集中儲現金,如想投資,可以當見到大跌市出現時,小部分資金買入盈富(2800)。這段時間應努力儲現金。
------------------------------------------------
Q16287:
龔成老師,小弟投資新手...最近$11.9入左一手(6823)香港電訊,之後打算長供收息...想問下對於前景方面你點睇呢隻股?5G對佢會唔會好大影響?
龔成老師:
香港電訊(6823)不差的,你可以持有,這是不差的收息股,但唔好預佢的增長力會強。
因為佢定位上,主要是收息,現金流強,但發展的力度不算好強,就算5G都不要對佢有太高期望。集中在收息的層面可以。
------------------------------------------------
Q16288:
龔成老師你好,本人25歲月入17k,虛費光陰金錢四五年,後悔而家先認識你同投資理財之重要性, 現計劃每月月供一萬並保留現金三千作儲備, 月供組合包括:
$4000 長和(1)
$3000 中銀香港(2388)
$3000 深圳高速公路(548)
投入長和的資金會否過多?還是投放在長江基建更好?亦有朋友推薦交行比中銀香港更佳,老師有何看法?請點評一下,感謝!
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股只能小注。
因此,深圳高速公路(0548)只是收息股,未必好適合你。
長和(0001)、中銀香港(2388)是平穩增長類,可投資,但以你的年齡,唔需要太過多。
交行(3328)都不差的,但增長力與中銀香港類似。
你可以考慮盈富(2800)。以加加翻D較高增長,更有潛力的股。
以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16289:
老師好,衣家入市好吾好?00405點睇?
龔成老師:
現時仍可以入市的,分注就得,當然,要同時留有一定的現金。
越秀房產信託基金(0405),屬於收息類的房託股票,有長線投資價值。但要留意此股物業在大陸為主,會較受中國經濟和人民幣影響,同時當中的物業,都以商業為主,你預期中短期會有波動。
簡單來講,這股有長線投資價值,中短期可能會減派息,長期會慢慢好轉。
------------------------------------------------
Q16290:
龔sir,國債是否算資產?想請教一下,我的想法是否定的,債可以係避險,可以收息,但我認為呢個時候更加唔應該入
龔成老師:
債券只是人為發行的一種借貸工具,所以是「產品」,長期持有,無法為財富增值,因為當你最初買入債券後,只會很到利息,以及最後收翻相同的本金,本質上無增值過,因此不是資產。
投資是長期增值,買這類貶值工具,作用不太,加上現時不少股票在合理區中下部,有投資價值,將資金投資股票,對財富更加有利。
------------------------------------------------
Q16291:
你好呀。我想請教你一下怎樣處理我的股票配置。我多年前每一個月都買一首騰訊,兩年前已經停買了,但是由於他的股價上升,現在已經占了我的股票組合45%。
剛剛聽完你說一隻股票不能佔股票組合太多,你認為我應否在現在這個時刻賣掉一些騰訊? 但是騰訊在這段疫情期間股價實在不錯,沒有太大波動。
龔成老師:
騰訊(0700)是不差的股票,有長線投資的價值,但如果這股已去到你組合的45%,建議你減部分,同一行業去到30%以下較好,同一股票去到15%較好。
短期超過這數無問題,但如果長期如此,其實應該減部分,轉到其他股,組合會更為平衡。當然,如果你本身能承受風險,比例可以高少少,但去到25%-30%已差不多。
------------------------------------------------
Q16292:
你好,龔sir 本人30歲,能接受高風險
本人有月供其他股票,今次想添加多1隻股票,現持有12/66(很小比重)/2800
我有3大心水股票,想㨂其1提升火力月供,邊隻升值潛力較大而又可以防守到今次既疫症?而咩價位係平宜區?謝謝。
1. 港鐵
2. 阿里爸爸
3. 港交所
龔成老師︰
你要先明白一個概念,我地投資股票就如同投資一間企業,最重要係睇佢長線質素和前景,中短期因素和一些跟企業本質無關的事,我地唔會太著重。
今次肺炎我相信只係會中短期影響股市,所以你唔應該將佢用作選股因素來考慮。
而你所想增持架3隻股票都有質素,當中會以港鐵(0066)和港交所(0388)較優質。但由於佢地太優質,你好少會見倒佢地出現平宜的狀況。
港鐵已開始接近合理區,如果你相入第1注,現價已可以。而港交所要調到$230以下,才算初步進入合理區,你可以考慮這時下首注。
而阿里巴巴(9988)要回落到$180以下,才可以算得上平宜。
金沙(1928),要去到$30才算平宜。
------------------------------------------------
Q16293:
老師,想問下你全部書本可以在哪裏買?
龔成老師:
書本在三聯、商務、誠品都有得賣。由於部分書在一些書店已斷,所以若你見唔到,問下職員就得(又或向職員訂都可以)。
以下是我的12本書:
《80後百萬富翁》(第7版)
《80後2百萬富翁》(第3版)
《80後3百萬富翁》(第2版)
《財務自由行》(第5版)
《大富翁致富藍圖》(第4版)
《50優質潛力股》(第3版)
《50穩健收息股》(第3版)
《50值博倍升股》(初版)
《股票勝經》(第3版)
《選股勝經》(第2版)
《年報勝經》(第2版)
《5年買樓4部曲》(初版)
------------------------------------------------
Q16294:
龔老師你好,我每個月可以有4000做月供股票,手上有15萬現金。因為我係新手,想問如果揀盈富同埋中電做月供會唔會太保守?
現金個到如果用一半投資落黃金,剩返一半現金備用,你會推薦買實金定紙金?定係都用黎買股或基金?
因為本身供緊一份五年期既儲蓄保險,每個月2500,扣埋之後每個月剩返6000,諗住留2000備用,4000用黎月供。謝謝
龔成老師:
你可以進行月供股票,盈富(2800)$2500,中電(0002)$1500,長期進行就得。
至於是否保守,就要睇你的年齡,盈富對大多數人來說無問題,但如果你年輕,中電就未必適合。
至於買黃金,唔建議買一半,5分1以下就夠,紙黃金可以。長遠來說,買優質股仲好。
$4000月供股票,$2000留現金,可以。
另外,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16295:
老師,你好,想請教一下你專業嘅意見
我係專業人士,收入穩定,現在供樓中,每月供$18,000幾,有流動資產大約$1,000,000,部分不斷定期滾息,另外每月用$10,000月供呢兩隻股票:3、2800
請問而家嘅形勢,係咪應該長線咁樣繼續月供呢兩隻股票?謝謝
龔成老師:
月供股票是一個長期策略,你唔需要理會中短期市況,保持長線進行就得。
盈富(2800)、煤氣(0003)都是有質素的,保持長期進行,可以有累積財富,及令財富平穩增值的效果。
但要留意,盈富是組合,供多少少無問題,例如$7000無問題,煤氣是單一股票,比例上會少D,例如$3000可以。
------------------------------------------------
Q16296:
老師你好,如何看未來地產股?
我睇17 83
83做長線投資 以股代息是否適合?
龔成老師:
這都是香港大型的地產商,都有投資的價值。
信和置業(0083)不差的,不過不是高增長類別,長遠只是基本增長型,收息無問題,現時的股息率都不差的。
以股代息可以。
------------------------------------------------
Q16297:
你好。我睇左你有關對資產的解釋,有點諗唔通想請問一下:
假設我去銀行貸款30萬、還款期3年。我將呢30萬進行股票投資、而股票製造出來的現金流(股息)大於貸款利息。
根本窮富爸理論:揾錢係資產、使錢係負債。(如股息大於利息)
以上的貸款係資產定負債?
再假設股票升值後價值大於30萬、那是否資產?
感謝你的時間。
龔成老師:
這個行為是利用借貸創富的行為,但就有利有弊。
第一,你要確定回報大過成本,即是股息的回報要高,要穩定,如果減股息你就會不利,只外,利息成本要低,你要睇翻條款,利息是多少。
第二,有無賺息蝕價的可能,你假設佢升,當然是資產,但如果最終下跌,你利用借貸,就會出現虧損。
所以,這些策略總有風險,你可以睇《財務自由行》《大富翁致富藍圖》,會有更深入講述不同資產,是否利用借貸,當中的利與弊。
以現時的大市平貴情況,我會建議你利用自己資金去買股票,唔好太進取去做。
------------------------------------------------
Q16298:
龔SIR你好!我是一名近乎零投資經驗的人士,這個多月來透過你的FB專頁所分享的資識,本人終於鼓起勇氣作出人生第一次股票投資.本人有些投資上的問題,望龔SIR指教.
1.本人從上月恆指最低位至今以$125000先後入手了金沙(1928),阿里(9988),恆生(0011),港交所(0388),領展(0823).
其中金沙(1928)占了整個投資組合當中的45%,是當初在零知識的情況下單純見股價低而買入的,請問現時我應該為了平衡投資組合風險,
以不蝕股價的情況下釋出部份金沙以調動資金到組合內其他部份嗎?因為流動資金不多,短時間之內難以再加注.
2.本人期望自已的整個投資組合股價每年平均能有3~5%的增長,股息亦期望有3~5%的增長,請問這會是一個合理的期望嗎?
因為現階段的我,對如何為之合理回報還是沒有太多概念.如果這是一個合理現實的期望,以我目標的投資組合可以做得到嗎?
3.本人預計未來5年內,每年可以投入5萬左右的現金,而第6~10年每年則可以投入8~10萬左右,以未來5至10年為規劃,應如何調動比較好?
月供(2800)及目前的投資組合可以嗎?
感謝!
龔成老師:
1)這些都是有質素的股票,不過,你單一股票佔比的確太多,由於這股優質,你唔需要太急去賣,等翻好價先賣部分就得。
另外,你要睇翻你自己的現金情況,現時大市平貴度,宜持有一定的現金,同時,你要設計一個長期組合的方向,長遠打算的比例,然後慢慢進行配置。
2)基本上是合理的,但股息不是每隻都會增長,有部分是不變的。另外,中短期全球經濟弱,唔好有太大期望,你要睇長線。
你持有現時的組合可以,但應該加入盈富(2800),以平衡組合風險。
3)你每月供盈富$3000是較為適合,餘下的就持有現金,作備用,以及當大跌市後買入優質股。
------------------------------------------------
Q16299:
我經常抓不到賣出的時機
老師是說企業價值高於實際價值
但很多時候優質企業長期遠高實際價值 要賣出嗎 還是以賣一半 留一半獲利
龔成老師:
你找不到賣出的時機,這其實是好事,你已懂得「持有資產,而不著重賺現金差價」的概念,你的投資實力比一般散戶強。
當然,如果要更進一步,就要有技巧地賣出,首先,賣出不是必然的,可以永遠持有。
你先要有計算企業價值的能力,例如計出合理區是$50-$80,如果現價$100,假設該股好優質,未必要賣,如果去到$150,先會考慮賣出,這是由於企業長期仍會增長,太早賣出不是好事,但如果真的去到好貴的水平,這刻賣出,將資金轉到更有增長力及值博率的股票,會更好。
如果未掌握,你用「升一倍,賣一半」的模式進行。
------------------------------------------------
Q16300:
老師 想問下3662 點睇呀呢隻股?
龔成老師:
奧園健康(3662)由中國奧園(3883)分拆上市,主要在中國從事物業管理服務及商業運營服務。
例如提供住宅及非住宅物業管理服務(安保、清潔、園藝、維修與維護服務)等,業務穩定,現金流不差,但上市年期不算耐,以及現價唔平,處合理區中上部,都是當中的風險。
這股前景是正面的,但平貴問題則要小心,同時不建議太大注。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
該商品同一時間下單人數過多2021 在 陳小妞。買淘寶。 - 這題被問到怕,昨天試了一下VPN到日本也 ... 的推薦與評價
#عصفورة_الجادريه الاصدار الجديد❤️ · 陳小妞。買淘寶。 · “親, 同一時間下單人數過多 ,建議您稍後再試”,沒有出現信用卡結帳選項怎麼辦?淘寶購買失敗解法- 淘。好。買. ... <看更多>
該商品同一時間下單人數過多2021 在 同一時間下單人數過多破解2022-精選在臉書/Facebook/Dcard ... 的推薦與評價
2022年6月23日 — ... 時間下單人數過多破解,同一時間下單人數過多破解,該商品同一時間下單人數過多2021,淘寶同一時間下單人數過多vpn在Facebook上2022年該注意什麼? ... <看更多>
該商品同一時間下單人數過多2021 在 看板e-shopping - [問題] 掏寶:同一時間購買人數過多 的推薦與評價
如有違反版規立即刪除
肥宅中秋連假不知道要幹嘛
想說買個遊戲來玩玩
不知道是不是中國在封電玩
我在掏寶上面買遊戲的單機版
不管哪一家都是顯示同一時間購買人數過多
搞了一天試過用vpn跳回祖國 換收貨地址都還是一樣
有去看到會出現這種情形的例子是
如果你的ip是香港買口罩會出現這行字
所以不知道是我被排擠還是如何
也不知道問哪裡 想說這裡可以問看看有沒有解
先感謝各位了
-----
Sent from JPTT on my Sony XQ-AT52.
--
※ 發信站: 批踢踢實業坊(ptt.cc), 來自: 180.176.64.115 (臺灣)
※ 文章網址: https://www.ptt.cc/bbs/e-shopping/M.1631968233.A.733.html
※ 編輯: jeffrey716 (180.176.64.115 臺灣), 09/18/2021 20:33:29
文很累
※ 編輯: jeffrey716 (180.176.64.115 臺灣), 09/18/2021 21:40:11
※ 編輯: jeffrey716 (180.176.64.115 臺灣), 09/18/2021 21:43:44
... <看更多>