【MMSE】
Mini-Mental State Examination(MMSE)，簡短智能測驗，係一個簡單常用嘅認知能力評估工具，用嚟初步檢視長者有冇認知能力衰退嘅情況，亦即認知障礙症。
假如你曾陪過家中長者到政府醫院覆診(或長者曾喺醫院留醫)，而你又同醫生講過長者好似有記性問題，你應該唔難聽見過醫生或職業治療師同長者做MMSE.
MMSE嘅內容喺我早期嘅帖子曾經介紹，大家即管可以試吓同自己家中長者做吓，問吓裡面嘅問題，睇吓佢成功攞到幾分？(不過，正式嚟講，做MMSE嘅人員事先必須經過相關訓練。)
而作為安老服務社工嘅我，過去亦曾幫過唔少嘅長者做過MMSE，基本上只要懷疑長者有記性問題，我都會同佢做，尤其有幸俾我上門關懷探訪嘅獨居兩老長者，更加難逃一劫！唔係！係難逃一試先啱！
假如發現長者初步有認知能力衰退情況，醫療方面，我會建議佢再向醫生求診，因為只有註冊西醫，可以有權診斷長者有冇患上認知障礙症。
假如長者唔想見醫生，坊間亦有唔少機構提供認知障礙症評估服務，由職業治療師主持，完成評估後可獲得報告，再按情況決定係咪真係需要搵醫生跟進。
醫療方面靠醫生，支援方面就靠家人、鄰里、義工同我哋社工喇！
我哋會特別關顧有認知能力衰退而又獨居或兩老居住嘅長者，為佢哋提供定期電話慰問、上門探訪、配對固定義工同佢哋保持聯絡；再按其唔同需要，轉介合適服務，基本上陪診同送飯永遠係首選兩項。而作為認可評估員嘅我，更會為佢哋進行評估，申請同輪候長期護理服務(即日間護理中心、改善家居及社區照顧服務及安老院舍)。
上門探訪嘅時候，我仲會按個別情況，安排探訪義工，為長者進行現實導向同簡單認知訓練遊戲。
關懷腦退化，你我是一家！
我希望，透過大家齊心協力，幫助有需要嘅長者減慢認知能力同自我照顧能力嘅衰退，最重要嘅係，減少佢哋日常生活中面對嘅危險，至少能夠喺熟悉嘅社區中繼續安穩生活，減少傷亡嘅機會。
認知障礙症評估服務 在 #認知障礙症評估- YouTube 的推薦與評價
香港老人科醫學會#長者#認知障礙症#老人痴呆症#腦退化#阿茲海默症#認知評估#智能測驗#MMSE #MiniMentalStateExamination . ... 香港認知障礙症協會服務介紹. ... <看更多>