以安心事件談香港珍貴無比嘅互屌互抽文化
最近全城熱爆嘅安心偷食事件，個個都狂瘋洗板討論同跟進。但同時有唔少人又屌香港人不理政治時事，引渡條例唔理，聖母院大火又唔理，悔氣講埋23條不如都喺呢幾日通過埋啦！其實我都可以話你哋呢班自私嘅人類唔理全球增溫，啲海象無冰床企要企去懸崖，日日幾十隻失足撻死好可憐～你哋又淨係理大口安偷食同推689做國家主席啦。香港就係咁神奇，無論你做嗰件係好事定壞事點都會有人出嚟屌你，而呢個就係香港珍貴無比嘅互屌互抽文化。
香港人好憎畀人叫中國人，但同時又好憎大部份香港人。外遊嘅香港人柒！香港嘅客人西！香港嘅服務業衰！香港嘅女仔雞！香港嘅男仔話人係雞自己又弱雞！大部份言論都喺網上發生，而食花生睇公審Post已經係香港人嘅日常。今日有人選擇去屌大口安無恥心穎BB係姣雞，有人選擇去蔡一智IG屌佢偷食杜德偉，有人選擇去Live住睇聖母院燒成點，呢啲都係每個人自己嘅選擇。而好多人作出呢啲選擇嘅時候，係唔需要同任何人交代，呢個係我哋香港最寶貴嘅言論自由，亦係花生有得生產嘅原因。
講真，以前生活安定唔洗捱貴租，無畀人搶資源床位，無日日150個新移民入嚟玩，咪可以唔理政治囉。而家殺到埋身，香港人係唔可能唔理政治。不過，當香港人嘗試去反抗唔返工唔返學流埋血，結果參與反抗嘅人下場又點呢？個政府之後咪都係將香港人辛辛苦苦儲落嗰5000億拎L晒去填海，肥媽咪又點9你去大灣區食淡水魚生，150個咪日日落嚟。香港人唔係唔理，係除咗年年上街，都唔知要再去做啲乜嘢去理去變。對於嗰啲為革命付出過，今日想輕輕鬆鬆食下花生都畀人屌唔關心政治，其實都幾hurt。
要發生嘅最後都會發生，殺到埋身都係要食，頂唔緊嘅土瓜灣居民咪出小李飛刀囉。可能有一日香港再次發生大規模嘅革命，會死咗好多人，都仲會有香港人抽插你政治冷感。
香港人就係咁mean，講嘢on9得嚟又好多fun, 呢個都係香港人可愛又可恨嘅一面。我希望喺我有生之年，都唔會見到香港人有巨大嘅改變，變成驚喺網上屌人被監控扣分，扮晒有禮交談嘅偽善L。
『和諧唔係一百個人講同一說話，和諧係一百個人有一百句唔同說話互屌互抽之餘，又無畀人刪comment。』
- 天與地金句改篇
#請珍惜有得互屌互抽嘅自由
#花生是香港人生命來源
#請保護花生生產
#點都支持馬明
#點都屌大口安
