［愛情啫啫煲］(長篇)
我估拍拖都會想有屬於兩個人嘅小天地，果張婚紙反而未必係一個must，我同泰妹都經歷過尼個階段，不過當中嘅考驗諗返都流冷汗！
小弟認為，生為人，能夠找到愛，絕對係值得拼命追，無論國籍，無論同性異性定中性，無論皮膚黑色白色定彩色，何必太執著呢🤷🏻♂️，尼個世界本身太缺乏愛，有得愛就應該愛！
不過歌仔都有得唱：「🎤🎶也許相愛很難，就難在其實雙方各有各寄望怎麼辦(🧔🏻震音)......」有時愛都唔係一件易事，就以我同泰妹為例，認識果一個moment大概已經係最易嘅環節，之後經歷過好多個難 ”s”：
🤪當你以為第一次開口同佢講野係一種難，原來表白果下先難；
😅當你以為語言障礙係一種難，原來文化差異先難；
😣當你以為年齡差異係一種難，原來互相體諒先難；
😖當你以為維繫long-d係一種難，原來同居先係真正難！
回想我哋同居頭三個月，簡直係身處羅馬競技場，三日唔埋兩日開片，隨時隨地都可以係廝殺現場，困獸鬥。🐀🐈🦝🐕🐆🐅🦏🐘
為咗咩？無㗎～ 你指責我唔閂好廁所門，我反擊你成日唔洗碗，簡單到為咗個膠袋都睇對方唔順眼，諗返都覺得好低能😂
🙃🙃🙃🙃🙃🙃🙃
不過以上都只係小菜一碟，初初相處最難搞係大家對某一件事情嘅睇法唔同。我覺得正常，佢未必覺得有必要！
有次，難得兄弟自遠方來，我當然熱情款待，但係泰妹一向按心情辦事，既不主動，更不會招呼朋友，仲要無啦啦黑面，過程令我幾咁難受，真係會激到頭頂著燈🤯💡
直到朋友走咗，我直斥其非，試圖用例子要佢明白：「🙎🏻♂️如果你係我，你啲朋友嚟探你，我對佢哋黑面，你會有咩感受呢？」
結果換來一句KO咗我：「哦～咁我以後唔好見你啲朋友囉...🤷🏻♀️」
我當時腦袋入面不停咒罵佢：「完全唔識人情世故！難得朋友老遠嚟探我，都唔畀下面禾......」之類，不停將問題放大，甚至疑惑過我哋係唔係性格不合等等。
類似嘅磨擦多不勝數，積積埋埋，吵得最甘一次，佢反鎖自己喺廁所入面🚽，我忍唔住拍門質問：「點解你會咁諗野㗎?!」差啲講埋啲返唔到轉頭嘅嘢，好在當時我哋各自都叫停自己，冷靜下先再算，果次係冷戰咗好一陣子😆
😎放心，而家雨過天晴啦☀️！
頭先我仲專登問佢記唔記得玩反鎖單野？佢淨係有印象反鎖，但我哋兩個都唔記得點收科 (咁十成九點九五，都係我認輸先㗎喇，鬼叫我係男人咩～💁🏻♀️🤦🏻♂️)
而家諗返，當時最大問題係在於，我哋互相都諗對方「點解會咁諗野」，加上一尾畀情緒帶動，完全忽略咗，我哋根本就係兩個唔同嘅個體，兩個陌生人走埋一齊，自然係有唔同性格，可以存在共通點，亦自然存在差異性。
而且，兩個人越走越近，又會想對方跟自己規則去走，慢慢變得想將對方變成自己，其實係幾咁白癡嘅一種諗法！
好彩！我哋各自都肯付出，隨時間而磨合，從生活中各自領悟到「放低自己」嘅重要性，講到尾，都係想對方開心啫，佢開心啲我自然開心啲(我估應該係咁，哈哈😊)
突然覺得，愛情都幾似啫啫煲......
想打邊爐個湯底夠好味，事前一定要花時間心機，將雞同配料炒到香，炒到有少少黐底，跟住先落上湯落去慢慢煲，吸晒啲精華，咁先夠惹味夠滿足😋！
愛情都一樣，要畀啲時間同耐性去煲，無得心急跳步，無論甜酸苦辣，總會令對方留低共同走過嘅痕跡，經過日子慢慢沉澱，嗒落有味😌！
________________________
#我唔係咩愛情專家 #只係有感而發 #好想食啫啫煲呀 #諗返泰妹都不知不覺為我改變咗好多 #人在泰香港仔日記
諗返泰妹都不知不覺為我改變咗好多 在 榮泰星- Home 的推薦與評價
記得以前做製作公司，老闆每次將一個project交落我手，就算任務幾簡單都好，我都會緊張到暈，加上諗嘢比較負面，所以為求成功完成件事，令人滿意，我一唔明，就會問咗先算 ... ... <看更多>