「舞池中愛情與誘惑的角力，一切卻源於寂寞。」
近排聽返City pop真係帶領我遊遍世界每一個
國度，從east side直落dirty south，南極到北投。
都好似返返80年代 disco既電子舞曲曲風。
今晚就係呢個lonely city既一個角落，當中既
日式餐館「Amazake」一齊時光倒流，懷緬
一下香港昔日既輝煌歲月。👇
-
📌DINNER ALL YOU CAN EAT - $320/Adult
▪ A p p e t i z e r s -
▪ R o b a t a y a k i -
▫ 而家逢星期三、六就有兩小時既日式放題任食，
成人每位$320，加多$180有埋任飲house sake、
紅白酒、sapporo，所以先上一系列既炸物、
串燒送送酒先。炸物有雞件、雞件豚肉餃子、
炸蠔、章魚小丸子，每款都係即叫即炸，上到枱
仲係新鮮滾熱辣，最鍾遂佢個小丸子，外脆內軟；
而串燒則有雞翼、雞腎、雞軟骨串燒、五花腩、
小青椒、香菇，雞翼燒得金黃香脆，雞腎爽口
彈牙，放題質素黎講非常高質。
-
▪ Assorted · Tempura -
▪ Seared Sashimi Salad · Wafu Dressing -
▫ 再黎埋個「雜錦·天婦羅」就基本啦，一次過食勻
炸蝦、青椒、南瓜、冬菇、秋葵，就算影耐左，
都keep到入口鬆脆，唔會太腍，呢點要讚；同埋
冷盤可以試試呢個「刺身薈·沙律」非常足料，
大大粒吞拿魚碎、帶子粒，而面頭蓋滿雲吞皮、
三文魚子、鷹咀豆苗，加埋自家製和風醬汁，
食落清新又開胃。
-
▪ Fatty · Tuna Rolls -
▪ AMAZAKE · California Rolls -
▫ 輪到卷物出埸，絕對無失望，第一道「AMAZAKE·
加州卷」材料簡單，但面頭既蟹籽包住青瓜、
三文魚，口感十足；而「吞拿魚腩碎卷」面頭既
魚腩蓉入口質感肥美香滑，面頭既青瓜片、
三文魚子有助減低油膩感，唔錯。
-
▪ S a s h i m i -
▫ 仲有個必點既刺身拼盤，當中包括三文魚、
油甘魚、帶子、甜蝦、三文魚子，尤其是甜蝦
非常新鮮，蝦肉食落鮮甜爽滑，完全無腥味，
三文魚仲有一大碟比你瘋狂任食，估唔到放題
水準都食到呢個質素，有驚喜！
-
▪ Grilled · Eel -
▫ 最後去到呢到我同朋友都已經飽飽地，想再嗌個
丼飯都無能力啦，唯有同staff講嗌個「蒲燒·鰻魚」
但走飯就收工啦。師傅將鰻魚斬件上，每一塊
比例平均，食落肉質夠嫩滑，微微焦香令層次
更加突出，整體如果你唔飲酒，300零蚊有咁多種類
比你任食，我個人認為係相當抵食，可以一戰！
-
📎 A m a z a k e
📍中 環 安 慶 臺 1 號 安 慶 大 廈 地 舖
