今朝個頭勁痛，頭條財經網嘅《古天后日誌》暫停一日，無乜事我去瞓陣先，希望中午夠精神寫倒信報網嘅《盤房來料》
點止冧巴咁簡單｜蒙牛估值落後趁調整吸納（古天后）
本月初有外電報道，美國可口可樂公司與中國蒙牛乳業（2319）成立合資公司，取名「可牛了」，搶攻低溫奶市場，已完成工商註冊登記手續，並取得營業執照。「可牛了」喺內地普通話嘅意思係好勁咁解，可口可樂跟蒙牛都係世界知名品牌，雙方強強合作，市場對呢個消息又好似無乜大反應。喺雙方合作之前，可口可樂喺中國並未涉足乳製品領域，今次可口可樂之所以選擇跟蒙牛合作，或因雙方背後共同嘅紐帶「中糧集團」穿針引線，而中國國產牛乳喺「毒奶粉」事件後形象一落千丈，對蒙牛嚟講，跟國際品牌合作將有助吸引年輕消費者。古天后認為呢個消息對蒙牛嚟講絕對係正面，只係市場忽視咗。
至於內地乳業市場本身，下半年乳業需求穩定及市場開支將趨向合理化，蒙牛乳業管理層表示，認為公司下半年液態奶增長勢頭持續，收入增幅有望達雙位數，營運毛利率將提升30至50點子。考慮到原奶供給仍然緊張，因此預期2021年奶價好大機會延續上升趨勢，對大型乳企而言競爭環境相對有利。
而蒙牛預計今年低溫鮮奶收入有望達14億至15億元人民幣，未來將繼續拓展華東、華南、華北、華中及東北市場，並估計芝士產品收入規模近8億元人民幣，奶粉業務則依托雅士利（1230）、貝拉米等品牌驅動。有報告於6月進行調研顯示，肺炎疫情令民眾更為關注健康，導致內地奶製品需求強於預期，所有等級城市地區嘅乳製品購買頻率，以及每月支出嘅淨變化百分比上升，加上內地牛奶供應不足，可能導致內地今年下半年以後液態奶產品有加價趨勢。
鑑於蒙牛乳業喺2020至2022年嘅每股核心盈利複合增長率為40%，其現價相當於預測2021年市盈率為25倍，對比中國/香港消費必需品同業的每股盈利年均複合增長率為18%（預測2021年市盈率為31倍），蒙牛現價估值具有吸引力，仍落後於同業，本年至今其股價僅升15%，落後消費品行業嘅29%升幅，大有條件追落後。
技術走勢方面，蒙牛股價一度升穿42元，目前於10至20日線附近整固，若然回落至38.55元回補裂口，而找到支持，將有再向上升破前高位嘅機會，如能升穿42元有望再創新高，首個目標45元，現價買入，跌穿38元止蝕。
古天后
#300likes30shares #古天后 #點止冧巴咁簡單 #蘋果日報
https://hk.appledaily.com/finance/20201125/42IKVLGDUBHLDJYNKEALMLN47E/
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
