深宵寫作，總係令人憂愁善感。
對唔住，因為我唔係正撚樣，所以又要帶畀各位負能量。
今年年頭嘅《執笠宣言》 ( https://goo.gl/tuiupZ ) 講到：因為面對有財團撐腰嘅對手，CALL4VAN決定執笠轉型，聯同傳統中小型電召台合作，開發全新平台。埋單計數，其中三間做唔住要賣盤，聯盟以外，以我所知亦有五六間已經關門大吉，市場汰弱留強，無可厚非。
我曾經將事情過份理想化，相信傳統電召台總會有佢嘅市場，人情味係有價值，仗義幫CALL4VAN聽電話嘅中華台Annie ( 壹週刊訪問 http://goo.gl/UIUXIO ) 二十幾年來因為服務態度好，又識得處理司機同客戶嘅關係，所以好多客戶都會再打嚟搵佢call車。
但村民唔係咁諗，司機眼見一個每日數千單，兼且免費甚至倒轉有錢收任用嘅友台貨van app，點解仲要畀幾百甚至過千蚊月費傳統電召台？客戶同司機係蛋同雞蛋嘅關係，生意不似預期，司機走，客要飛，台就只有越做越縮。
此時此刻，面對一台獨大，司機口裏說不，手指卻很誠實。
今年整體市況比上年更靜，故此儘管曾經自言「好似王維基咁打破壟斷」嘅友台貨van app ( http://goo.gl/iuZ4ZL ) 今日嘅市值其實已經超過港視達23億元 ( http://goo.gl/hQGt1i ) ，然而由始至終亦冇改變「司機經常望實電話鬥快篤柯打」呢個機制，更莫論由當初「爭取合理收費」變成行業定價最低之一，結果就算司機幾唔鍾意，幾咁反感，亦抵抗唔到就係要靠佢搵食嘅事實。
友台只要繼續免費畀司機用，就可以維持住兩萬架車為幾千張訂單爭崩頭，同時間客戶發現只需幾秒就有司機回應，又會keep住再用，雪球就越滾越大；另一邊廂，唔好講要收錢嘅電召台，就算CALL4VAN呢兩年從來都係免費畀司機試用，司機都會嫌「根本就冇單 (其實都有幾十嘅)，就算有排隊報站、GPS分派都冇用」，而無論幾有心嘅客等多20、30分鐘，最終冇司機都係要用返友台app。
兩年間，友台app已經變得銀彈充裕，根本唔需要急於收費，事實上只需要維持住現有狀況，所有傳統電召台自然流失司機同客戶，壟斷霸權自然指日可待，司機議價能力屆時亦完全喪失，但亦已經無能為力。
諗到呢度，不期然同香港現今社會環境扯上關係。
無奈，香港人始終要接受係「中華人民共和國香港特別行政區」呢個事實。經歷咗18年，感受到，由當初講到有幾美好嘅願景，制度上設計有幾完善，去到實行起嚟，人治凌駕法治、指鹿為馬、貪贓枉法嘅新聞已經睇到麻木嘅時候，我哋實際上又可以做到乜嘢？
港鐵、領匯，仲有其他大集團都係上市公司，有人認為在商言商人哋做生意就當然要賺錢，然而香港人究竟明唔明白，而家嘅政策同稅務條例，先係令到呢啲財團可以「有風駛盡艃」咁賺到盡，普羅市民根本冇得選擇導致百上加斤嘅原因？
香港有一少部分人 (選舉投票率每每低於50%) 希望選票可以改變現狀，但對手可以兩招蛇齋餅糉同掌心雷已經將其擊倒，更莫論來自宗主國嘅移民再溝淡人口帶來嘅後果，當中啟晴選區可見一斑。然而，當有人走出嚟，做出喺冇汽油彈、冇推撞、連身體接觸都欠缺，球迷騷亂都不如嘅「激進行動」之後，就受到猛烈批評甚至「割蓆」，我就明白絕大部分人「都有一顆貨van司機的心」。
嗰一份無力感，就好似嚟緊面對「網絡23條」，除咗廣傳資訊同落菜街撐場之外，就只可以冀望立法會內尊貴嘅議員能夠如實反映民意地投票，但如果屆時反對/缺席/棄權/投錯，又唔會點影響之後嘅選情，部分人士就算輸咗仲分分鐘可以升官發財，而我哋除咗抽多次水，又可以做得啲乜。
當然部分人唔會有切膚之痛，好似友台創辦人仲可以話：「坦白講，以現時香港的社會氣氛，我真想不到我現在喜歡香港什麼？ 若不是家人和好友都在香港，加上剛好有開創事業的機會，我才在這裏留下來。」 (來源： http://goo.gl/hgo49b )
但呢個世界，只有我哋係香港人，我哋唔care，就冇人care。
講咁耐都未講重點：今日同咗幾個合作嘅傳統台開會，確定今個月尾新平台開發完成並上架之後，只能支付基本保養費用，筆錢唔足夠養 (包括我自己) 兩個半全職，容許我哋開發 Cello4VAN 客貨車團載 C4V Van-Pooling ，或者畀我繼續口不擇言地抽水。
承蒙各位錯愛，近日急增至每日數十甚至過百單，惟在線接取司機始終不足，就算以佣金形式向司機收取費用，都唔可能維持CALL4VAN作為獨立貨van app身份營運，而到呢刻都未有解決方法。
現實商業社會係殘酷嘅，CALL4VAN假若有一日做唔住，實在死有餘辜、死不足惜；但敬請諸君切勿放棄香港、遺忘香港，只要尚存一口氣，都要為屬於自己嘅地方拼命到底。
貨車 保養費用 在 [心得] 新海力士/hiace/海獅一萬公里首次保養- 看板car 的推薦與評價
弱弱的分享我們家hiace 「首次保養費用」
先上工單
總共5894元
買車時，原廠有送兩次「免工資」。
第一次用在「一千公里」，
沒更換任何東西，純檢查；
第二次就是此次的「一萬公里」，
有換機油等零件。
Hiace 在Toyota裡是商用車，
保養要去hino ，hino 都是大貨車，
在這裡，hiace 宛如誤闖叢林的小白兔XD
此次花費最大宗就是機油了！
雖然不太懂
但感覺就是「超貴」XD
因為有保固的問題
所以我們選擇回原廠、使用原廠提供的機油
以避免後續有需求時被刁難
至於保養完
開起來感覺沒什麼差別XD
有聽聞換機油油耗表現會好一點？（是都市傳說嗎）
再來拭目以待了！
文末附上弱弱yt
https://youtu.be/8C1gjwXeTOk
--
※ 發信站: 批踢踢實業坊(ptt.cc), 來自: 39.15.34.91 (臺灣)
※ 文章網址: https://www.ptt.cc/bbs/car/M.1679717754.A.404.html
6期的hiace開始要加尿素~
※ 編輯: longloveyu (218.164.68.214 臺灣), 03/25/2023 12:33:23
... <看更多>