#投保人自保企画 第三回【轉角遇到sales】
「先生，有冇興趣join個健身plan？」、「先生，裝唔裝返個收費電視呀？」
平時行街遇到唔同嘅銷售街站，你可能都會特登行遠少少，但如果個街站賣嘅係保險產品，仲講到隻產品嘅收益拍得住其他投資產品，你會唔會就即刻心郁郁呢？
咪住，千祈唔好因為街站個agent拎住張睇落好吸引嘅宣傳單張，就倉促咁做投保決定。呢啲宣傳品有機會係啲agent自行製作，未經保險公司審批，內容有可能反映唔到全面嘅情況，睇唔清楚就有機會產生誤會！
記住，買保險唔同裝寬頻，份保險有機會跟你幾十年㗎！中介人需要同你詳細解釋啲條款細則；而你亦應該俾足夠時間自己了解同考慮隻產品。諗清楚自己嘅投保目的同需要，揀到一隻啱自己嘅產品，先落實決定啦！
#買保險始終要考慮清楚 #唔使即時當街決定嘅 #蓋世保鑑Insurpedia
