【如果揀選合適尺碼的手套2】
續上文👉🏻: https://bit.ly/3kE5XCi
上文提到有好幾個因素會影響手套尺碼，包括
1️⃣手套剪裁 2️⃣品牌 3️⃣緩衝層厚度 4️⃣指骨
想再補充多少少嘅係，手掌嘅厚度都會影響到。因為曾經遇過手掌厚嘅客人，手掌長度係岩，但因為手套個模做得貼，即使Size 岩都未必帶得入。特別係啲洗碗套剪裁，因為掌厚加上內櫳窄，勉強都冇幸福。所以會建議另一個剪裁嘅手套比佢試帶。唔舒服，就算幾好波都發揮得唔足。
到今次想講嘅係手掌嘅長度，有同版主買過手套嘅朋友都會比佢地度左個長度。因為手套嘅尺碼係按住手掌長度闊度做比例，就好似你買波boot一樣。熟客或者面交過其實一睇到個真人大約知道用咩size。而一般買手套就可以用呢個表去量度，會得出比較準確嘅尺碼。因為手套剪裁或內櫳厚度，有冇內櫳防滑膠。加上版主試用過按經驗去幫大家選擇適合尺碼。
而量度方法都好簡單，只需間尺或者拉尺都好。由手腕第一條橫紋度至中指末端而得出嘅長度。
打個比喻，版主手掌長19.5cm，手掌唔厚，再加上唔用❌指骨，跟據呢個表係9號，但因為有牌子或款式係內櫳多啲位。以Elite Aqua H 計8號就岩岩好，但內櫳緩衝層較厚嘅Elite Real 及Black Real 就要用到9號。而內櫳有防滑膠嘅H3 Robo 21 都要用9號。所以度左個長度都有8成準，其餘使唔使買大買細就要睇對手套個模，剪裁同內櫳夠厚薄。
所以有時買手套嘅時候都會習慣問多少少問題，目的都係想度得精準啲。
另一部分有人話「亞洲人手型」或「歐洲人手型」嘅說法，就好似你買鞋咁，會唔會有廠會搵一班大量嘅人去度腳拎數據，就算大到Adidas 或 Nike都唔會做呢啲研究。因為尺碼係按比例去計算。只係亞洲人少有著到Eur46, 47咁大。而歐洲人好多都6尺幾，Eur 46, 47 係好常見。
假如搵過同你一樣高嘅外藉人士，或者所謂嘅歐洲人。手掌同腳掌嘅長度應該係相約。最多係厚薄同掌闊。就算去外國網訂波boot，我地平時著開嘅Eur 43,44都係最快斷貨。希望等大家了解多啲。「歐洲人手型」及「亞洲人手型」差唔多，最多可能話手指長啲，咁都係計個長度比例啫。
大家買手套都係想對手套舒服又Fit size，呢個表做參考大約都有8成準，其餘就真係睇賣比你嘅朋友對手套熟唔熟悉及經驗。當然如果比你度完都仲想試，版主係無任歡迎🙌🏻。
或者你睇完有咩疑問，又或者比我想知你咩碼嘅都歡迎留言。
#手套尺碼 #其實係按手掌長度作比例 #專業 #手掌 #尺碼 #soccerfunhk
買波boot 在 屎波裝備多- (貴boot平買)香港嘅貴版波boot唔難揾 - Facebook 的推薦與評價
(貴boot平買)香港嘅貴版波boot唔難揾，但係去親啲大鋪，往往個價錢容易令人卻步。一對正價貴版boot，至少$1200起跳。無咩多餘錢，但係又想過下球星嘅貴版boot癮， ... ... <看更多>