#今日用光光
化妝品太多，有啲用左好耐，有啲放左好耐，一次過清晒佢地，執嘢時順利提醒自己浪費左幾多無謂錢，以後花錢要用得精明。
眼影類
MAC 礦物眼影 星球系列
好受歡迎二推出就比人掃晒，好人多人仲要包色咁買，我心水想要果隻斷貨，比BA 推呢隻色，佢本身係磚紅啡加墨綠帶少少銀閃，當年唔興呢啲色，自己都少用，但好快多人接受胱系眼影，我就勁用，用左大半粒，因為溝色所以一粒就做到有層次。
KOSE 果盒菱格眼影，質素好好，顯色又持久，但呢隻藍綠色.... 我唔知點解會買，可能當時覺得少見型呱，依家用下都覺得自己返左去80年代。
資生堂 眼影膏
我諗用過10次都無，綠色+閃+膏妝....鬼上身囉，一直放係度同自己講，當base用下都好呀，唔好浪費，但佢啲質地連base都做唔到，太快乾太淡色....我從此無再買過資生堂眼影。
Coffret dor 眼影組
佢除左有眼影，仲有一格眼底提亮帶偏光綠，眼影顯色又唔飛粉，用到接近hit pan, 但放左好耐啦，新品太多，拜拜。
Stila one step primer
主打保濕，有柔化毛孔效果，用量一泵就夠，所以好耐用，可惜我開黎用時已經放左一陣，所以過期啦，教訓你買左就盡快開黎用先記得自己買左。
Fentybeauty matt Foundation
朋友用過唔啱用比我，香港當時仲未有人識，價錢好平，但佢真係唔岩香港天氣，三個鐘就會溶，轉唔同base 定妝粉 都夾唔到，聽聞新出果支好評，不過真係算啦。
Lancome 胭脂粉餅
本身隻色幾大眾化，基本肌色唔係太黃都用到，個掃仔質素幾好，夠滑又攞到粉，顯色度正常，有段時間放公司補妝用，但用咁耐都無見底，唔想再見到佢。
benefit 胭脂液 高光液
呢個牌子我用過胭脂粉同眉妝，質素都唔錯，鐘意自然妝感嘅人可以買，但呢兩支孖寶我真係唔鐘意。胭脂液我用左好耐, 唔同方法都覺得伏伏地，粉底後用又用，定妝後用都好，都會溶左你個妝，用手指點難均勻，用粉樸無色，用掃就洗走個底妝，點呀？高光唔耐久，感覺好粗唔自然，難用。
kiss me 濃密睫毛膏
轉左新配方就衰左，勁難乾，而且唔防油，溶到黑眼圈咁，真係好耐無遇過，比得太多機會啦。
kiss me 眼線筆 暫時最好用，亦會回購都只有佢，kate都會溶。
泰國super black eyeliner
出奇好用，價錢平，防水防油唔溶，缺點係會漏墨水，同埋筆頭設計易開差。
ettusais 唇膏
好好用，夠潤顯色，唔會起膠邊，唔乾，有驚喜，但會出油。
#hkblogger #blogger #beauty #makeup
#amanarea #aman #skincare
#hongkong #hkig #護膚品 #護膚 #化妝品 #棉花糖女孩
#產品分享 #用後感 #好物推介 #雷品分享 #天蠍座女孩 #天蠍女 #敗家 #彩妝
資生堂眼影 在 Shockisgood，有質感的聊美妝 的推薦與評價
有驚喜耶！資生堂心機「漸層」眼影｜ 最近跟朋友聊週年慶時，她説「本來想看資生堂新的漸層眼影，沒想到竟然缺貨」...不只她沒想到，我也沒想到！:P 因為資生堂心機 ... ... <看更多>