有時候跟朋友行街見口渴，左手總有一間便利店，對面街有一間士多，我諗都唔使諗會過馬路去士多，朋友會問做咩要行咁遠買？
識得我耐o既人都知，我一向喜歡幫襯小店，原因是小店在香港生存極難，小店利潤不多，價錢合理，面對租金及各方面壓力，經營己經不易，還要比大公司欺壓，唉。。。。。。大公司唔需要有錢賺到盡o既
呢d情況我都試過～
想當年見工作室己做到收支平衡，才以成本價一蚊一包軟膜粉在賣在團購，最後給美容院投訴說我賤賣貨品、拉抵產品質素、拖垮美容業（有這樣誇嗎？），最後產品供應商致電會面，我係會議室企係度比人鬧o左一粒鐘，係一粒鐘，佢鬧咩我都好記得，無非都係叫我唔可以成本價賣軟膜粉、其他貨太平都要加價（係講緊加一倍），我心諗加一倍o既話市面有更好質素更多產品選擇，點解要揀你？所以自此我就唔再入貨，手頭上清哂貨尾就算，樂得清靜。
相隔唔夠三個月，sales又打電話比我，話做咩咁耐唔入貨，話送返200塊面膜比我賠罪，唔使客氣喇，留番你自已用啦
＃大家唔使再PM我仲有無賣
＃因為我o岩呢個圈子
＃執笠倉老闆娘加油
＃賣少一個牌子唔會死
2016年的2月執笠倉租了旺角旗艦店（當時未正式見7哥），裝修到後期，準備開業時，美女老闆娘開始同7哥有生意往來。當時7哥打電話給動物牌子話準備在旺角有一家新鋪開張，希望佢地支持並且送我地筆車show 貨。
動物牌子代理二話不說答應了，並且主動提供特別優惠，將其中一款產品來貨價買2送1給我們，條件是我們亦必須買二送一給顧客，並附上宣傳單張讓我地張貼在鋪內。同時送左2座大筆車供我們使用。與此同時，執笠倉開始增加了售賣部份香港文具產品。
非常不幸的是，旺角旗艦店原來選址在一家做咗獨市生意幾十年的過億自資物業老字號旁邊，老字號應該以為執笠倉是7哥擁有及經營，並且特登插旗旺角搶其生意😅。（再重申一次，執笠倉是由我創立並和拍檔一起經營）
老字號見到我哋文具及精品產品嘅售價後，瘋狂地向大牌子/代理投訴。（這中間又是超級多匪夷所思的故事）面對投訴，動物牌子代理的處理方法是馬上截停所有優惠並停止供貨給7哥公司。（最好笑既係老字號投訴完要求我哋加價自己就減價賣得平過我哋。）同時估計動物牌子代理亦將本身當初只為7哥公司度身訂造的優惠盤供給各大小文具店但不包括7哥公司。
接著經歷了大概半年到的周旋，有時供貨有時斷貨，斷貨時只好找其他批發拆家買貨，溝通後可能又供貨一段短時間，周而復始，中間我們亦因老字號投訴得太激烈，妥協加過一次價。直到上年9月，7哥有一位拍檔新加入，與動物牌子代理溝通保留原有並開通多了一個新戶口，我地便即相安無事至年尾。
到了12月底，動物牌子代理結束業務將代理權交回動物牌子公司。
在2017年1月執笠倉的元朗區分店開幕剛滿一個月，7哥收到動物牌子公司高級營業員2的電話，聲稱大型連鎖店三x投訴我哋賣得太平，搶咗三X最好生意嘅元朗分店嘅大部份文具生意。（又想重申一次，執笠倉文具產品並不齊全，而文具只佔執笠倉整體營業額非常少部份，所以我非常懷疑是否真的是三x投訴，堂堂大型連鎖書店怎會把小小雜貨店放在眼內當是威脅😝，唔想做我哋生意咪直接講囉😡）
營業員2要求執笠倉內動物牌子產品售價需跟大型連鎖店睇齊，7哥回應：價不是一定不可以加，但要合理，而且我哋已經加過一次，不能老字號投訴我們，我地加到動物牌子認同的售價後，到連鎖店又投訴，我地又要跟住再加一次。
7哥要求與動物牌子公司高層會面，正式傾一次雙方都可以接受的價格範圍，從而找個平衡點。營業員2並沒有回應。
幾日後營業員2同7哥公司其中一個戶口負責的同事講，7哥太年少氣盛，不知天高地厚，並話x國人的動物牌子高層根本無可能會見7哥，不是7哥話想見就見，要傾就傾。而執笠倉的貨是由7哥公司供給，所以決定取消7哥公司嘅其中一個戶口😡😡😡，只保留一個。
而他們口中所講嘅保留其中一個戶口，這三個月並沒有正常供貨，7哥公司訂的貨並不能正常貨期送貨；執笠倉最熱賣的其中一款產品訂極都沒有，聲稱斷貨但市場一街都係；每月特價優惠貨品當然沒有人主動通知，就算在坊間收集到情報然後訂貨，當然也是沒有成功訂到😒。
在二月初，7哥公司新上任的市場推廣部門主任嘗試和動物牌子公司營業員1鮑魚刷再次溝通，希望執笠倉將動物牌子產品全線下架，希望他們重開戶口，結果鮑魚刷的回應是：我們公司客戶眾多，工作好忙，不會為了其中一個客戶而開會商量。
就係咁動物牌子與7哥公司進入冰河時期，7哥同事當然亦只能四出尋找行家拆貨，過程當然亦波折重重啦，因為動物牌子營業員四出散播謠言，企圖阻止我們到其他公司拆貨，希望封殺到執笠倉沒有貨賣。
直到今日，我地鼓起勇氣再次同動物牌子公司溝通，
要求：
1）把在1月關閉左既7哥公司戶口重開
2）重新指派一個有心去做7哥公司生意的營業員負責7哥公司的基本訂貨戶口
3）執笠倉不違反行業潛規則情況下繼續賣動物牌，不需按照連鎖店價格出售。
（詳情見上篇）
結果當然是爭取失敗啦。
其實美女老闆娘一路寫呢篇野一路喊，覺得自己害了7哥公司........😭😭😭😭
雖然7哥一直講無所謂，雖然創辦7哥公司既老爺奶奶一直好支持我的理念，但我總覺得好對唔住佢地。害到7哥呢一年每朝訓醒接到既就係投訴電話。
怪的就係我一直堅持的生意理念，賣平d，同顧客分享利潤；怪的就是我小妹妹白手興家，不知天高地厚，不是文具行業中人，不知規矩，得罪老行尊；怪的是我心中的烏托邦太高太遠，所以就要身邊愛我的家人及拍檔陪我承擔這一切............
美女老闆娘
So芬
賣少一個牌子唔會死 在 笑死朕@passiontimes.hk | Facebook 的推薦與評價
一個 打算以「搞笑」拯救世界的節目。 逢星期五晚上九點節目連結：http://www.passiontimes.hk/prog/5 主持：黃洋達、陳秀慧熱血主持育成計劃︰ 黃洋達： ... ... <看更多>