#來說是非者便是是非人
我講左「某啲種族」唔投放資源落下一代,已經俾人話我racist,人妻先生好耐都冇俾人黎踢過館,咁好啦,來而不往,非禮也,咁嘅然你黎踢館,我呢個師奶仔只好奉陪。
首先,呢個踢館嘅第一句就係「去英國讀書嘅專業人士都要死返香港」,咁係咪串緊英國讀書嘅專業人士族群?咁係咪racist? 我再racist都冇開其他種族名,你一開波就群嘲香港人第二代係咩玩法?做你朋友真係慘,撈唔掂返香港仲要俾你擺上網拎黎笑...
然後講多兩句,佢同我講「可能你自己都要死返去香港」,等一下,如果我係「疑似歧視」,咁叫人「Go back to where you came from」就絕對係racial insult,唔係我講架,美國政府講架(大家自己睇附圖)。能夠見證anti-racist的人口中講出最racist的說話,灑家這輩子值了!然後,睇住佢點樣為自己的racial insult辯護,我真係覺得好精彩,我活了三十多年才發現原來 #對抗racist的方法就是比對方更racist 。
然後佢又話我可以”get many support from the people who can’t get the logic right, the same kind converge, especially on this page.”
等一下,你是在racist 我的讀者群嗎?你是在侮辱我所有的讀者嗎?是不是我的讀者裡所有人都係好似我咁衰咁can’t get the logic right?你這樣不以偏概全嗎?這樣不歧視我的讀者嗎?你地呀(六萬個讀者逐一指住)你地can’t get the logic right 呀!
然後,又同我講如果我在美國一定會俾人炒,而佢呢?就離開香港前有個big promotion,再加多句「 your english is interesting」。
嘩,嗰種「白人優越感」真係出晒黎,你在英國係生蕃可以講呢啲野,喺我地美國你俾人炒九世,然後仲要加句英文interesting...
我英文係好interesting 架,有咩問題?但當一個人要捍衛「多元」嘅時候,就講racial insult 嘅說話、再話對方英文interesting... 那就真的很interesting了。
到最後,問左佢幾次:
如果你覺得我racist,咁你可唔可以指出我對邊個種族racist?
如果無一個種族符合嘅話,咁我自然無racist到任何種族。
而·佢·答·唔·到。
同樣地,如果我話「有啲人唔好好教育下一代,十幾歲單親家庭生完就扔俾父母,自己出去花天酒地,呢啲真係賤人黎架」
咁係咪代表我侮辱緊所有嘅人類? 你沒有做出棄養不顧的事,我自然不是罵你。若你做了,也該罵是吧?
到最後,你話我racist 但你講唔出我racist緊邊個,而同一時間你racial insult緊我同埋我嘅讀者仲有一班英國到香港工作的專業人士,到底邊個先係真正racist嘅人?
同場加映:另一個話我racist第一句車埋黎就話我係「英港蝗」,沒錯,「英港蝗」真係一點也不racist、一點也不hate speech... 而且還對其他人叫我「Go back to where came from」之言論視若無睹。
說穿了,就是「你岩聽就唔racist,你唔岩聽,就算你無講明對象是誰,我都可以說你是racist」。這些說著漂亮話、美麗的人們,真的很可愛,就好像聽著別人說:
我最L憎啲 _街講粗口架啦,_你_ _!
#我真係好鍾意左膠
#尤其是睇住佢地一嬲一上腦就變成自己口中最不齒嘅人
#那種看著平權鬥士墮落的快感
#啊嘶~~~~
#叔叔不行了
#看著他們口中說著高貴的教條卻在說最骯髒的話
#啊嘶~~~~
#叔叔又不行了
#太interesting了
#聖人不死大盜不止
#我窮我無promotion我係爛泥
#咁又點
#起碼我仲有邏輯
#起碼我唔會講一套做一套
#最會歧視華人的都是__
#講唔通就曬英文同埋挑對方啲英文
#典型某種人的鬧交方式
#Sorry我係咪又racist了
#你可以痛恨我
#我是一面鏡
#映照並嘲諷你內心深處的虛榮
#我好叻架我英文好又升左職去到外國仲要擁抱多元價值觀我啲英國大嘅friend撈唔掂要返香港但我有本事走所以我講嘅說話你呢啲唔多元嘅人要聽
#我可以話香港人第二代撈唔掂要死返香港但你唔可以話其他種族點點點
#濃濃的優越感
#喔呵呵呵呵呵呵
#真係巧棒棒哦
#講到尾你都係咁姐 😉😉😉
同時也有21部Youtube影片,追蹤數超過0的網紅alex lam,也在其Youtube影片中提到,打大佬試伏,試過江龍店 過江龍最容易就係品質上控制唔好 好多時因為太熱門,客多做唔切,為求出貨變左品質好快走樣 新鋪我唔會同人爭,一定係等佢開左一排,睇左真實評價先再去食 咁見佢開個陣比人鬧得咁勁,而家再去明顯改變返少少 起碼見到牛肉唔會全熟上菜先 https://www.mrlamsan.com/...
起碼我唔會講一套做一套 在 alex lam Youtube 的最讚貼文
打大佬試伏,試過江龍店
過江龍最容易就係品質上控制唔好
好多時因為太熱門,客多做唔切,為求出貨變左品質好快走樣
新鋪我唔會同人爭,一定係等佢開左一排,睇左真實評價先再去食
咁見佢開個陣比人鬧得咁勁,而家再去明顯改變返少少
起碼見到牛肉唔會全熟上菜先
https://www.mrlamsan.com/2021/05/CCC.html
元祖炸牛排套餐 $158
翼板牛排套餐 $168
兩杯特飲 另加10%服務費
平均消費$220一個人
如果以炸物+日本品牌,賣百幾蚊貴唔貴,其實合理,以前十年前炸豬排專門店都賣呢個價,定價唔算超貴
佢沙律同飯任食,但牛扒份量唔足夠你食兩碗飯,反而係沙律可以食多轉
沙律夠爽脆,加醋或芝麻醬食
配埋鹽同醬比你沾牛肉食,但我覺人試過最夾既味道都係用鹽最好
炸牛扒無初開時比人影到全熟既賣相,今次合格,只係稍稍炸熟
頂盡得3成熟,對於好多食開日式炸物既人,牛肉3成可能會唔夠熱
佢都有塊熱板比你煎一煎保溫,我自己就無煎,用返原本個溫度去食
兩份牛扒控溫都合格,唔會失手全熟,總算無人令失望
因為有朋友開幕時食過,好失望係食到全熟牛肉
麵豉湯唔夠濃,味好淡,有改善空間
整體上水準中上,沒有最初開幕時的劣評現像
除左塊炸牛,配料包括飯同湯都係唔多掂
可以一試但無吸引力再試,除非減價或有優惠
聽講遲D會出便當外賣,如果100蚊以下就會考慮
起碼我唔會講一套做一套 在 李根興 Edwin商舖創業及投資分享 Youtube 的最佳解答
肺炎第四波終於快過去,有興趣 sign up la. 每場限四位 (including me)! 星期六 9:30am to 約12:30pm (視乎肺炎情況,2月20日或27日開始)。市區地點再定,我請食早餐 ?! 有興趣就send張卡片畀我助手 Suki (+852) 5566 1335。
。。。。。。。。。。。。。。
《哈佛知識 - 你有什麼策略 OAS? 》做生意要有 Strategy 策略,白痴都知, 但你嘅策略係乜呢? 有無寫底?
何謂 Objective, Advantage and Scope? 如何訂立?
肺炎第四波後,一連幾場星期六,我會在 Paragon 搞下做生意分享早餐會,大家交個朋友???? 互相俾下意見睇下盤生意有乜可以做好啲。
地點是觀塘 Paragon Co-Work Space。約3小時。
對象: 管理層/生意經營者/創業者,限4位。
有興趣參加的話,請 whatsapp 你的名片給 Suki (我助手) 5566 1335。肺炎第四尾聲後,她會再聯絡你。
免費 (我不是靠這行搵食?)。我請食早餐 ? Be friends ..... 多謝! 李根興 Edwin
www.edwinlee.com.hk
www.paragonasia.hk,
https://www.facebook.com/paragoninasia/
全文內容:
多謝全世界最好嘅 Co-Work Space Paragon 提供場地, 佢老闆係我基金投資者, 我梗係覺得佢最好。 嚟緊我會喺度搞一連串嘅講座,第一場主題係 OAS。 就係呢道啦! 研究下點樣應用OAS係你盤生意道。 免費,我唔係靠呢行搵食,星期六早上三個鐘,每場幾位方便傾計,大家交個朋友。 有興趣就send張卡片畀我助手 Suki 5566 1335。 肺炎第四波後會聯絡你。
What is OAS? 就當我係個廚師, 如果我話:「我要喺2025年前要打低大家樂,成為香港品質更好、 噃枱量更快、價錢更平嘅快餐店,俾嗰班繁忙又"求求其其"只想餵飽自己嘅上班一族,因為我有三六九保證:
- 「三」分鐘內上菜,外賣自取 ready
- 每日「六」款唔同嘅菜單套餐選擇, 大件夾抵食
- 全部企位,十五分鐘內食完,有「九」折優惠。」
根據哈佛教授 David Collis 2008年出版嘅 Paper "Can You Say What Your Strategy Is?"
以上就係一個 Strategy Statement 策略論述, 因為有 O-A-S。
O 就係 Objective, by 幾時,達至啲乜嘢。When and what?
A 就係 Advantage, 你優勝之處喺邊度,點解人哋要揀你? Why you?
S 就係 Scope, 你邊度同人爭,但更加重要就係 - 你邊度唔同人爭。
用上面廚師番說話做例子的話,Objective 就係 by 2025年要打低大家樂。成為出品更好、更快、更平嘅快餐店。Why? 因為 Advantage 就係三六九策略, 三分鐘上菜、得六款揀、企係道食快啲,唔好吹咁多水就有九折。Scope: Serve 邊個? 就係畀個班繁繁忙忙求求其其嘅上班一族。 最緊要快靚正,平!
但記住喎,做生意成功 is less about saying YES to the things that you should do, but more about saying NO to the million other things that you shouldn't do.
人客想訂位? NO! 因為會影響你流轉量。想坐? NO! 全部櫈都要收埋。
人客想多啲菜種選擇? NO! 因為會影響你出品質素同出菜時間。
人客想想你開樓上舖可以慢慢食? NO! 搭?都嘥時間。 只開地舖,旺位,細細間,商業區,800呎以下。 成本平,易轉身,可以開到全港都係。
因為你識得say NO,你先至有時間專注做好你應該 say YES 嘅三大 Advantage. 三分鐘上菜、六款選擇、食得快九折埋單。 重複再重複、重複一萬十萬一百萬次, 專注喺個班繁繁忙忙求求其其嘅上班一族, 你就有機會 by 2025年打抵大家樂成為佢哋心目中更好、更快、更平嘅快餐店。
包括我在內, 香港大把舖王。 我唔係要大過佢哋或多錢過佢哋。我係要係街舖持續地回報高過佢哋。 我唔要自己賺曬,我要有錢一齊賺,我、投資者、租客、下手舖買家、同事們、大家都有錢分,賺開心錢。
我嘅 OAS? (Objection) by 2024年, 我要擁有十億香港街舖嘅淨資產,唔計借貸,每年持續地起碼有10%回報,因為(Advantage)我可以以基金形式集資, 我有知名度、團隊及知識幫到我投資者賺錢、幫到我租客做生意,同提供售後服務幫到我間舖嘅下手買家唔駛煩一鋪養三代,(Scope) 係香港5000以下嘅街舖,sweet spot 一至三千萬。
因此樓上舖我唔掂,過億街舖我唔睇、劏場我唔劏、中環中心我唔買、工廈嘅 co-work space 我都唔會搞。我唔要 hit and go, 唔好過份膨脹,我要持續性地每年 return 10%,10%,that's it! 所有其他嘢 Say No!
你呢? 你嘅 scope 係邊? 有乜嘢應該say NO 呢? 又聽下Paragon 嘅 Founder Patrick/Alton 個 scope 係邊?
「Paragon 是東九龍的co-working space, 提供平台給創業者推廣生意, 我們暫時唔會在東九龍以外建立任何據點, 目標是2022年成為創業者首選的紮根地。」by Co-Founder Patrick Wong.
Paragon 係觀塘有幾個場, 合共有成六萬呎空間,你哋想創業租 co-work space 記住搵Samuel。
想租 Co-Work Space 創業? 聯絡 Samuel Szeto Tel: (+852) 6215 0550 www.paragonasia.hk,[email protected]
https://www.facebook.com/paragoninasia/
第一場講 OAS,喺Paragon 呢度到時見你!
。。。。。。。。。
做生意要定立 OAS - Objection (Achieve what and by when? 達至什麼? 幾時?), Advantage (Why you? 你憑什麼贏人?) and Scope (Where is your battlefield? 你的戰場在那裏? 邊度打仗? 但最重要是邊度唔好打!)
聯絡李根興 Edwin, whatsapp 90361143
起碼我唔會講一套做一套 在 Smart Travel Youtube 的精選貼文
#獨家爆料 #萬千星輝頒獎典禮2020 #張振朗 #龔嘉欣 #王浩信 #陳自瑤 #最受歡迎電視男角色#最受歡迎電視女角色 #最喜愛TVB女主角 #馬來西亞 #黎耀祥 #最佳男主角 #視帝 #王浩信 #陳自瑤成 #FBI微表情 #最佳教材
多謝大家俾面 ,我上一條影片用FBI嘅
微表情理論 ,去分析yoyo陳自瑤喺萬千星輝賀台慶嘅經典表情
你哋好鍾意睇,咁我再下一城,同大家繼續爆料啦
首先講下攞到 最受歡迎電視男角色嘅張生
幾年前我就已經聽過一位身邊好朋友 講過有關張生嘅事
所以我本身對於佢冇咩太大嘅好感
但係睇完佢琴晚嘅表現,你唔講嗰句由自可 , 一講嗰句我就真係想爆啦
佢得獎嘅時候 ,喺枱上面講咗一句 : 一定要尊重別人 ,別人先至會尊重你
唔好玩啦 , 我身邊個位好朋友 , 本身有一份唔錯嘅職業
但係由於佢自己好鍾意演戲 , 所以佢就經常去片場做臨時演員
俗稱即係騎呢啡啦, 已經做咗好多年㗎啦
我間中都會約佢出嚟見下面吹下水, 幾年前我同佢行談間
就問佢, 為, 喺片場裏面呢, 有冇邊啲演員係特別黑人憎
佢諗咗一陣,就話畀我聽阿張生, ,話佢係最扮大哥
見高拜見低踩嗰種 , 乜嘢叫做見微知著呢
佢多謝完一大爛餐喺工作上幫到佢嘅人 ,
之後佢多謝屋企人 , 仲有佢屋企隻哥基
但係都冇多謝佢身邊嘅女朋友呀
大家都醒目都明㗎啦 , 拿, 你睇下遲啲冇耐呢會傳出分手多過傳出婚訊㗎喇
好容易㗎咋嘛 ,男嘅話自己越嚟越忙冇時間陪女朋友
咁咪又可以再換畫囉,除非佢女朋友又係好有錢豪門千金啦
你睇下無線啲小生幾多嫁畀豪門千金, 我係用嫁呢個字㗎
唔係講取㗎, 如果佢嘅經理人係醒目嘅,
即刻喺ig同女友放閃鋸扒食薯條啦,
至於會唔會畀我批中呢, 大家拭目以待,
呢個世界點解咁多網騙呢 , 有啲人連對方個樣見都未見過
就已經畀人呃咗咁多錢, 其實你認識一個新朋友呀
除咗睇佢喺網上面向你可以寒問暖呀,
你都真係要最低限度約佢出嚟見下, 唔係觀察佢對你有幾好
因為佢可能對你有目的,梗係會對你好喇
你睇下佢點樣評論佢身邊嘅人, 約到出嚟 ,
最緊要睇下佢點樣對啲低下階層 , 多多少少都會露出完機嘅
希望2021年呀少啲網騙呀
至於另一位呢, 我就係要講龔嘉欣bb啦
首先喺度恭喜佢攞到兩個大獎先,呢個女仔真係實至名歸
我一路都知道無線有呢個姐姐仔,但係從來對佢都冇咩心嘅印象
直至到睇到佢做殺手裏面嘅Dark angel
簡直對佢刮目相看 ,喺殺手套片裏面呀
佢直情係脫胎換骨,戲裏面嘅Dark Angel呢
人物性格寫得好有立體感, 講佢係一位瘋瘋癲癲女殺手
但係原來佢內心有對佢過世嘅男朋友有一種執著嘅愛喎
當佢收到劇本嘅時候呢 ,我相信佢一定有睇蝙蝠俠嗰位過咗新嘅joker Heath Ledger
Heath Ledger喺荷里活嘅電影史裏面呢 ,扮演小丑呢個角色呢Heath Ledger
真係做到前無古人後無來者,嗰種演繹呢令到喺觀眾都會睇到心寒
龔嘉欣喺殺手呢套電視劇裏面就係有呢種感覺 ,
大家可以喺網上面睇返呢一套電視劇
而且呢, 女仔人家 ,接到呢啲打女嘅劇本
除咗你話楊紫瓊之外呢 ,我相信睇咗咁多女演員呀拍打戲呢
龔嘉欣都叫做數一數,打得好好睇,好多鏡頭呀都見到佢自己親身上陣
唔係話好多都搵替身,所以你諗下一個女演員你承受咁多嘅傷痛
仲要佢剷曬青嗰個造型 ,對於一個女演員嚟講啦 ,都係一種犧牲㗎
因為起碼你拍一套電視劇嘅時候,呢個image唔係個個廣告商都會buy
話曬演員搵真銀都真係要接廣告同埋燈台㗎嘛
我諗佢喺呢套電視劇真係開竅,之後佢拍香港愛情故事都好睇
佢可以做鄧萃雯嘅接班人呀 ,好似如妃娘娘嗰啲呢
飾演嗰啲角色,幾壞嘅人都有佢脆弱嘅一面
龔嘉欣同埋鄧萃雯都係對於呢啲角色呢好適合,手到拿來嘅
我諗在場佢多謝黎耀祥都係真情流露嘅
因為黎耀祥嘅人呢,真係好好嘅,當年佢攞視帝嘅時候
隔離廠嗰啲清潔基層嘅員工呢, 都特登過嚟呢向佢祝賀
哪張生學下嘢啦, 要人尊重你, 要做到一視同仁
同你所有公事上上下下嘅人都尊重你咁先至叫做真正受人尊重呀
又講返龔嘉欣呀, 等我爆單獨家資料畀你哋聽喇
係我馬來西亞啲空姐朋友 , 佢哋識得啲豪門阿姨講嘅
好多人都知道龔嘉欣曾經有一位馬來西亞嘅富二代男朋友
對方仲打本畀佢開火鍋店添, 但係呢個傻女,
有少奶奶唔做, 自己放棄咗呢份愛情
我聽我馬來西亞嘅朋友講,喺大馬嘅豪門界
已經收曬請帖㗎啦,原本真係可以嫁入豪門嘅
不過呢條傻女,對自己演員職業嘅一份執著
放棄咗做少奶奶呢份筍工,專心放喺事業
而家佢實至名歸琴晚攞到兩個大獎
都叫做衣錦還鄉呀,對得住馬來西亞同埋香港甚至全球華人嘅觀眾啦
佢得獎嘅感言真係真情流露 ,好過哨牙妹好多啦, 係咪呀
我想喺度講, 呢個世界冇懷才不遇嘅,Everything is about timing.
好似我哋普通市民一樣, 而家經濟逆境, 好好將你自己嘅興趣培養到做到最出色啦
勝利永遠係屬於有付出努力、努力不懈嘅人。做事三分鐘熱度好難會成功㗎 。
你哋鍾意睇我娛樂八卦,我得閒又會再講下㗎啦
我而家趕住剪片呀,星期六將會上咗一條影片,幫一間天然護膚品公司搵代言人
只要有機會曝光,你哋有料嘅都會畀人哋發掘
星期六晚都去玩直播送禮品遊戲,睇下遲啲有冇有啲娛樂圈八卦料同大家分享呀
今日講住咁多先,拜拜
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。