*嚴禁劇透*
*粗口自行過濾*
*可瘋狂話戲屎但免人身攻擊*
[1230隔夜超短劇評][TVB][跳躍生命線 EP01]
[讚] 平穩交代人物關係背景。
[彈] 平穩真係一體兩面，我個人就好怕將啲人物一次過推晒出嚟，不過今次好啲，因為大部分人物個性都見到，係做到要做嘅嘢。
第一集有兩個大場面，一個係行山人士墮崖，另一個係車房爆炸。兩個都用咗唔少人力物力，除咗表現到消防救護嘅工作之外，前者表達在哥嚴謹，後者將在哥同傑仔拉上關係，基本嘢做咗，但咁大嘅場面感受唔到個張力，完全唔緊張，好嘥。
專業劇，用專業術語令到角色同劇情更加專業係常見方法。但喺墮崖嗰一段真係太多，聽完睇字幕都睇唔切，反而阻住我睇戲。
本來以為在哥明明咁醒點解佢會唔發現老婆係畀要救嘅司機撞到，但原來佢一早知，係為咗使命同工作要繼續去救人。呢個位應該係感人嘅，但個氣氛做唔到。馬神都好似唔夠力咁。
何廣沛真係太斯文，做小巴司機爛撻撻好夾硬嚟呀，睇得好辛苦。
我知，一定有觀眾話係第一集啫，但第一集好睇都重要嘅，係咪？睇落個故事就似馬神收服何廣沛，希望老套得嚟見到熱血啦。
[演員表] 馬德鐘 飾 麥在田 / 何廣沛 飾 卓家傑 / 劉佩玥 飾 章可祈 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 鄭子誠 飾 刑峰 / 陳偲穎 飾 麥諾兒 / 李佳芯 飾 章蕙芯 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔健邦 飾 羅應佳
#1230隔夜超短劇評 #無綫 #TVB #跳躍生命線 #馬德鐘 #何廣沛 #劉佩玥 #韋家雄 #張文慈 #李成昌 #歐瑞偉 #鄭子誠 #陳偲穎 #李佳芯 #李霖恩 #陳偉洪 #李日昇 #崔健邦
超人力斯tvb 在 超人力霸王 - Facebook 的推薦與評價
由台灣知名塗鴉藝術家BOUNCE攜手ULTRAMAN超人力霸王創作，在BOUNCE的塗鴉藝術創作中, 「棒小兔」為最為人所知角色創作。此次由哈玩具HOBBBY TOY 取得授權, ... ... <看更多>