【新場快測】大埔廣福公園
如果踢開大場嘅朋友喺大埔踢波,有廣福公園同廣福球場。兩個球場雖然好近,大家都係叫廣福。但一唔小心就會去錯。根據波友成日講嘅形容,如果去廣福公園就係油站嗰個,廣福球場就再入啲。兩個場只係相距一個十字路口。但去錯都行到High high,特別係遲到趕住開波嘅朋友。
而今次介紹嘅就係油站隔離嘅廣福公園內嘅仿草場。一講起呢個「油站球場」有以下嘅評語。
1️⃣好__大,跑到想死
2️⃣個場好暗,有時睇得唔清楚
2️⃣啲草好L爛
喺疫情期間,呢個球場已經進行左鋪草皮工程,而一直被波友批評不合比例嘅球場Size已經重新劃線。草種係大家踢慣踢熟嘅第三代仿草。咁岩版主去呢個場踢波,就講下用後感。
首先球場經重新劃線後比例正常番,唔會再有不合比例嘅闊度。雖然兩邊係收窄左,其實踢起上黎一樣咁大。好岩啲鐘意下下大腳踢上去,再鬥快跑嘅朋友。而且都可以用盡球場闊度,去拉開防守線。如果防守一般嘅球隊應該係守得幾辛苦,空間都係咁多,密度比較鬆散,對於部分喜歡「一個扭十個」嘅隊友,應該有充分發揮,除非你鐘意推個波去對手面前比人踢就另作別論。另外邊界以外嘅緩衝區係比以往最少多左一倍,即使咁唔好彩被對手「猛烈撞擊」飛出界外,都應該冇易「硬著陸」。同時亦十分適合手榴彈戰術嘅專家。比以往有更多空間助跑,個波就會更容易直飛心臟位置。
另外球場嘅光線比以往充足,對比以往適合瞓覺嘅「柔和燈光」光猛左。無論球場任何位置都有足夠光線照射,得有啲散光嘅朋友睇得更清楚。不過如果作為龍門去應付傳中球,就有機會比啲光射到波都睇唔到。不過呢個亦都係香港足球場其中一個特色之一。而草皮由於新鋪,膠粒係夠嘅,但未至於多數「啜死」隻腳。至少禁區內係合格,如果踢開場區嘅朋友都可以比下意見。
而更衣室係冇更新過,但由於疫情,入球場要打卡,所以只開放球場中間嘅出入口。但係當你換好晒衫褲,想換Con 或者大小二便,咁就要去番打卡位先入到去廁所。因為連接更衣室同廁所嘅閘門已經鎖死,所以有一定程度不便。
總結球場翻新過後,除左新草皮,照明系統都比以往光猛左。即使係玩波係開心左。
最後希望大家踢得開心,盡情喺呢個隨時封場嘅情況下享受足球嘅樂趣啦🙏🏻🙏🏻
#廣福公園 #廣福公園足球場 #全新仿草場 #夠光猛 #夠開揚 #大埔足球 #新場快測
足球球例出界 在 君子馬蘭頭 - Ivan Li 李聲揚 Facebook 的最讚貼文
[英超閉門作賽,主場優勢冇少到]聽聞話因為球迷唔夠熱情喎,但亦可能係sample 太少。
話時話,呢排記得keep 住like and share,主動入嚟睇,同埋設定做see first.真係搵食艱難。但感激大家,至少之前兩個post係好好反應的
FT原文— (https://on.ft.com/3jgqQSr)Does home advantage exist without football’s partisan fans?
TL:DR—英超重開,閉門作賽,主場優勢完全冇少到。但德甲西甲就有。正路解釋:主場優勢係因為球迷,但只係間接:重點係球迷叫聲影響球證判決。但無論如何,係人嘅因素居多,唔係
1. 歐洲各大足球聯賽重開,最興奮嘅除咗利物浦,仲有就係統計學家同數佬(例如本人)。閉門作賽,就係難得好好嘅天然實驗機會,去睇下「主場優勢」係咩回事。係因為地利?定因為球迷?
2. 唔熟足球嘅朋友,話聲你知,而家普遍聯賽都仲係在返各自隊伍嘅「主場」,但冇球迷入場。如果見到主場優勢照舊嘅,咁即係「球迷」其實冇乜影響。如果見到冇晒優勢嘅,就似乎球迷係關鍵。真係千載難逢嘅機會做呢種實驗!平時你冇可能叫啲球迷唔入場,而平時閉門作賽唔係冇,但唔多。
3. 見到重開後呢,至少德甲,好似主場優勢冇晒,客隊得勝率似乎明顯上升。但好似其他聯賽又唔多覺。(呢度有個不方便嘅真相:之前研究話,啲比較雞嘅隊較量,主場優勢先明顯,你巴塞對皇馬之類,應該冇乜主場優勢,如是我聞。可能德甲比較雞。)
4. 首先講,主場優勢,簡單起見只係講一場場嘅結果,世界盃奧運之類唔計(*)。同樣地,主流啲隊際球迷運動為主。當然呢篇主要講足球。
5. 咩係主場優勢?好簡單,就係主隊得勝率高過客隊。固然有啲隊係超級,咁主客都大炒人。但講所有賽事,夾埋你會見到,明顯主隊得勝率係高過客隊。基本上所有主流隊長球類運動都見到,統計上明顯,你話冇嘅,咁唔使討論。
6. 正常人都知道有呢樣嘢。但點解?我記得我year one 上莊時就同莊友拗過(證明我個人幾咁麻撚煩)。我同佢都同意係有主場優勢,但佢話係因為支持者打氣,我話未必。
7. 其實一般人都大約諗到,可以係以下嘅理由。最簡單當然係球迷打氣,大振士氣,或者係可以屌對方球員,侮辱佢地,對手射罰球就干擾佢噓佢等等(**)。當然亦都有話球證會受球迷影響,全場齊屌嘅,球證都好難唔吹十二碼。
8. 其他,就係非球迷嘅因素。舟車勞頓啦,氣侯時差啦(例如作客去冰天雪地嘅莫斯科,或者玻利維亞啲高原主場),主隊熟悉場館啦(例如「美斯好波,但去到濕冷嘅史篤城爛地主場佢仲入唔入到波?」,或傳說中嘅「巴塞去高貝利成日斬波出界」(但其實係得足球棒球咁老味,好多運動都標準場館))。
9. 如果係美國運動,仲有賽程啦,主隊冇咁密。仲有賽規,例如棒球邊隊揮棒先。但足球冇乜呢啲嘢。不解。
10. 當然仲有可能最廢但亦要留意嘅解釋:只係心理作用,self fulfilling,人人覺得有,咪變成有。客隊未踢已經驚。
11. 球員,你問十個有九個,都係鍾意有球迷。人之常情。好多都會話冇球迷影響表現。但,佢地主觀感受同事實,又未必係一樣。又即係,其實我估有人係會怯場嘅,可能冇觀眾自在啲,不過又斷估踢波嘅多數唔係introvert。但總有例外,例如嚟緊會登陸英超車路士嘅添姆雲拿,詳情可以睇(**)。
12. 之前其實有學者研究過(***),主場優勢,其實主要唔係同場館,舟車勞頓啦,氣侯時差呢啲死物有關。最主要的確係人:但其實係球證,的確會受觀眾影響。所以球迷係間接影響主場優勢,係通過球證,而唔係主隊士氣或噓對手。(埃汾按:我估足球更明顯,鳩估,足球嚟講,球證嘅因素比其他運動大好多,一開波整件全餐畀你,輸球十二碼兼打少件,你已經輸咗大半)
13. 講咗一輪背景,又睇下FT嘅分析。主角係講英超,復賽後。
14. FT就發現,英超嘅主場優勢,復賽後依然有,甚至係比以前更大。由得分,得失球,同勝出率都見到。但只係略為擴大,未算明顯。但幾肯定個優勢冇因為冇球迷而減弱。
15. 呢個同德甲似乎唔同。當然如果我冇記錯,德甲都係開頭明顯,後來已經習慣。亦可能真係德甲啲水平低啲。不過,其實西甲都見到好似德甲咁。當然亦可能係sample size唔夠多(唔緊要,「分分鐘下季都全季閉門」)
16. FT嘅解釋,都係傾向同之前講學者研究差不多:重點都係人。即係FT認為,「德甲球迷熱情」(篇文冇講西甲),所以冇人入場咪大影響。咁點解英超冇影響?「因為啲球迷入場掛住打卡,同埋食大蝦三文治」(呢句我加嘅)
17. 但講返轉頭,記唔記得原本講,主場優勢係嚟自球迷:但唔係主隊球員士氣升或客隊畀你噓到淆底,而係球證?呢度又有啲數字睇到
18. 數據見到,復賽之前,主隊明顯食紅牌黃牌少過客隊,好難話唔係球證受觀眾影響(當然你可以話主隊在自己主場有信心唔使咁矛,或者唔好意思咁爛仔,亦得)。復賽後呢?都仲係主隊少啲食牌,但差距收窄咗不少。德甲西甲呢?主隊食牌多過客隊添。
19. 結論都係:球迷都係人,一般都係偏幫主隊。但在老母唔使返工下,閉門的確令球證比較敢作出對主隊不利嘅判決。
20. BONUS:其實仲有研究做過,經驗淺嘅球證,後生仔,未夠爐純情,比較會受球迷影響。下次買波,可以睇埋球證年資。
(*)奧運同世界盃一樣有主辦國優勢。前者固然係因為項目,後者其實同一般足球賽差不多,但佢有足咁多場主場優勢。但似乎世界盃或歐洲國家盃主辦國優勢係少咗嘅。近40年就只有法國在主場捧盃 ,以前密好多。但當然,除咗話競技水平高咗,科學進步咗,球員適應力高咗之類外,亦都留意近年啲主辦國係比較雞嘅—你唔係覺得南非會拎世界盃下話?定卡塔爾會?事實亦係南非嗰屆,有主辦國首圈出局。
(**)正路地,高水準嘅球員,唔會受呢啲嘢影響。照計練波時射罰球已經後面放定嘢干擾,或者播住老母聲嚟練射罰球射十二碼,甚至可能有啲球員係唔屌唔鬆化,你越噓佢越興奮。C朗話頭, your hate makes me unstoppable.不過總有例外,嚟緊會轉投車路士嘅德國球員添姆雲拿,試過作客土耳其,因為球迷太嘈搞到佢頭暈,最後要換走。車路士對家可以留意下,唔知係個別事件定乜。
(***)「Scorecasting: The Hidden Influences Behind How Sports Are Played and Games Are Won」
-------------------------------------------------------------------------
香港聯匯何去何從?新收費片已出,講足一個鐘,單次買200
想睇簡介嘅,呢度。亦有埋以前嘅片,有興趣可訂:https://bit.ly/3iYMD0F
報名嘅,呢度。今次課程編號填 CC005。唔想填信用卡亦可以FPS: https://bit.ly/3j0r9QZ
Log in 呢度:https://bit.ly/3gYXu9e
已付費嘅,log in後按最頂「按此觀看」就得。再唔係返呢度睇:https://bit.ly/3fyKbw0
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾?散戶應如何應對?」
影片/課程編號:CC005
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC005]
2/利用信用卡網上付款
3/及後有登入資料可以立即收看
查詢:whatsapp 63832145
足球球例出界 在 梁芷珊Canny Leung Facebook 的最讚貼文
#體演文出立法會議員 #馬逢國
#回應式管治
#突破盲點
#原來你明白 #研究和相信
「體演文出」馬逢國議員在開電視節目「大輝主場」中接受林大輝先生訪問。
被問到對香港足球發展有何高見,
馬逢國議員的答案是「各個範嚋做要做研究」,
又說他「相信政府都好緊張」轉播奧運。
開電視訪問片段: http://www.hkopentv.com/#/videopage/BV00907
馬逢國議員代表業界第8年。
我對他謙稱不熟悉體育,沒有意見。
而對兩位的討論內容「作為業界代表立法會議員,如何幫助香港體育界及對鳯凰計劃評價」,
在此溫馨提醒及補充幾項名稱及時間:
1) 鳯凰計劃已於2014-15球季年度完結,
研究報告於2014年由足球專責小組完成,
並於2015年1月9日立法會中討論。
2) 鳯凰計劃的後續,
正式名稱是「足球五年策略計劃 - 力爭上游萬眾一心」(2015-2020),
2018年中作了中期檢討。
3) 關於2020奧運會,
今年3月24日,
奧委會已宣佈奧運延期一年舉行,
3月30日正式宣佈舉行日期為2021年7月23日。
4) 議員在片中提及皇馬來過香港作賽的例子,
是2003年的事。
當時馬逢國先生還未成為體演文出界議員。
訪問片長廿分鐘,我看完了,只想講幾句:
- 其實,足球政策成效研究已經做咗,
仲已經交咗好耐,
亦即係政府已研究過。
請問還要做幾多幾耐研究先有更有效政策?
- 你「相信」政府好緊張播影奧運給市民收看。
現在奧運延期一年,
有多些時間去做嘢。
係咪唔好淨係意願上相信,
要行動上做啲嘢?
- 訪問中說:「今時今日政府是回應式管治」,
議員其實自行說出了問題癥結,突破盲點 —
咪就係要尊貴議員你做多啲研究,
要尊貴議員你相信體育發展囉!
議員代表業界發聲直至得到政府以有效政策作回應,就係咁。
一切都關於「多研究」和「更相信」,
原來你明白,實在太好。
足球球例出界 在 政大新聞與媒體實驗室- 你以為看得懂的進球跟出界 的推薦與評價
世界盃正如火如荼的進行中,但小組賽都踢完了,你還沒看懂世足嗎?你以為已經看懂進球與出界,但你真的懂嗎?? 足球到底怎樣才算出界 ... ... <看更多>