If not now,when?
人生一大遺憾！
人生好少叫人通容任何事，未上過擂台打拳係我人生一大遺憾。
今日機緣巧合比我知道一個拳賽可以唔洗有拳館backup，而且價錢好合理。
我曾經有個階段打拳打得好密，果時興一樣野叫網聚，大家一大班人，三九唔識七但志同道合就出嚟對打，曾經同過當時出名既一個拳手打叫「偽怪」又同過現在一個無線藝人「李嘉」對打，當時李嘉已經好大隻，又高，而我仲係瘦猛猛，仲未開始健身。
不過網聚好少話配磅，大家有興趣就上台打，而且我從來都唔介意人地重過我，當時既我仲係一個好執著輸贏既人，不過我覺得咁樣先有挑戰性，而且現實打交係無配磅呢樣野，只有輸贏。
贏就係贏，輸就係輸！
現實係冇得俾人打贏咗然後話你重過我。
咁點解我打咁多年拳都無上過擂台？中學時期覺得拳館好雜，全部龍虎鳳。後來又聽人講又要搞關係先比你出賽，無咁快比你去比賽。
後來識到人比我唔經拳館比賽，要幾萬蚊出場費，都唔係問題，但同年我選擇左健美比賽，因為呢樣野對我嚟講更難準備。
所以直到現在我係無上過擂台打正式比賽。
今日既我已經唔介意輸贏，開始健身後基本上已放低左打拳，我唔理，我就係要上擂台，係我人生一個好重要既「to do list」
希望可以配到磅🙏🙏🙏
輸贏唔重要，重要的是有勇氣去完成一件自己好想做既事！
人生不要留有遺憾比自己！
