[持倉全公開]「個圖右邊令我諗起魚缸啲溫度計」。又,當然唔止呢度呢啲,文入面仲有。「呢度係10個倉嘅其中1個」「咁當然係最大最勁嗰個」
TLDR:台上一分鐘,台下十年功。練武不練功,到老一場空
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
邁向2000人訂!Two thousand people can't be wrong!(扯,幾百萬人冇訂添!).搵人填埋佢,下一個目標當然係3000!
1. 之前好多讀者係咁叫我公開個持倉,我係拒絶的。但畢竟答應咗,唯有萬般不情願咁除。不過都唔係除晒。名單就有晒,但絶大多數冇銀碼。講過了,留返少少私隱,以前青樓女子腰間都綁返條紅線咁,「我冇除晒」。況且,太少錢驚畀你恥笑,太多錢又怕你綁架我
2. (實情,你覺得我會有幾錢?唔通我得幾十萬夠搞台灣投資移民又夠買埋樓?但,如果我有幾億,仲會寫Patreon?)
3. 不過我再講一次,你話我家長式態度都好,我覺得呢啲list係害咗你的。我知,個個想抄功課嘛。但邊有咁簡單?信我,唔work的。
4. 首先我唔少嘢陳年買落。我就當你而家開始跟,但好多人連睇文嘅耐性都冇(但想致富,你唔覺得矛盾?)。況且你亦好可能做唔到隻隻跟,因為可能你咁啱冇錢。就當你跟都好,到升少少,或者一個浪打埋嚟,你又會走咗啫。唔信?你睇我在呢度講咗幾多次ASML?咁係咪個個都贏250%?我當我唔係一買就講,咁至少都有100%,你又有冇?
5. 以前都有啲熟朋友,問我拎啲長渣嘅股票名單,咁我有畀。但你發現,同一餐飯嘅朋友,有啲人就輸錢,有啲就贏大錢,有啲表現仲好過我。問題係你本人,唔係啲股票呀。
6. 咁我做嘅,唯有名單照畀你,但分享下我買嗰時嘅心路歷程,同埋用呢啲例子又去示範返我平時講嘅嘢咯。「其實我本書都係講呢啲」
7. 睇圖
============================================================
8. 一反常態,由最廢嘅講起。首先,輸到趴街跌八成嘅,開埋名,SSYS,3D打印股喎,N年前了。嗰時興咩3D打印嘛,改變世界嘛,等同而家啲咩氫能呀 扑青呀 SAAS呀 齋燒鵝 杏仁奶 咁咯。之前仲有隻ONVO Organovo,印個腎出嚟自己用。嗰時仲有隻DDD,3D System,聽名都正.,我朋友(真係我朋友)買完輸九成幾,但都冇走,點知今年炒發夢股時契媽又買返炒起,結果由輸九成幾變咗輸五成,佢快手走咗人。教訓?你個故事再好,啲科技再巴閉都好,唔等於你會賺錢。3D 打印冇改變世界咩?有喎。但你隻嘢就係輸到趴街。同2000年好多科網股差不多,互聯網係改變世界喎,但唔等於你買嗰啲股會賺錢。
9. 另外,你都見有兩隻跌超過70%嘅,「就都係今年新鮮滾熱辣的」,都有讀者輸錢。但,有乜計?我都輸埋一份,兩份咯。包生仔咩。但贏幾倍嘅你有冇跟先?
10. 好啦,都係輸錢啲嘅,煙仔股啦,都四五年前買,後來佢買電子煙JUUL瀨晒嘢,我一度輸一半,但冇止蝕。今年就生猛,歷年又派到下息,計埋唔使點輸
11. 仲有?黃金ETF啦,舊年一開Patreon就講買金,因為印錢通脹。結果真係通脹,但唔係升黃金,吹咩。不過買得唔多,亦其實輸得唔多。
12. 升得少嘅,Verizon啦,17年尾買,都唔知點解會買,應該主要係錢太多身痕。留意嗰年股市好好,而我轉咗去星展加左一截人工。真係沽就考慮沽呢啲,唔使輸錢但又冇乜賺
13. SalesForce啦,仲好笑。佢話買Slack,我就買佢。結果CRM買Slack買得貴!我就買CRM買得貴!齊齊消化不良,股價高位即隊。但始終間公司正正常常,咁慢慢就上返水面。見唔見到同咩3D打印股嘅分別?你間公司一路有增長有錢賺,就算買貴咗啲都有得追返上嚟。
14. 好啦,講啲得意之作。呢隻SCI勁!你見我呢度同Patreon都極少講,因為……唔記得咗!到升咗幾倍我先發現有買到隻咁嘅嘢!做乜?做殯儀。但如果你97年高位追,一樣有排坐。固然好多時事後先知咩係高位,但,首先你可以睇多次上一段。另外,所以咪叫你唔好all in 同一時間一大舊錢買落同一隻股票,然後仲要九成摸頂高位跌兩成又低位打靶止蝕。
15. 至於JP Morgan迪士尼呢啲,一早買落。咁你見到教訓係乜?係要時間呀哈利。畢菲特話齋,你去搞大9個女人,都唔可以1個月生個B出嚟的。
16. 仲有?坐穩呀!你睇迪士尼?明明疫情重創,完美風暴,戲院又死樂園又死體育又冇得播,仲要畀NetFlix狂打。但我有冇走去沽咗佢?一有「不利消息」就沽走,咁你真係永世唔使買股票的。等「明朗化」?刁,到「明朗化」時升咗幾十位啦,到時你咪摸頂。蘋果25000億市值都仲有人質疑盤生意得唔得呀。「你點知聽日唔會執笠?」「但如果唔執呢?」
17. 呢度你見,24隻之中,9隻至少升到100%(有2隻好接近),當中6隻超過200% ,1隻超過300%
18. 啟示係乜?唔係我好巴閉,而係我示範一路都講,但成日畀人串嘅兩樣嘢:
19. 首先,一兩隻掂嘅股票,可以頂好多隻出事嘅股票。你咪串我幾隻嘢輸七八成咯,但有何問題?你唔買咪唔會輸錢,升一成take profit 跌一成止蝕咪唔會大輸,have fun。
20. 第二,股票係要坐的,你見升得多嗰啲都係比較早期買。ASML之類兩年250%,係好少有嘅例子。「雖然我唔識tech唔識整光刻機」
============================================================
21. 記住,呢個圖只係美股嘅大倉,另外仲有堆細倉(咩LVMH 愛馬士我提過嘛,唔在呢度的,「同埋其他係歐洲股」)。
22. 至於美股個垃圾倉組合,Patreon入面都有貼出嚟。一個月15%,勁過晒所有倉,勁過股神。但買得3萬港紙,有春用咩。我一度都睇到懷疑人生,其實係咪亂買就得。但由我買咁細咪畀咗答案你:而家贏梗係也文也武,但我係有預會輸晒的。
23. 當然仲有港股,都公開埋,但除咗呢排成日講嘅王維基1137,就係隻升十幾倍嘅安踏2020(貼過啦),仲有一個開嘅港交所388,以及高位插水一半我都仲唔使輸錢嘅騰訊700外,都冇乜特別。咁嘅市況,神仙咩。
24. 但,雖然只得一手,但我隻安踏13蚊渣到上160,一度幾乎200蚊。何止10倍股?10鳩幾倍股呀!Take profit?why?定你覺得190蚊冇沽而家160蚊我好傷心?你出出入入,有幾多隻嘢贏到10倍?
25. 不過話說回頭,港股輸好多嘅,亦都少,好多都月供。然後仲要多數都派到下息,咩長江基建1038之類,計埋啲息就輸錢變贏錢啦。
26. 至於我最新會買乜,文入面都有講,但唔好期望係咩特別嘢,都係悶嘢。Sexy嘢就梗係開個新post啦
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
邁向2000人訂!Two thousand people can't be wrong!(扯,幾百萬人冇訂添!).搵人填埋佢,下一個目標當然係3000!
同時也有1部Youtube影片,追蹤數超過31萬的網紅彼得爸與蘇珊媽,也在其Youtube影片中提到,訂閱我們的頻道⬇︎ https://goo.gl/AZvZXq 更多彼得爸與蘇珊媽育兒日記⬇︎ https://www.youtube.com/playlist?list=PLy6f_wRUZBEAP5vb3GqzScHbPJ-xTLNUB 追蹤我們⬇︎ instagram☛https://www....
迪士尼100週年 展 在 全職師奶‧Sin Mama Facebook 的最佳貼文
#玩具開箱 ❣️ TOYC 玩具購物網「夏日玩具祭」❣️
之前同大家分享過TOYC 玩具購物網 1 週年🎊勁多玩具套裝特價發售!我哋即刻入手左公主系列💗有請兩位小公主一齊展示呢個咁靚嘅公主首飾連皇冠盒套裝💝💝
裏面有頸鏈、手鏈、戒指、耳環仲有個首飾盒同埋一啲裝飾嘅貼紙😍!$100咁大盒真係好抵玩🥰兩位小公主一齊扮靚靚✨✨
TOYC 新設兒童玩具集中地 TOYC Kids,透過熱門人氣角色、產品類別以及年齡作分類!大家更容易尋搵到適合小朋友既兒童玩具🪀
🌟 「夏日玩具祭」限時優惠🌟
為慶祝 TOYC Kids 正式登場,現正推出「夏日玩具祭」🎊設有 HK$100、$200、$300、$400、$500 價位玩具套裝🎁🎁今次優惠活動獲得多個兒童玩具品牌支持,玩具款式多達 100 件😍😍
玩具套裝包括深受小朋友喜愛Disney Junior 米奇和米妮、麵包超人、Hello Kitty、小熊維尼、魔雪奇緣以及迪士尼公主系列等等!益智遊戲或是幼兒/學前玩具樣樣有
齊😎任你選擇!更多款式請瀏覽「夏日玩具祭」網址 https://bit.ly/3DtLLvm
「夏日玩具祭」限時優惠由即日至 2021 年 9 月 30 日!凡於 TOYC Kids 消費滿 HK$200 即可免運費送到指定地點,消費滿 HK$50 可免自取點運費!可使用電子消費券,付款方式有Apply Pay、Google Pay、Tap & Go以及支付寶!
另外,TOYC 1 週年將推出一連串慶祝活動!凡購買 Banpresto 系列之產品消費滿 HK$200 免運費,滿 HK$100免自取點運費。更多活動詳情請瀏覽官方 Facebook 及 Instagram!
TOYC
www.toyc.com.hk/pages/toyc-kids
迪士尼100週年 展 在 Facebook 的最讚貼文
[今日寫呢啲]今日嗰三個圖同三篇文夠晒正。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
港股嘅,好似好差,但又唔係。你恒指都不過跌200點,1%都唔夠,只係啲個別科技股重災區。咁你渣到一手都係就自己問題啦,2/3月嗰時都已經係咁講,但當時見啲嘢日日升你咪又如痴如醉。我都有玩,但我控制自己注碼。況且有啲係剛出嚟做嘢嘅,咁即係,我買10皮嘢就唔同你買10皮嘢啦。
實情我個港股倉,跑贏港股三大指數。亦都冇乜特別,上次講座都講咗買乜,咪各樣都有啲,唔會太側埋一邊。Patreon都會講少少。
你見昨日科技股大跌,但本地股(太古19友邦1299),化工(理文746東岳189),奢侈品(Prada 1913,歐舒丹973)甚至體育用品(李寧2331安踏2020)都仲有得升,有乜啟示?文入面講
美股嘅,中概股固然散晒,但我core list 上呢四隻東西一樣新高。全部都呢度貼過添啦,微軟,蘋果,Black Rock,SPGI.Black Rock同 SPGI都係舊經濟悶嘢,微軟蘋果亦全不sexy,但表現全不失禮。根本你跟住買已經好人一生平安,但之前講Google都有人話升得慢,黑人問號
特別要講蘋果新高,嚟緊出新iPhone,被寄予厚望。點解?文入面講。但重點當然係佢啲相整到好靚—即係好食位。明冇?
每日一圖嘅,三個。第一個講美股標普500指數入面,超過一半嘅股息率都仲高過十年美債。你諗下似乎好抵買,買股票我可以賺增長,理應個股息低過買債,但而家唔係喎。仲要呢個比率係近N年中都偏高,而你留意近年啲科企根本唔派息。不過,我就話你拎個股息率同美債比,其實有問題,不能咁判斷美股平定貴。點解?文入面講
第二個圖,之前都講過下。講起Amazon,普通人諗起網購,科技人諗起AWS—事實網購收入極大但利錢好低,AWS先和味,貢獻一半盈利。但極少人會講廣告,甚至心諗,Amazon有廣告咩?咁Amazon嘅廣告收入有幾大?近年又升得有幾快?入面講
第三圖,點解恒生科指係咁跌?你可話大陸打壓,但呢個只係觸發點。實情啲嘢貴就少少風吹草動都大跌。恒生科指,實情仲貴過納指!一直都係。點解?爭幾多?又係Patreon講
Good Read嘅,第一篇真係正到無倫,我都唔識寫撮寫。但,留意好多人去投資,就係top down—呢個國家經濟會好,所以股市會好,咁所以呢啲行業會好。錯得很!top down都唔係最大嘅問題,最大問題係呢種直線推論。但偏偏,個個都八奇上腦,以為世界一切如你發展,真係睇火鳳睇到你慒撚咗。智者(唔係我,係作者)就話你知,根本好多嘢係我地唔知嘅,你做乜可以咁肯定會咁咁咁?偏偏我地個社會就係獎勵呢啲人,胸有成竹就係有料到,要諗嘅就係冇信心。但點解我地會咁?背後反映咗人嘅咩心理?文入面講。同場加映,Howard Marks話你知,啲經濟預測戇鳩之極,一係就根本全世界都知,一係就係風水佬語不警人誓不休,今年唔爆下年爆。睇嚟浪費時間
第二篇講嘅嘢,應該我年紀嘅人都大約知,不過而家啲小朋友覺得「份糧包埋」難聽過粗口。但我都講過好多次,都係供求,你返工開心嘅,就即係公司係迪士尼樂園,咁應該你畀錢公司,唔係公司畀錢你。唔想咁可以點?文入面有講
第三篇,講美股估值。係喎,升咗成倍,但估值反而冇貴到。點解?又係Patreon入面講。但真係唔好以為升咗好多就一定係貴咗,更加唔好白痴到覺得幾千蚊一股就一定係好貴。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
迪士尼100週年 展 在 彼得爸與蘇珊媽 Youtube 的最佳貼文
訂閱我們的頻道⬇︎
https://goo.gl/AZvZXq
更多彼得爸與蘇珊媽育兒日記⬇︎
https://www.youtube.com/playlist?list=PLy6f_wRUZBEAP5vb3GqzScHbPJ-xTLNUB
追蹤我們⬇︎
instagram☛https://www.instagram.com/peter_and_susan/
facebook☛https://www.facebook.com/peternsusan/
寄東西給我們⬇︎
台北市大同區西寧北路62-5號2樓『 彼得爸與蘇珊媽 收 』
========================================================
在阿嘎二伯自然產還是剖腹產揭曉前
瘋狂推薦他們水中生產他們會接受嗎?
蔡阿嘎10週年夏日感謝祭:
https://withga.kktix.cc/events/fa32680d
#蔡阿嘎10週年夏日感謝祭 #蔡阿嘎 #蔡桃貴 #水中生產 #同個婦產科醫師超巧 #youtuber
=========================================================
感謝阿嘎的邀請~
這是我們參加過最用心的展覽
一進到會場就可以感受到創作者滿滿的溫度
(絕對不是因為夏天天氣熱😅)
裡頭有夾娃娃、一番賞、棒球九宮格、大富翁、KTV
讓我們玩的超開心而且還滿載而歸
(我不會說蘇珊夾娃娃給人家夾三中三超好夾😆)
歐米呀給是日式高級禮盒的感覺超精緻
激推這個熱情的夏天來找熱血的阿嘎玩
=========================================================
上一集⬇︎
熱門影片:
彼得爸與蘇珊媽水中生產 | 溫柔生產 | 全紀錄 :https://youtu.be/6SqVOTw5buk
cody有了一日褓母 | 今天爸媽放風去 Feat.古娃娃、喵喵:
https://youtu.be/m8ETJJMSPyc
孕婦畫肚皮迪士尼系列:
https://youtu.be/Hg5JGpzoodw
抓到了有個洞 | HRV交車:
https://youtu.be/h8FqxkBpHxc
Cody爸比媽咪先回家囉:
https://youtu.be/WoS_mr07qIE
susan水中生產經驗分享:
https://youtu.be/sQSXpYOifmY
彼得爸與蘇珊媽婚禮mv:
https://youtu.be/pz3mfpYxj0I
彼得爸與蘇珊媽求婚紀錄:
https://youtu.be/dEQhWmkiDiE
=========================================================
拍攝工具⬇︎
相機:canon 80D iphone 7 Gopro5
麥克風:RODE video mic pro
腳架:JOBY GorillaPod Focus & Ballhead
空拍機:dji spark
=========================================================
剪輯工具⬇︎
final cut pro
=========================================================
幫我們一起完成字幕吧⬇︎
http://www.youtube.com/timedtext_cs_panel?c=UCwxjIrUCgWmOKN1oDqiL_lA&tab=2
========================================================= =
合作邀約⬇︎
petersusan0625@gmail.com