Search
【深圳半日遊】玩轉 4000呎 Minions 迷你兵團樂園
前幾日有半日CL ，由 庶民食の楽 帶隊去深圳歡樂海岸玩🤗排喜茶排到電都停埋🍵結果一杯變兩杯😋再食過抺茶千層蛋糕🍰出發去重點Minion展！無人任影真係勁正！👍🏻最後食埋酸菜魚🐟過咗輕鬆嘅半日！
詳情 : https://eriediary.hk/2018/12/31/minions/
#神偷奶爸大視界 #深圳 #歡樂海岸 #minions #supermami #supermamihk #MamiTv #MamiTvHK
【繼續自己搞印度電影節：呢套真心好正！】
久仰大名，講咗咁耐終於抽到時間睇。
印度史上最高製作費電影，都係史上最高本土票房電影，超過埋《來自星星的PK》，之前喺新加坡工幹時已經想睇，但日日都全日滿座，仲勁過同期嘅《蟻俠》同《迷你兵團》，而香港就「有幸」成為亞洲少有冇上映嘅地區。
我一直等，等到火都嚟埋，決定自己搵方法睇。
不過，認真，睇完之後，我明點解香港唔上。
1. 印度片
2. 我諗香港觀眾冇乜耐性睇一個古裝印度神話（未睇下集解謎我唔知係咪神話）故事，兼且兩兄弟恩怨情仇
3. 頭半段特技流過電視劇集，我有一刻都懷疑呢史上製作費去咗邊，再加上未交代角色身世時，前段好多情節一定會令觀眾轟笑，而且都幾拖戲，似係為夠時間拆上下集嚟鋪
以香港呢個資本極致社會，兼且觀眾唔會輕易接受「唔知咩」嘅戲路時，一定仆直。
點知睇到後面落重本，真係睇到嘩嘩聲。重頭激戰成個人醒曬，特技雖然都係流流哋，但近鏡冇特技打鬥鏡頭超精彩，好難得有曬行軍佈置、戰略步署，細微至角色嘅武器都諗過度過，睇到熱血沸騰。大戰場面根本就係為IMAX而生，唔理你部電視幾清幾大，應該都唔及大銀幕震撼，單係最後果45分鐘戰爭場面，我係極後悔冇堅持上深圳入戲院睇嘅（當日唔上因為知道剪咗十幾廿分鐘）。
咁對比尋日講果套《Fan》，呢套就有位剪。後段係好精彩，但前段好典型印度片死拖爛拖嘅特質，再加上去到後半段然玩「回憶」先係重點，變相前面搞嚟搞去係有少少悶場。不過，故事慢慢鋪排兩兄弟恩怨情仇、幾個派別嘅複雜關係，又的確愈睇愈有戲味；當玩到「回憶」你可能覺得唔太連戲，但戰爭場面太爽皮你都唔諗咁多，到後尾返返現實你終於記起好似唔對路，點知去到最後一分鐘最後一個鏡頭，嘩！咁完收尾法我好難唔仆去睇下集大結局喎！
老老實實，呢套唔建議自己搵辦法睇，台版應該有出到碟嘅，搵隻Blu-ray拎嚟做試機都得呀。
拿，再次重申，前半段特技真係流過無線呀吓（尤其是場雪崩，心諗想點呀），先有心理準備，可能筆錢落曬後尾場重頭戲啦，不過畫面係靚嘅。
下集大結局印度4月上映，我唔祈求香港有機會上，只希望大陸上映唔好又剪。不過，你剪唔剪我都一定入戲院睇！
#神偷奶爸大視界 #迷你兵團深圳 #神偷奶爸深圳
神偷奶爸大視界
日期: 8 Dec 2018 - 8 Mar 2019
舉行地點: 深圳歡樂海岸
交通: 深圳地鐵深圳灣公園站落車
票價: 平日成人 RMB 128 假日 RMB 158 小童RMB 88 家庭套票 RMB 328
