「Send咗幾十份CV出去，莫講話interview，連一個call都收唔到，已經連冇來電顯示都唔理咁多照聽咗先，不過都係冇人打嚟約見工。」
「好啦，望穿秋水終於有得interview，明明覺得自己符合條件，但係in完之後永遠冇offer。」
「平時講嘢已經成日得罪人，interview仲要sell自己，真係好唔慣。」
「每次interview都好緊張，準備好晒嘅嘢都講唔返出嚟。」
你有冇遇過上述嘅問題同埋心理關口？
最近身邊好多朋友都搵緊工，有一位好資深嘅headhunt舊同事已經失業接近半年喇，最worst係佢有兩個仔，細嗰個仲讀緊幼稚園，另外供緊層樓，話唔頭痕就一定係呃你。
呢位舊同事近半年斷斷續續收到interview邀請，但仍然一次又一次落空，有啲傾完發覺條件唔得，例如大幅壓價，有啲就係佢好想做，不過in完冇下文，上個月有一份就樣樣都match，去到考普通話一環衰咗，因為佢真係講唔掂。
其實我知佢覺得好挫敗，畢竟經濟壓力好大，所以幾欣賞佢用樂觀心態面對，近期馬死落地行喺某補習社做兼職，網上教小朋友英文，每日幾個鐘喺屋企開電腦同人上堂，剛剛呢個月嘅收入係8000幾蚊，同以前做headhunt相差幾萬蚊，然後一邊教人英文再一邊搵工，除咗祝福呢位舊同事盡快搵到工作之外，我都希望其他搵緊工嘅朋友唔好氣餒，唔好失去信心！
為咗令多啲人喺見工前盡量熟習interview question，我哋特登整咗個IG Filter，入面有20條經常出現嘅問題，大家可以練習下，並且模擬一下點樣答係最好，盡量避免詞不達意或者過份累贅。
要記住，對方問你每一條問題都係有目的嘅，知道含意就唔難拆解，好似由靚女幫我示範嘅呢條問題咁樣~~~~~有冇in過其他公司？
咁樣問係想了解你對佢公司或者呢個行業嘅興趣，甚至知道你最後揀佢哋嘅機會有幾大，HR唔係要禁止你搵其他工，所以唔需要刻意隱瞞。
即使你同時搵緊其他工作都唔緊要，顯示到當中嘅關聯性就得喇，對方最怕你跳tone，見緊HR，同時搵緊一份Marketing，跟住又去見份Sales，佢會覺得你未清楚自己想做乜，請咗你好易會走。
唔同公司有唔同文化，唔同嘅interviewer亦有唔同性格，見得多，練得多，你就會愈嚟愈識睇人，愈嚟愈熟習呢啲interview question應該點拆，咁距離搵到新工嘅日子就唔會太遠喇。
當然我都知道呢度有好多搵工達人，即使你唔需要去interview，都可以玩下呢個IG Filter當發洩下，頭先send畀我細佬玩，佢一見到條問題係「有冇in過其他公司？」跟住就開始咆哮：「你係咪傻㗎！唔通齋見你哋一份工呀？你唔請我就一世唔搵工呀？」
……冷靜啲吖先生，IG Filter嚟啫，呢排係咪受咗老婆好多氣呀？好擔心你呀！
都係睇下靚女示範一次，你鍾意用嚟玩嘢又得，好似我細佬咁發洩又得，真真正正用嚟練習點樣答interview question都得，擺低條link畀你，我哋整得好辛苦㗎，希望幫到大家。
https://www.instagram.com/ar/2747938058862003
通話斷斷續續英文 在 【聲音斷斷續... - 中英物語/ 中翻英/ Chinese to English ... 的推薦與評價
【聲音斷斷續續的英文】打電話時對方的聲音如果斷斷續續，要怎麼用標準英文跟他說？請選擇。 (On the phone) You are breaking ___. ... <看更多>