有啲嘢唔係讀書叻同埋不斷上堂就可以學到，一個人嘅性格係點，閱歷同埋經驗有幾多，對工作嘅影響其實更大。
平時我寫一篇稿可能係一個鐘，不過覆大家留言就肯定超過三個鐘以上，有啲反應好嘅post當然會覆得更耐，我估呢度都有讀者見過我三更半夜覆留言。
放心，我唔係痴線，只係覺得有人肯花時間打字留言，點會想對住空氣講嘢先，係咪？所以我一定會盡量覆晒，呢種係交流，只係有同事見我晚晚覆到咁夜，耐唔耐都會提出：「老細，不如請個人覆啦！」
「請個人覆就唔係我啦！讀者係想同我傾計吖嘛，點可以文就我寫，覆留言就請槍？」
同事：「唔係哩，你唞下啦！我有個friend讀marketing㗎，佢識得點覆㗎喇，你試下請佢吖。」
我推卻咗幾次，同事又sell咗佢個friend幾次，耳仔軟之下，我就姑且試一試啦，不過唔可以直接覆住，我copy咗幾個留言，想test下佢個friend會點樣回覆，結果如下：
真實留言兼題目
（1）你細個成日玩細佬，唔怪得細佬結婚先，你仲係單身狗啦 😂🙈
（2）你段文太長喇，冇心機睇😔
（3）碌到最尾，又係廣告😡
我同事個friend咁樣覆
（1）我單身關你鬼事咩！我睇你fb都係single啦！
（2）長又嫌長，短又嫌短，你寫吖！
（3）唔賣廣告係咪你養我呀？光合作用呀？
睇完之後，我好欣賞佢，果然係敢作敢為，不過......我都係決定自己覆返喇，唔該晒！
咁你問我每日做咁多個鐘，又寫文又拍片又覆msg攰唔攰？話唔攰肯定呃你啦，特別係對眼，一日起碼有8至10個鐘係望住個mon，但我攰得好enjoy喎！因為有啲留言好感動會眼濕濕，有啲會笑到我標眼淚，但正正係呢種交流將我同讀者連繫埋一齊，真係冇得請槍㗎！我都幾肯定如果請打手，你班友仔實會睇得出，所以攰咪最多用連續3年日本銷量no.1嘅MyTear人工淚液囉！隨時隨地滋潤眼睛，舒緩疲勞，有冇戴CON都滴得，隨身攜帶夠晒方便之餘，仲有營養成份葡萄糖，可以促進新陳代謝，性質接近天然淚液，幾多job同幾多留言都未驚過啦！萬寧、屈臣氏、HKTV、Aeon同埋武田網上商店都買到，有4款清涼度任你揀㗎，一定可以令眼睛Refresh！
咩話？又係廣告！又呃你睇晒呀？
唔賣廣告你養我呀......傻啦，點會咁樣同你講嘢呀，我會咁答：「好多謝你睇晒成篇廣告呀！MyTear人工淚液係日本製造㗎，記得去買呀！❤️❤️❤️」
Facebook: MyTear - 日本No.1人工淚液
#Mytear #人工淚液 #戴唔戴CON都滴得 #連續三年日本銷量No1
