【「戲院餐廳」係一個乜嘢概念？】
喺《花木蘭》歐美市場直接上串流之際，港台觀眾當然花生滿地，但「菲菲」同佢哋關係不大，就覺得迪士尼呢個舉動影響深遠，對戲院業嚟講，呢步隨時比疫情更邁進寒冬。業界甚至認為，未來戲院嘅存在意義，只不過係俾觀眾（食客）去食嘢。
戲院點樣開餐廳食嘢？
對香港觀眾嚟講，「戲院餐廳」概念可能唔強，除咗之前UA嘅「泰蘭花」之流，係最近Premiere Elements先叫做同戲院合作，開間餐廳，唔係極其量應該諗到係VIP houses，有得俾你喺入面用餐食飯。始終香港咁方便，睇完場戲轉個彎有宵夜，唔驚冇嘢食。
喺西方地區，好多戲院都真係會附設埋餐廳。外國地大物博，戲院有十幾廿個院再單棟式建築係好等閒事。幾層樓高有時會間一層，或者將地下一角變成餐廳，一般你拎住張戲飛去食都會有平。西方國家部份戲院，或者「真IMAX」都要用到好大地方，分分鐘睇場戲要揸車去公路邊嘅戲院，所以附設埋餐廳唔出奇。
小弟喺外國睇戲都有個目標，每個地方都睇場IMAX，成日去啲偏到冇人有、唔會有遊客到嘅地方，試過根本冇乜公共交通，散場要截順風車走，呢啲地方附設間餐廳都好正常。
當年我喺立陶宛睇完場戲，天寒地凍附近又乜都收曬，入面就有間係「seated service」嘅餐廳。間戲院偏離咗市中心，唔係個個識英文果種、張餐牌都冇英文。當時都去咗一陣立陶宛，大概都知基本菜式個名，加埋「看圖篤篤篤」，理論上唔會叫唔到嘢食，但店員用有限度英文同我指手劃腳，介紹立陶宛嘅地道名菜，最後雖然果間餐廳唔係咩遊客必吃，但食完都冇失望、果種服務態度至今都好難忘。
果度有少少似未裝修前UA Megabox旁邊間西餐廳，全程不斷播預告片，特別連製作特輯都播埋，作為影迷一路食一路睇，雖然唔知佢講乜，都幾好feel。
反而，你話美國嘅戲院餐廳，好多時都係連鎖快餐店，又或者只係公路商場嘅對面鋪頭，感覺又冇咁深刻。呢類連鎖快餐店未必同戲院有合作，都唔係間間拎住張戲飛都有得平食，所以你話第時戲院會唔會只變咗「觀眾食堂」，見仁見智。
波羅的海戲院遊可看留言連結。
【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
連鎖快餐店英文 在 Learning English from Fast Food Chain Restaurants 從連鎖 ... 的推薦與評價
... <看更多>