前排想搵套熱血動畫嚟睇，
最後開咗〈排球少年〉。
.
基本上第一季頭幾集開始已經chur住嚟追，
因為每隔一陣就會有一個熱血高潮位。
重點在嗰啲熱血，
唔係憑意志咆哮幾下就突然變勁然後主角無敵，
而係基於角色背景、排球知識等等build up出嚟。
圖1月島呢一幕，
係有一朝睇到6點幾，
都喺自己間房跟住嗌咗出嚟。
「睇咗五十幾集佢終於覺醒」，
呢句係我當下心情。
.
一向覺得角色強度設定好重要，
最怕嗰啲越嚟越勁最後暴走到不行（網王你懂的）；
一係就你吹到對手逆天咁勁但為咗主角有得贏而夾硬嚟（七大罪第一季尾）。
so far四季嘅〈排球少年〉動畫無出事嘅，
同埋角色唔會有咩超能力或者逆天必殺技，
樸實地打波，
唔怪得有人話係近年「運動動畫清泉」。
.
分鏡、配樂、起歌位、節奏、聲優，
呢啲都令排球少年頭三季好L好睇。
可惜只係頭三季！！！
第四季真係睇到又嬲又燥又傷心，
一套做得咁好嘅系列，
第四季轉咗監督之後成件事錯晒。
畫風變都算，
節奏搞到亂晒、
長時間flash back、
高潮位無聲無色就過咗，
都講唔晒，
總之就係睇得好唔順。
希望第五季做返好啲吧，
唔好浪費咗。
#排球少年 #周圍導人睇 #但第四季真心諗 #打唔到咁多有興趣私下dm傾 #呢家新番追緊東京卍復仇者 #同埋終於開 #進擊的巨人 #睇到第三季了
進擊的巨人第四季第一集 在 進擊的巨人第四季_第1集線上看- Gimy劇迷 的推薦與評價
動漫-進擊的巨人第四季-第1集-完結：在艾倫他們居住的帕拉迪島之外，還存在一個其他人類居住的世界。當中一個國家「瑪雷」與其他各國爆發戰爭。陷入苦戰之際，他們決. ... <看更多>