桌球係一個大家都覺得”好男仔”嘅運動，而女仔去打桌球，成日都會比人睇低一線。我初初選擇去同男仔打比賽，身邊好多人都會話～唔好啦，同男職業手打咪盞輸。但係我知道永遠留喺自己comfort zone係唔會有進步。
不過，講就容易！
我第一次去參加世錦賽外圍賽對住男職業手Peter Lines，我真係好怯場，最終輸1:10。輸咗之後有人話我水平太低，應該去打返女子比賽。我記得當時我真係好唔開心.. 好氣餒.. 自己喺酒店房喊得好勁，有一種想搵窿捐嘅感覺!!! 但係我知道，返轉頭我就只會原地踏步。有邊個會一開始就贏？第一次衰咗就放棄，又點知下次唔會贏？跟住之後，我第二次、第三次去打，都係輸1:10。但係我無放棄到，一路去打，去輸，再返去練。
終於，我前年再參加世錦賽外圍賽，對Alan McManus，比數打到6比6，雖然最後都係輸，但終於見到自己嘅進步！
人生唔係只有「贏」同「輸」，過程先係最重要。
輸一場比賽，但學到更多嘅話，Why not?
睇完ViuTV原創劇《男排女將》預告片，睇到一班年青人為咗排球有幾熱血，為咗夢想有幾堅持。（預告片喺呢度：https://bit.ly/375TksW）
一班因為身高被人看低嘅排球隊隊員，經常被人嘲笑無可能打入甲組，但憑住佢哋不放棄嘅精神，喺教練帶領下，逐漸打出成績，為自己嘅夢想向前。正如當年喺世錦賽外圍賽，如果我選擇放棄，絕對唔會有今日嘅我。
一輸就放棄，你覺得你可以贏到啲乜？
#ViuTV #今晚9點半 #男排女將 #球不著地永不放棄
過程先係最重要 在 霎時再感動｜ 黃智雯曾想過放棄｜明白享受過程先係最重要 的推薦與評價
【 霎時再感動】 黃智雯曾想過放棄明白享受 過程先係最重要 黃智雯喺幾年前出埠拍攝《 一個因去跳舞》嘅跳舞節目。喺節目中，智雯要去到韓國接受三項 ... ... <看更多>