【免費放電好去處 - 上水保榮路體育館】
4️⃣月份開始喇，打工仔好鬼開心👻，家長們就好閉翳🤦🏻♀️
因為嚟緊開始放復活節長假期啦🐰🥚
要諗帶小朋友去邊度放電真係諗到頭都爆🧨
好彩，喵奴屋企附近嘅體育館兒童遊戲室剛剛翻新好，重新開放兩星期咋，咁近就梗係要「身先士卒」啦💪🏻
重開當晚食完飯就諗住帶金寶湯去排隊
點知最後一場已經full晒，排都唔俾排，搞到金寶湯喊到好淒涼😭
所以過幾日weekday嘅上晝一早再帶佢去玩。
呢個全港最大嘅政府兒童遊戲室，面積有370平方米，依家鮮明地劃分咗3️⃣個區域，適合嬰兒、幼兒同兒童玩，每次名額5️⃣0️⃣人，一人一籌，家長亦計算在內，所以唔擔心場內太多人而造成危險，當然，喵奴會強烈建議小朋友仲細，媽咪都係陪同一齊玩就最安全啦，而遊戲室內亦寫明4️⃣歲以下的兒童必須由家長或監護人在內陪同使用，所以家長們唔好掛住玩電話喇📵。
張籌都好特別，寫住「登機證🛫」，出發地係香港🇭🇰，目的地係小小世界🗺，非常有心思，未出發前小朋友已經有無限幻想💡，入場前門口隔離會有個check-in位俾大家除鞋入場，場內分左中右三大區域：
左邊：非洲大草原區，適合0-2歲、爬行或學行嬰幼兒🚼
中間：金字塔/冰島區，適合2-5歲幼童🚸
右邊：歷奇爬架區，適合4-9歲兒童👦🏻
‼️留意返歷奇區域，因為呢區設施專為4-9歲兒童而設，所以有返一定難度。而且場內唔少小朋友係度跑嚟跑去，容易有碰撞，如果帶0-3歲小朋友嚟嘅媽咪請記得一定要陪同呀‼️
喵奴我雖然陪住金寶湯玩，但佢一路爬一路話好驚🥺，因為每級都幾高吓，玩瀡滑梯個度佢直頭喊咗出嚟😭。
我本人最鍾意金字塔區，因為佢係用繩網織出嚟，非常吸睛📸，而且入面仲有得爬上一層，係歷奇繩網嘅初階版；金寶湯就當然最鍾意做「柱男」啦，因為佢可以扮消防員👨🏻🚒瀡鋼柱嘛，仲瀡極都唔厭𠻹🤣👍🏻。
- - - - - - - - - - - - - - - - - - - - - - - - - - - - - - - - - -
保榮路體育館兒童遊戲室資料👇🏻
地址：新界上水百和路19號（上水官立中學隔離）
開放時間：上午8:30至晚上21:15，共11節，每節45分鐘
定期保養日：每月第2️⃣及第4️⃣個星期一均不會開放 (如該日為公眾假期，保養日則順延至下一個工作日)
⚠️即係8/4，23/4唔開放呀⚠️
#想要開放時段可以留言我pm你
#閒日朝早唔算好多人
#其實我住隔離咋
#邊個唔識路都可以問我
#約埋我一齊去玩都仲得
#體育館出面仲有個保榮路公園可以攝吓時間
#可能咁啱撞到我哋🤪
#hi乜咁啱呀？
#感激大家🙏🏻
#最近忙於處理家事😢
#我已經平伏心情
#只要湊好金寶湯同羅宋湯就係對你最好的報答💪🏻💪🏻💪🏻
#加油
#復活節 #假期 #親子 #育兒 #放電好去處 #上水好去處 #免費入場 #遊戲室 #遊樂場 #playroom
邊個唔識路都可以問我 在 還覺得自己係半個幸福瑞典人妻嘅時候 - Facebook 的推薦與評價
首先之前瑞典bb問佢如果我哋去意大利滑雪安唔安全！佢就答好安全完全冇問題！點知返嚟一大班人感染！除咗意大利 ... ... <看更多>