《Red Dead Redemption 2》無限金錢大法！手快有手慢冇～
*以下攻略有少量劇透（真係好少），攻略流程係喺第二章*
《Red Dead Redemption 2》正式推出，相信唔少朋友都喺西部奮戰緊，有好多網友反映呢隻Game個通緝系統太敏感，郁啲就變咗紅人，成個鎮嘅警察衝晒出嚟圍捕你，而且被通緝時好多任務都唔做到，好多時死死地氣只能夠去交罰款（FYR有啲朋友可能重未知，其實被通緝嗰陣除咗投降，可以去郵局交錢，之後就可以解除通緝狀態，個價錢就係你被懸賞嘅金額），問題係啲罰款貴到暈，初期又好難搵錢，有時做個任務要殺人，殺完都係得幾十蚊，交罰款又幾十蚊，隨時重要倒貼，就算唔使交罰款，隻Game啲物價都唔平，初期錢又難賺，乜都買唔到頂住頂住好難受，如果你都係為金錢煩惱緊嘅牛仔，下邊呢個攻略就啱晒你，只要跟住雷隊長做，五分鐘就刷到無限金錢，重要可以無限刷，極速變西部首富。
－－攻略開始－－
1. 首先大家要玩到第二章，搬完屋去新據點之後，打開地圖，搵一個叫做「limpany」嘅地方（位於喺「horseshoe overlook」下邊，即係新據點落少少）
2. 去到會見到一間木屋，上邊寫有「SHERIFF」字樣，入去
3. 去枱底搵保險箱，打開後你就會見到一舊金條，唔好拎唔好拎唔好拎，好重要所以要講三次
4. 一打開個保險箱唔好拎嘢即刻Save，再Load Save
5. 再次跑返去嗰間「SHERIFF」木屋，再開保險箱
6. 正常咁拎金條，你會發現條金條拎完又可以再拎，拎完又可以再拎，可以無限拎，而呢條金條拎去黑市賣嘅話，每條可以賣到500蚊，一夜致富不是夢！
p.s. 呢個方法未知官方幾時會修復，但出Post呢一刻雷隊長多次實測過係用到嘅，要發達嘅朋友就盡快做啦！
再p.s. 唔想利用遊戲漏洞嘅朋友亦可以透過呢個攻略，喺遊戲第二章先取得500蚊（第一次見到金條就拎，唔好Save唔好刷），500蚊喺初期其實已經好好使，至少可以脫貧先！
__________________________________
想睇精彩短片，即去：http://bit.ly/2IRwZ8a
郵局保險箱據點 在 郵局信箱查詢、郵政信箱優點在PTT/mobile01評價與討論 的推薦與評價
在郵局保險箱據點這個討論中，有超過5篇Ptt貼文，作者shin068也提到大家好～ 因最近保險在核保扣款當中， 當初先留郵局帳號扣款用，後來被退件說印鑑不符，跑了一趟 ... ... <看更多>