[上個月西德嘅最新出品]呢間德國第二大科技公司,條數應該係假嘅。話唔見咗20億歐元存款喎,果然係Fintech
1. TLDR:德國本身已經冇乜tech股乜滯,呢間嘢甚至仲要係第二大。結果都係咁。而呢度嘅讀者,就一早聽過呢間公司了!
2. 應該唔少人知道,埃汾鍾意德國。足球就固然,仲有其實in general成個國家同文化都係。後生得閒時甚至學過兩年德文,但當然都係冇乜剩。幾次去東歐(另一愛好)都係飛德國,除咗地理上啱,亦係順便「回鄉」。
3. 一般人對德國嘅印象,負面嘅就悶,嘢食難食(旅行OK嘅,食足一年就死人),古板。正面就係誠實,可靠,高科技。而《賭神》嗰副價值11萬美金嘅「西德隱形液晶體顯影眼鏡」(*),更係深入民心。亦畀你見到,至少當年,話西德科技,先進過美國啲過時產品,係大家信服嘅。
4. 可靠方面,亦有傳說過德國火車唔遲到(是假的),仲有一堆都市傳說講咩大陸留學生在德國坐霸王地鐵搞到全國封殺搵唔到公云云(又,說好了的德國人好重視私隱?)(**)。
5. 咁,可靠嘅德國人,搞Fin Tech公司,會係點?咪就係Wirecard。應該係一個騙局。大包花生。
6. 故事都唔使多講,就係呢間咁嘅Wirecard,聲稱存在嘅20億歐元現金,核數師都無法畫龜話存在。果然係薛定諤的cash (***)。呢個Fintech原來係變走啲錢,真係好似蝙蝠俠小丑變走枝筆咁神奇(https://bit.ly/3ddUTG7)
7. 我估,香港,真係唔會有幾多人識得呢間Wirecard。但真係唔好當佢豆泥嘢。大佬,DAX指數成份股喎!等於香港恒指咁地位,而恒指50隻,DAX得30隻。其實間嘢帳目有問題唔係第一日,但股價一路都死唔去(德國精神!),冇耐前對上一次DAX成份股季檢,踢走嘅係漢莎航空Lufthansa,而呢間嘢都仲有得留低(其實2018年先入)。
8. 唔止,呢隻嘢市值,2018年時一度大過西門子 福士汽車 德意志銀行等等。當時股價兩舊水,而家四十蚊有找。
9. 拿,呢度啲忠心讀者,就有機會一早聽過呢間公司啦。點解?因為我又係寫過的(證明呢度真係咩古靈精怪嘢都有),仲一寫係兩篇。
10. 真係一葉知秋的,有兩篇幾好反應嘅舊文都寫德國股市。第一篇講德國股市大落後,因為缺乏Tech股(https://bit.ly/2URouyP)。另一篇亦寫德國工業危機,一間蘋果嘅市值,多過DAX三十間公司加埋(https://bit.ly/2YKP264)
11. 兩篇都係話你知,你以為好high tech嘅德國,在呢一浪嘅新經濟浪潮中,完全被拋離。美國固然不用講,中國再雞都仲有騰訊 阿里巴巴,境外上市,經得起考驗。但德國呢?哦,西門子,福士。1997年教主回歸蘋果,蘋果市值係西門子十份一。而家?咪話一間蘋果大過三十間DAX公司加埋
12. 德國實在冇乜拎得出嚟見人嘅tech股。成個DAX,三十間入面得兩間。一間係都有啲名氣嘅SAP,另一間就係呢隻咁嘅Wirecard—仲係等到2018年先出現,最後發現做假數嘅。可想而知情況幾咁惡劣。
13. 補多句,Wirecard爆煲(咁都唔算爆煲?)後,德國即係得返SAP單天保至尊。但你話我偏都好,德國人啲想法真係幾奇怪,至少球迷係(窮人多?)。佢地似乎係幾仇富嘅。蘋果教主呀,小朱呀,標基呀,亞馬遜光頭佬之類,雖然有爭議,但一般都被視為模範,偶像,大家奮鬥目標。中國馬雲都類似係咁。但SAP嘅創辦人賀普(Dietmar Hopp),就係被球迷狂噓的。關乜事?因為佢又係德甲球會賀芬咸嘅班主。有鑊球迷係咁鬧,搞到球員都抗議,猜波清到完場算(https://bit.ly/3ei0ahk)。固然當中涉及德國球會堅持唔玩老細足球嘅潔癖,但我想講,賀普唔係啲肚腩大過波嘅肥西殺人中東佬(自己對號入座),佢年青時代直頭踢過波,就係踢賀芬咸。
14. 再補多一樣。其實有冇發現,十分可靠嘅德國人,係連一間似樣嘅銀行都冇架呢?!美國英國不用講啦,法國你會知道有BNP法巴,有SocGen法興。但德國呢?就只得醜聞纏身幾乎爆煲嘅袋住Deutsche Bank德意志銀行。數多間都冇。其他咩Commerzbank呀,Dresdner Bank呀(已被前者食埋),甚至再細啲嘅咩DZ,BayernLB,LBBW,HypoVereinsbank呀之類(****),死嘅死病嘅病。最撚好笑都係間HypoVereinsbank,賣畀意大利佬,德國銀行可以衰到賣畀意大利,簡直係德意志之恥。
15. 最後一樣,而家DAX30間公司加埋市值,當然比年頭時更低。而家應該12000億美金左右。蘋果呢?早幾日先創新高,15000億市值。史上第一間1.5 Trillion dollar market cap嘅公同,同德國甚麼,越拉越遠。只係有工藝有技術,係唔夠嘅。
16. 真真真係最後一樣。你見歐盟各方面都係一哥嘅德國,仲有好多好奇怪的東西,真係一葉知秋的。例如德國係歐洲最大經濟體,拜仁慕尼黑係歐洲三大最富有嘅球會,但你見有冇成日捧盃?(德甲就有,但德甲嗰隻係沙律碟).又例如,剛剛添姆雲拿轉會車路士,佢已經係史上最貴嘅德國球員,但都只係5000萬歐元。呢啲唔只係足球,同德國嘅社會經濟政治都係有關的。其實,都係仇富,仲有啲排外。
(*)結果《賭神》之後冇耐,西德都變埋歷史名詞。
(**)德國人好重視私隱,同埋好早返工,就係真的。
(***)薛定諤係奧地利人(唔通係中國人?),維也納出世。不過其實希特拉都係奧地利出世,一樣係奧地利公民,時間長過佢係德國公民添。奧地利史上最大嘅成就,就係令世人覺得貝多芬係奧地利人,而希特拉係德國人。照計講希特拉實係禁忌實有人鬧,咁我話定你知,呢句嘢係一個奧地利人講的。而就真係睇少啲Sound of Music,而奧地利人係極憎呢套戲的(https://bit.ly/2BfsphT)。現實係奧地利「回歸」德國,N咁多人上街歡迎, 奧地利球員走去加入德國,大德意志聯隊一齊踢世界盃添呀(最撚好笑係,踢佢地出局嘅,係一樣講德文嘅瑞士!)
(****)如果玩超級無敵乜乜乜,鬥數德國銀行,我應該贏到九成人。
都市至尊第二季 在 金堅賽馬世界 Facebook 的精選貼文
2018/09/09 賽後點評區
1. 楊生照舊遊馬河 活力名駒夠膽死好似陸運會D 400米賽事唔識CUT線咁
2. 利敬國騎後上馬真係特別有一手
R1
永常喜 - 前速無馬夠佢快 自己埋黎輕鬆走甩 對手水皮 加分再出都係拖腳 甚至冷敲熱避
好叻仔 - 四班同精益永精求串 落班講左好多次點都係賺級數 不過唔識出頭
做得好 - 今季直路好似外欄場地無中間跑線好 直路衝上黎走勢算幾好 五班評分有利
R2
大籐王 - 馬房暑期跟進馬 韋達最尾50米兩下反手鞭 最尾20米一下正手鞭到終點 盲既都睇到咩事
R3
電路二號 - 馬房暑期跟進馬 田雞全程跑得好靚 能跟能鬥 但內閃問題無改善過 純跑質素贏一組普通三班賽 升上二班要有進步先得 再出宜拖腳
可愛寶 - 走位有待改善 落班提防即刻郁手
R4
至尊大師 - 馬房暑期跟進馬 有人做電兔情況下 形勢同R3相似 粗身大馬初出未熱身都贏 四班輕磅唔好睇少
金錢炮 - 差課大閘 五班依然中堅
R5
放馬過來 - 熱身格 但無法猜度邊場先係真章 論馬谷草其實都得
友盈有款 - 出閘最快 騎師睇住韋達讓佢埋欄 楊生係咪要驗下? 轉倉其實走勢比以前有穩定到 可能落班對手弱左掛 但馬勝在天生前速好 必有用處 再出冷敲熱避
R6
歡悅星 - 操足而臨 一攻而破 老馬交代左再出冷敲熱避
鱷臨天下 - 馬房暑期跟進馬 本來其中一隻信心之選 可惜大閘後有喘嗚症 直路突然好快斷左 腳法唔靚 不宜熱捧
紅駿之星 - 長期Top Fit 轉番田草1400應該有得贏
R7
四班田草1600米根本成日爆冷 有睇開我D片都知道上季4班1600成日二十萬四重以上...
鴻圖機會 - 馬房全面搏殺可惜早段落腳較慢 又遲過人走 直路飲恨第二 再出都宜冷敲熱避
R8
軒轅齊飛 - 排位狀態有利情況一放到底 上季跟到今日先有得贏 此馬房心意難測 再出冷敲熱避
都市神話 - 狀態已經全面做番好 相信會盡快交代
巴基之友 - 馬房暑期跟進馬 但衝落明顯受磅位影響 出賽走規往往比試閘好 可能唔鐘意食泥 暫時計馬得80分左右
R9
瑩之光 - 馬房暑期跟進馬 + 十大銀行跟進馬 早段前邊兩隻狂放情況下早段完全跟唔住 初升三班直路走規一般捱入一席第三實屬好現象 再出已經可以補中
仁愛之星 - 馬房健康回穩 鞍上人騎好少少有第四 再出可以跟進
R10
天池怪俠 - 直路受擠碰情況衝入第四 前景理想 再出跟進
六十六十 - 直路有一段衝得好勁 睇黎隻馬好受得郭能手鞭 但路程太短 增程可以跟進
**題外話:馬房暑期跟進馬成績唔錯!**
都市至尊第二季 在 【煉體十萬層:都市篇】第17集數學至尊!青狼山陰謀起藍光 ... 的推薦與評價
... <看更多>