#長文放負 #慎入
我本人好少放負，
主要係覺得，放咗又點？
最後都係無人會幫到你㗎啦，
有咩情緒都係自己承受，
咁不如消化咗佢算啦。
但有時負得滯，都想放出嚟，
希望講完後，情緒唔好堆積住，
影響跟住落嚟要行嘅路。
開始放：
我好X Y Z憎人哋半夜三間搞我 -
如果真係physically搞我，都無咁乞人憎，
但係emotionally 搞我，搞到我忍唔住發火，
我會瞓唔着，第二朝心情又差，
好影響我生活，我真係會嬲你好耐。
任何頻繁地主動影響我情緒嘅人同事，
我都會遠離，有咁遠走咁遠。
我畀你夜麻麻access到我，
其實係好畀面你，
但唔代表我同意半夜三更同你開始討論一件事。
我唔可以一日做咗十幾個鐘之後，
你半夜同我講一樣新嘢，
start一個new topic，
期望我要好有誠意咁，
聽你啲理論，理解你啲research，
就算我表示咗唔係幾同意你嘅角度，
或者再找時間傾，
你一係就西口西面（聲），一係就喋喋不休。
昨晚（又係）十一點幾，
條友意圖強迫討論，
我話咗我仲有啲嘢做緊，
可唔可以遲啲傾。
到我香港時間半夜兩點幾，
又搵我一開口就講同一件事，
我話我已經好夜，淨係想瞓覺，
條友竟然話：「我係幾點開始同你傾㗎？」
嘩！啲語氣重到呢！
知唔知道半夜三間要人傾啲唔係趕嘅嘢，
係好撚無禮貌？
識唔識得尊重吓人，
尤其是我唔係啲無嘢做嘅閒人。
我唔係你下屬，亦唔係你老婆，
我其實唔係咁需要你嘅advice㗎咋，
我無預備你一撳掣，我就要入到個討論mode.
我話俾人聽我唔使瞓，
唔通我真係唔使瞓咩？
有時差唔係大晒，
咁唔識做人，咁鍾意做權威，
咁霸道，仲要咁那寸，
語氣咁重，講嘢咁那大聲。
我唔理你有幾叻，
就算你係都要豪俾我都係咁話，
多謝先，但真係唔使啦。
又如果你覺得好權威會有助溝女，
更加唔使， Sorry我最唔受呢一套。
唔該死開！
而家我日頭同夜晚都唔想同你講嘢，
除咗「痴撚線」同「操控狂」之外，
無嘢可以形容，呢啲無時無刻強迫討論嘅行為。
鬧完，仲係無咩心情做嘢，
今日工作效率勁低，損失慘重。
#都話我哋唔夾㗎啦
#唔好再嚟
