🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][TVB][踩過界II][EP04]
✅ 簡sir出招一吓KO 同盲俠勝負定義不同
❎ 腦活動答辯唔夠實淨 解釋黎女士欠詩涵道歉多咗
今集最令我動容嘅係黎女士同詩涵講嗰句對唔住。不過癲姐向Eva喺病房出面嗰段講解，話盲俠指欠詩涵對唔住嗰個係黎女士，真係太多喇。成個case出到嚟喺感動位嚟講係幾正，如果唔講咁多會更好。簡sir查到詩涵跳樓嘅重大原因係黎女士嘅網上留言，利用呢點去令文申俠撤控，完咗場官司，劇情上有啲牽強。
上一集仲笑緊唔係真係靠偵測陳詩涵腦部活動去答辯咁夾硬啩？因為用呢個方法去打，院長有錢又有醫學背景可以搵大把專業人士挑戰呢個答辯方法。劇本寫到依家官司急煞停，係因為簡sir出手，佢好清楚文申俠嘅弱點：關懷別人，所以查到黎女士嘅網上留言時就快刀斬亂碼叫黎女士同文申俠撤控，因為喺庭上爆咗出嚟，黎女士就萬劫不復。
聽落好合理。但其實成件事要建基於簡sir同意偵測腦活動可以成為有力嘅答辯，佢怕咁落去Eva會輸，所以就算佢拎到黎女士嘅留言，都要私底下同盲俠去拆，唔想Eva有任何輸嘅機會。但偵測腦活動去答辯在我而言根本立唔住腳，由偵測腦活動去答辯而發展出嚟嘅成段都變得薄弱。不過放咗楊卓娜段悲情戲喺尾托住，感覺就好返好多，係計過嘅。
柯宇霖對陳詩涵應該係有啲愛意。咁點解之前有一段係柯宇霖會走去鬧重傷嘅陳詩涵係八婆？純粹擾亂觀眾？但唔太合理喎。
btw要幾多次舞呀？
同埋癲姐做咩無啦啦會同Eva講咁多嘢？唔係示威霸地盤喎，講埋自己喺床下底嗰單嘢根本係示弱。癲姐咁容易飲醉咩？
開新case，戴耀明做嘅嗰個角色我諗唔係好人喇。最怕睇爭產案，好鬼悶，唔知今次會寫成點？江寶釵入局，期待呢個新角色。
📺 81台 逢周一至五 2130~2230
[演員表] 王浩信 飾 文申俠 / 蔡思貝 飾 趙正妹 / 張振朗 飾 谷一夏 / 張曦雯 飾 邵美娜 / 秦沛 飾 簡紹宏 / 朱千雪 飾 戴天恩 / 姜麗文 飾 江寶釵 / 簡淑兒 飾 郭琳 / 張國強 飾 霍定邦 / 黃子恆 飾 華鎮岳 / 李成昌 飾 柯博遠 / 丁子朗 飾 柯宇霖 / 楊卓娜 飾 黎美月 / 鄧卓殷 飾 陳詩涵 / 林景程 飾 馬存智 / 戴耀明 飾 邱尚財 / 朱智賢 飾 趙家希 / 余子明 飾 邱耀興
#1230隔夜超短劇評 #無綫 #TVB #踩過界II #林志華 #黃偉強 #馮日進 #鍾若詩 #王浩信 #蔡思貝 #張振朗 #張曦雯 #秦沛 #朱千雪 #姜麗文 #簡淑兒 #張國強 #黃子恆 #李成昌 #丁子朗 #楊卓娜 #鄧卓殷 #林景程 #戴耀明 #朱智賢 #余子明
鄧卓殷有錢 在 香港娛樂八卦新聞丨18年港姐亞軍鄧卓殷建築碩士即將畢業 的推薦與評價
香港娛樂八卦新聞丨18年港姐亞軍 鄧卓殷 建築碩士即將畢業，TVB的收入只能當零用錢丨. BY-TV. BY-TV. 72.3K subscribers. Subscribe. ... <看更多>