【超主觀試食報告 - MyKuali麥可利】
今日一次過同肥仔一齊煮晒三款上次由 MyKuali Hong Kong 小編送黎既麵
因為好窮所以無配料，得條蔥，就試下啲麵最原本既味道！
＜檳城紅酸辣湯麵＞
英文名係Red Tom Yum Goong，個湯既氣味同味道都真係酸酸辣辣冬蔭公咁！聞落去好似酸過食落去既感覺，如果再酸少少就好喇。如果煮呢個麵，搭幾粒蝦仁落去，應該會仲滿足！
＜檳城白咖哩麵＞
老實講三款之中我最期待就係呢款，不過真係有啲失望！佢用脫脂奶粉代替左椰汁，雖然會健康啲，不過真係無左「白」咖哩果種「白」既味道。我呢啲要味道唔要命既人就好想倒返啲椰汁畀佢喇，如果話係「咖哩麵」我會話佢係包好香既即食麵，不過佢話係「白咖哩麵」就即刻無咁開心。
＜檳城香辣蝦麵＞
呢款真係三款之中最有驚喜既一款，煮起已經聞到陣陣似好香既蝦米果種海鮮咸香味！食落亦一樣咁香，而且佢仲多左包炸乾蔥！更加香之餘無餸得黎睇落都無咁寒酸！哈哈！
三款入面都有個麵餅﹑一大包醬料同埋一包調味湯包
而＜香辣蝦麵＞會多左包油蔥（炸乾蔥）同＜白咖哩麵＞會多左包脫脂奶粉
佢麵餅大細係比較細果款，比較大食既可能一個未必夠喉
不過佢啲麵條比一般即食麵粗同實在，唔會煮起得返兩啖仔咁樣
肥仔就食得落兩個，我就唔得喇
畀我可能係一個麵再飲埋湯就飽晒啦（又或者有錢既話可以加條腸仔）
佢個湯煮起黎都幾濃，又難得咁濃味既即食野又無過份鹹既問題喎
同埋小編都提醒過，記住照包裝上面既「說明書」咁煮呀！
除左時間，水同醬既比例都好重要，否則溝出黎個湯就唔同味喇。
＂開心大發現＂
另外我同一日分開煮左三個，煮第一個果陣好好心機，落左麵之後成日搵對筷子去撩散佢撩足三分鐘，煮第二第三個果陣落左麵只係反左佢一反就無搞佢由得佢煮
發覺不停撩果個比起另外無撩果兩個無咁彈牙！！！
我同肥仔都係唔算好食得辣既人（我既極限大約係Ｘ浪薯片…）
三款麵都係辣既，不過都仲係我地接受到既程度
只係一路食一路出汗果隻，我地試完三個麵就去左沖涼喇（分開沖）
我地兩個都覺＜檳城香辣蝦麵＞係三款之中最好味果隻！
有興趣去買黎試下啦，Foodwise、大昌食品、一田Yata、Aeon、UNY、Apita、Piago、AP Mart、部份百佳有售（好似係）
酸辣湯麵英文 在 每天簡單學英文- Sih Ying【問】 為什麼酸辣湯叫Sweet and ... 的推薦與評價
Sih Ying【問】 為什麼酸辣湯叫Sweet and Sour soup？而不是Sour and Spicy Soup？ ... <看更多>