審訊現場紀錄
#我覺得陳樞機應該係D10羅
今早，陳日君樞機接受代表三子的資深大律師麥高義提問。
#陳樞機超可愛
進入證供前，要報導下一啲花絮先。
陳樞機似乎係第一次做證人，好心急，因為有好多野想講。
每次都想講好長，但幾句之後，個翻譯就會叫佢「停一停」，樞機以為自己唔可以講得長。所以連續三次話：你譯快D啦，俾多D時間我講；我可唔可以講長D呀？
之後個翻譯先至話：我唔係叫你唔好講，係停一停俾我翻譯。但係個翻譯真係譯快左。
#樞機證供撮要
麥大狀：你有聽過公民抗命？
樞機：我喺教會教神學同哲學，有教信仰倫理同社會倫理，對公民抗命嘅概念都好熟架。
其實呢，公民抗命係法律界已經係好接受的概念，與天主教的教理與社會論理也很吻合。
因為當個社會長時間出現唔公正及不公義時，又沒有被糾正，公民抗命係一個好辯法。
麥大狀：公投你有參與嗎？
公投係好寶貴的機會俾市民表達普選的索求，我好支持。所以呢，我哋就用毅行黎爭取市民既支持。我哋行足一星期，每日行八個鐘，行晒全香港。
麥大狀：你知道學生在9月發起的罷課？
樞機：知道。學生做既事係非常正確，因為在咁嚴重既情形之下，都要有咁大既決心。我好欣賞學生罷課不罷學噃，我亦都曾經應學生邀請到罷課現場講課，教授公民抗命的理念。
麥大狀；9月27日你仍在添美道？你見到乜嘢？
樞機：我見到戴教授宣布啟動佔中後，嘩！D人走晒。我見到有兩個女仔喺度喊住話：你哋唔好走啦，你哋留低啦。
廿七號第二朝呢，我哋俾鐵馬圍住左，但我見出面好危險，D警察人數好少，市民多佢地好多。將D警察放係咁既環境係好危險，好愚蠢，係警察自己做成既，好可惜囉。
麥大狀：9月28號警方放催淚彈時你在現場嗎？
樞機：嘩！放催淚彈，我好慚愧，嗰啲胡椒粉呀，同埋催淚彈呀嗰啲，我自己就無中過。
我即刻攞住支大聲公同市民講：我地走嘞，返屋企嘞；政府而家都唔理性呀，用暴力呀。我地已經嬴左嘞，大家返屋企嘞。但我相信當時無人聽我講。
我覺得警察上層呢個決定係好不智，好愚蠢，咁樣做只會激嬲更多市民上街。
麥：除你之外，仲有冇見到第二啲天主教神父喺現場？
樞機：有啊！甘浩望神父係嗰度做彌撒，好啱呀，因為嗰日係星期日，好合適啊。
9月28日早上，我地諗住警察會拉我地啦，我哋就喺度等警察拉。點知見到正規軍警察行過，但係又唔拉我哋wor, 哎呀。我哋仲同警察講：辛苦曬你哋嘞。
啲市民都好好個噃，又冇鬧警察，仲拍手掌歡迎佢哋添。
麥大狀：9月29日之後你仲喺唔喺添美道？
樞機：我夜晚返咗屋企囉，因為我要準備，10月1號我仲要「去飲」，我唔停留喺度（添美道），因爲我聽到話佔中三子計劃10月1號開始，我想參加嗰個（佔中）」，所以不想在添美道被捕。
麥大狀：你知唔知當時係邊個帶領緊個運動？
樞機：催淚彈之後其實係好亂，三子已經冇晒角色；睇落去好似係學聯帶領緊，但係佢哋又冇能力控制場面。
我就攞住個大聲公大聲講：我哋要團結呀，唔好分裂啊。講完我就去咗一個角落頭瞓覺。
麥大狀：你有冇機會同啲學生領袖傾計？
樞機：有啊，有一次，等左佢哋好耐，但係佢哋嚟到好攰呀，都冇咩心機傾囉。所以我就傳過幾次紙仔比佢哋。
麥大狀：你如何評價D1, D2 及D3三位被告的品格？
樞機：噢！我好佩服佢地三個。我是教士，但三子比我更虔誠。
佔領時佢哋三個每朝早都叫我一齊，大家拖住手為在場的學生祈禱，希望佢哋唔好受傷。
#樞機一直投訴警察唔拉佢係歧視佢對佢唔公道
#希望與三子共負一軛
#樞機問點解唔俾佢講長D
#仲短過講道
#又食多左早餐
#控方對樞機的證供一點興趣也沒有
#重要人物全程黑面一點興趣也沒有
