【《烈火英雄》獨論視覺特技係唔差喎】
喺金像獎條預告片入面，好多朋友都話有幕喺水度抱住個人行出嚟果幕好靚，我先醒起仲有套《烈火英雄》未睇。《烈火英雄》曾經喺PREMIERE ELEMENTS上映過五場，符合到金像獎資格，而你都真係可以買飛，只不過套戲食正社運最烈果陣時上映，即使本身背後有Columbia (Sony)，最終都冇上正場，唔係分分鐘落得《中國機長》咁下場。
拍得出呢啲戲，預咗有擦鞋「打飛機」成份，但呢套又冇《中國機長》咁尷尬，係幾句對白上有少少造作，反而你話頂唔順係後半段大灑狗血玩煽情，為咗令套戲唔好咁剛陽味，加入兩位女角，但喺鋪排不足下，呢兩位女角段戲有少少多餘。同時，呢類咁典型嘅角色設定，基本上開場冇十分鐘，你都估到邊個會壯烈犧牲，唔似《救火英雄》點煙死得咁型棍。
不過，如果獨論視覺效果－－都係套戲喺金像獎唯一提名：「最佳視覺效果」又確係唔差，甚至拍得住荷里活級數。故事講述一個原油台發生漏油發生大爆炸，幾場大爆炸好迫真，尤其一爆果下極為震撼，都因為漏油漏到周街都係，所以成個場地都燒著曬，以火場面積之大同誇張，都算係同類「救火片」之最。成套戲點解人物關係咁薄弱，因為一開場就一路爆到完場，不斷有唔同嘅意外、大場面一個接一個，當作一套娛樂片、爆谷片嚟睇，過程確係超緊張，毫無冷場果隻。你睇得出過程中有「CG火」，但係大場面嘅火光熊熊效果都幾可亂真，完全融入咗火海，隔住個mon都覺得熱。
睇《中國機長》得啖笑，但《中國機長》視覺效果又確唔失禮，《烈火英雄》簡直係拍得住荷里活級數，背後有Columbia (Sony)投資應該幫唔少。當《救火英雄》已經夠勁時，《烈火英雄》仲勁。你唔好理劇情，呢套都係一套幾刺激嘅Kill time之選。如果唔係撞正社運，上正場分分鐘有唔錯成績。
未睇《征途》，但就咁講「最佳視覺效果」，五套入面呢套贏曬。咁當然，金像獎選嘅「口味」，你點會咁易估得到？只係，睇完《烈火英雄》係完全想像唔到，可以當做「香港電影」。
《中國機長》、《救火英雄》觀後感可看留言連結。
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
金像獎資格 在 thread:王柏傑新人資格遭疑香港金像獎入圍被摘- Ourmovies 的推薦與評價
‹ 看板
精華區
最舊
‹ 上頁
下頁 ›
最新
王柏傑新人資格遭疑 香港金像獎入圍被摘
... <看更多>