《以前「禁止打機」係末日，而家「逼我打機」先係一種懲罰》
細細個嘅時候，阿媽好鍾意要脅我：
「如果下次測驗考得唔好，就禁止你打機一星期。」
補充返，
「嗰時」即係小學至初中－Gameboy Color同《金庸群俠傳Online》嘅年代。
對於當時《我的志願》寫咗「小精靈訓練員」嘅我嚟講，
「禁止打機」唔止係「不如一槍打死我」咁簡單，
直情係「亂槍掃射」而死。
我對「打機」係到達咗朝思暮想嘅地步。
青春期嘅我甚至擔心過呢種「機癮」係唔正常，應該睇醫生。
好彩我發現阿強、明仔同 細威仲嚴重過我，
先打消咗呢個念頭。
青春期話咁快就過，
轉眼我哋都工作咗差唔多十年。
有日同阿強連線，打隻足球Game，諗住踢場Friendly決一勝負。
但大家覺得就咁踢唔夠激，不如搵啲嘢賭下啦。
我好快咁講：
「嗱！邊個輸咗就一星期唔準打機，係咪大懲罰先？」
阿強諗一諗，笑一笑：
「唔會呀，對我嚟講…要我連續打機一星期，先至係懲罰。」
聽到呢句，未及思考…
場波已經開始。
『係喎，對上一次一齊打機，都已經係8日之前。』
心神恍惚，我先失一球。
1:0
『阿強有老婆仔女…一至五返工，星期六陪老婆，星期日同細路仔FAMILY DAY。
唔好話每日打機，每日上網睇攻略都未必得啦…』
我再失一球。
2:0
『嗯…咁我自己呢？如果每日都硬性要打一粒鐘機。係享受…定懲罰？』
3:0
4:0
5:0.
我被大炒了，因為我有答案了。
『係懲罰。』
有時OT得夜…返到屋企，唔好話打機，連思考都做唔到，
你只想用最快速度，跳上張床度。
唔係瞓，
而係唔郁、唔諗嘢、唔思考、當自己唔存在。
呢種狀態，係冇可能好好享受遊戲。
前兩日，見到明仔喺啲「放置Play手遊」度「遊戲中」，
但佢明明買咗隻日廠大作！！！
我即刻問佢做咩玩「無腦手遊」，
佢答我：
「就係因為唔想用腦囉…haha…返完工，個腦冇力轉啦。」
記得青春期嘅時候，
同班同學喺便利店食 炒麵王時傾計，
話第日返工有收入，一定會買晒啲Game，日日狂打機。
到今日，我的確在努力工作，
卻忘記了，為了甚麼而工作。
又或者不是忘記了，
只是有些以前重要的，今天都淪為次要。
大部份的初心，最後總是背道而馳。
就如當年的「小精靈訓練員」，
沒有走到「心金、魂銀」，
早在「火紅、葉綠」就到了終點。
IG: cheungson88
https://www.instagram.com/cheungson88/
金庸群俠傳online攻略 在 新增加【幻陰指】攻略！... - 金庸群俠傳Online - 香香公主 的推薦與評價
金庸群俠傳Online - 香香公主 · 2017年3月12日07:55 ·. 新增加【幻陰指】攻略！ 這次的網龍更新可以說是多年來唯一一個大突破。希望網龍不要因為『霸主外掛』的限制不 ... ... <看更多>